2 Kronika 13:10 - ŊMALƐ KRƆŊKRƆŊ LƐ

¹⁰ “Wɔ lɛ, Yehowa ji wɔNyɔŋmɔ, ni wɔkwako lɛ. Aaron shwiei lɛ ji mɛi ni yeɔ osɔfo, ni amɛsɔmɔɔ Yehowa yɛ wɔteŋ, ni Levibii lɛ hiɛ amɛnitsumɔi lɛ amli amɛmiitsu pɛpɛɛpɛ.

Ṅmãle̱ Kroṅkroṅ Le̱

¹⁰ Ši wo̱ le̱, Iehowa dši wo̱-Nyoṅmo̱, ni wo̱kwakole̱ ni wo̱ye̱ oso̱foi ni dši Aaron bii ní súmoo̱ Iehowa, ke̱ Levibii ní hĩe ame̱nitsumo̱ mli;

2 Kronika 13:10 ပူးပေါင်းရင်းမြစ်များ

2 Kronika 13:11

Daa leebi kɛ gbɛkɛ lɛ amɛshãa shãa afɔlei kɛ tsofakɛŋma amɛhãa Yehowa. Amɛkɛ aboloo ni akɛmaa Yehowa hiɛ lɛ maa ehiɛ yɛ okplɔ̃ ni atsuu he lɛ nɔ, ni daa gbɛkɛ lɛ amɛsuɔ shika kanetso lɛ nɔ kanei lɛ. Wɔ lɛ, wɔhiɛ mli wɔmiifee nibii ni Yehowa eto akɛ afee lɛ; shi nyɛ lɛ nyɛkwa Yehowa.

2 Kronika 13:9

Te nyɛshwie Aaron shwiei ni ji mɛi ni yeɔ Yehowa osɔfo lɛ kɛ Levibii lɛ hu, ni nyɛwowoo nyɛ diɛŋtsɛ nyɛsɔfoi moŋ tamɔ bɔ ni shikpɔji krokomɛi lɛ anɔ bii feɔ lɛ? Te mɔ fɛɛ mɔ ni hiɛɔ edɛŋ tsina oblayoo loo ojwɛnii kpawo kɛba lɛ kɛkɛ lɛ awo lɛ nakai nibii ni jeee Nyɔŋmɔ diɛŋtsɛ ni wo lɛ osɔfo?

Nehemia 13:30

Nɛkɛ gbɛ nɔ mitsɔ̃ mijie maŋ lɛ kɛjɛ maŋsɛɛ nɔ fɛɛ nɔ ni buleɔ mɔ mli. Mito osɔfoi lɛ kɛ Levibii lɛ asɔ̃ɔmɔ lɛ gbɛjianɔ, bɔ ni afee ni mɔ fɛɛ mɔ ale enitsumɔ ni akɛhã lɛ lɛ.

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

4 Mose 1:53

Shi Levibii lɛ ashishii amɛbui lɛ kɛbɔle miKpee Buu Krɔŋkrɔŋ lɛ; amɛbu he bɔ ni afee ni mɔ folo ko akabɛŋkɛ Buu lɛ ni no yatsɛ mimlifu bahã Israelbii lɛ.”

4 Mose 16:40

koni etsɔ̃ kaimɔnɔ ehã Israelbii lɛ bɔ ni afee ni mɔ ni jeee Aaron shwie ko akatsi ebɛŋkɛ afɔleshãa latɛ lɛ akɛ ebaashã tsofakɛŋma ekɛhã Yehowa, koni ekabatsɔ̃ tamɔ Kora kɛ esafo lɛ. Eleazar fee bɔ ni Yehowa tsɔ̃ Mose nɔ ekɛɛ lɛ lɛ pɛpɛɛpɛ.

Yoshua 24:17

ejaakɛ Yehowa, wɔNyɔŋmɔ lɛ, lɛ ji mɔ ni jie wɔ kɛ wɔtsɛmɛi lɛ kɛje Ijipt shikpɔŋ lɛ nɔ, he ni aye wɔ nyɔŋ yɛ lɛ. Efee okadii wuji etsɔ̃ɔ wɔ, asaŋ ebaa wɔyi yɛ gbɛi ni wɔfãfãa fɛɛ mli kɛtsɔ̃ majimaji ateŋ kɛho.