2 Kronika 13:11 - ŊMALƐ KRƆŊKRƆŊ LƐ

¹¹ Daa leebi kɛ gbɛkɛ lɛ amɛshãa shãa afɔlei kɛ tsofakɛŋma amɛhãa Yehowa. Amɛkɛ aboloo ni akɛmaa Yehowa hiɛ lɛ maa ehiɛ yɛ okplɔ̃ ni atsuu he lɛ nɔ, ni daa gbɛkɛ lɛ amɛsuɔ shika kanetso lɛ nɔ kanei lɛ. Wɔ lɛ, wɔhiɛ mli wɔmiifee nibii ni Yehowa eto akɛ afee lɛ; shi nyɛ lɛ nyɛkwa Yehowa.

Ṅmãle̱ Kroṅkroṅ Le̱

¹¹ ni *dā lebi ke̱ gbe̱ke̱ le̱ ame̱šãa šã-afo̱lei ke̱ tšofã-ke̱-ṅma ame̱hāa Iehowa, ni asaṅ ame̱too̱ hĩe-mā-abolo le̱ gbe̱dšiano̱ ye̱ okplō ni he tše le̱ no̱, ni ame̱sāa šika kanetšo ke̱ ehe kanei ni asuo̱ dā gbe̱ke̱ le̱; edšake̱ wo̱ le̱ wo̱feo̱ Iehowa, wo̱-Nyoṅmo̱ le̱, gbe̱nānii le̱, ši nye le̱ nyekwale̱! *4 Mose 28,3-8.

2 Kronika 13:11 ပူးပေါင်းရင်းမြစ်များ

1 Mose 26:5

ejaakɛ Abraham bo migbee toi, ni eye mimlai kɛ mikitãi lɛ anɔ.”

2 Kronika 13:10

“Wɔ lɛ, Yehowa ji wɔNyɔŋmɔ, ni wɔkwako lɛ. Aaron shwiei lɛ ji mɛi ni yeɔ osɔfo, ni amɛsɔmɔɔ Yehowa yɛ wɔteŋ, ni Levibii lɛ hiɛ amɛnitsumɔi lɛ amli amɛmiitsu pɛpɛɛpɛ.

2 Kronika 2:3

Kɛkɛ ni Maŋtsɛ Solomon tsu Tiro Maŋtsɛ Hiram ŋɔɔ, ni ayakɛɛ lɛ akɛ, “Bɔ ni ofee ohã mitsɛ David, ni obahã lɛ tsenedrutsei ekɛma shĩa ehi mli lɛ, nakai nɔŋŋ mitaoɔ koni ofee ohã mi hu.

2 Kronika 2:4

Naa, mibama Sɔlemɔtsu mikɛwo Yehowa, miNyɔŋmɔ lɛ, hiɛ nyam. Abaato tsu nɛɛ krɔŋkrɔŋ ahã lɛ, ni abaashã tsofakɛŋmai yɛ jɛi, ni akɛ aboloo baama Yehowa hiɛ yɛ jɛi daa, ni asaŋ abaashã shãa afɔlei yɛ jɛi akɛja lɛ daa leebi kɛ gbɛkɛ kɛ hejɔɔmɔ gbii lɛ hu, kɛji shɛ nyɔji hei, kɛ gbii juji krokomɛi ni akɛwoɔ Yehowa, wɔNyɔŋmɔ lɛ, hiɛ nyam lɛ anɔ. Gbɛnaa nitsumɔ ni kã shi hã Israel nɛ kɛmiiya naanɔ.

2 Kronika 4:20

Ekomɛi hu ji kanetsei lɛ kɛ amɛhe kanei lɛ ni akɛ shika ŋmiiŋmi fee ni asuɔ amaa He Krɔŋkrɔŋ Fe Fɛɛ lɛ hiɛ tamɔ bɔ ni ato afɔ shi lɛ.

2 Mose 29:38

“Agbɛnɛ afɔle ni oshã yɛ afɔleshãa latɛ lɛ nɔ nɛ: Daa gbi lɛ toobii enyɔ ni eko fɛɛ eko eye afi.

Ezekiel 44:15

“Osɔfoi lɛ ni jɛ Levi akutso lɛ mli, ni amɛ ji Zadok shwiei, mɛi ni kã he amɛsɔmɔ mi yɛ miHe krɔŋkrɔŋ lɛ, be mli ni Isrealbii lɛ du gbɛ kɛje mihe lɛ, amɛ amɛbaabɛŋkɛ mi ni amɛsɔmɔ mi. Amɛ amɛbaashã fɔ kɛ lá afɔle lɛ amɛha mi. Yehowa kɛɛ.

Ezekiel 44:8

Nyɛ diɛŋtsɛ nyɛtsuuu minibii krɔŋkrɔŋi lɛ ahe nii yɛ miHe Krɔŋkrɔŋ lɛ; shi moŋ nyɛto maŋsɛɛbii ni amɛtsu.

Ezekiel 48:11

Akɛ nɛkɛ shikpɔŋ nɛɛ ahã osɔfoi ni afɔ amɛ mu ni jɛ Zadok shwiei lɛ amli lɛ. Amɛ amɛ ji mɛi ni sɔmɔ mi anɔkwale mli be ni Israelbii kɛ Levibii lɛ du gbɛ lɛ.

4 Mose 1:53

Shi Levibii lɛ ashishii amɛbui lɛ kɛbɔle miKpee Buu Krɔŋkrɔŋ lɛ; amɛbu he bɔ ni afee ni mɔ folo ko akabɛŋkɛ Buu lɛ ni no yatsɛ mimlifu bahã Israelbii lɛ.”

4 Mose 16:46

ni Mose kɛɛ Aaron akɛ, “Kɔ olajee tsɛnsi lɛ, ni oje afɔleshãa latɛ lɛ nɔ la lɛ eko owo mli, ni okɛ tsofakɛŋma ashwie nɔ, ni okɛya asafo lɛ ŋɔɔ mramra okɛyakpãtã ohã amɛ, ejaakɛ Yehowa mlifu ete shi momo, ni gbele hela lɛ ebɔ̃i mɛi ahiɛ kpãtãmɔ.”

4 Mose 16:6

Nɔ ni nyɛfee nɛ: Kora, bo kɛ osafo lɛ nyɛkɔlɔa lajee tsɛnsii;

4 Mose 9:19

Kɛji atatu lɛ tsɛ akɛ amɛ yɛ Kpee Buu Krɔŋkrɔŋ lɛ nɔ lɛ, Israelbii lɛ boɔ Yehowa toi, ni amɛfãaa kɔkɔɔkɔ.

Luka 1:9

ahala lɛ tamɔ bɔ ni esɔfo nitsumɔ lɛ gbɛnaa yɔɔ lɛ, koni ebote Nuŋtsɔ lɛ Sɔlemɔtsu lɛ mli ni eyashã tsofakɛŋma.