2 Kronika 12:6 - ŊMALƐ KRƆŊKRƆŊ LƐ

⁶ Maŋtsɛ Rehoboam kɛ maŋ onukpai lɛ kpɛlɛ amɛtɔ̃mɔ nɔ, ni amɛkɛɛ akɛ, “Yehowa sane ja.”

Ṅmãle̱ Kroṅkroṅ Le̱

⁶ Ke̱ke̱ ni Israel onukpai le̱ ke̱ maṅtše̱ le̱ ba ame̱he ši ni ame̱kē̱: Dšalo̱ dši Iehowa!

2 Kronika 12:6 ပူးပေါင်းရင်းမြစ်များ

2 Kronika 12:12

Akɛ ni Rehoboam ba ehe shi ehã Yehowa hewɔ lɛ, Yehowa ŋmɛɛ emli ni fu Rehoboam lɛ he, ni ekpãtãaa nibii ahiɛ tsɔ̃ ko, ni no hewɔ lɛ, nibii shwere kɛ̃ yɛ Yuda.

2 Kronika 21:2

Yehoram yɛ nyɛmimɛihii ekpaa ni amɛ hu Israel maŋtsɛ Yehoshafat bii ji amɛ. Amɛ ji Azaria kɛ Yehiel kɛ Zakaria kɛ Azariahu kɛ Mikael kɛ Shefatia.

2 Kronika 32:26

Shi naagbee mli aahu lɛ Hezekia je ehe sɛɛ, ni lɛ kɛ Yerusalɛm fɛɛ ba amɛhe shi amɛhã Yehowa; ni no hewɔ lɛ, Yehowa gbalaaa amɛtoi yɛ Hezekia yinɔ.

2 Kronika 33:12

Be ni Manase yɔɔ hejaramɔ nɛɛ mli lɛ, eba ehe shi jogbaŋŋ ehã etsɛmɛi aNyɔŋmɔ lɛ, ni ekpa Yehowa, eNyɔŋmɔ, lɛ, fai akɛ ena lɛ mɔbɔ.

2 Kronika 33:19

Manase faikpamɔ lɛ kɛ bɔ ni Nyɔŋmɔ bo lɛ toi ehã lɛ, kɛ hei grɔŋŋi ni emamɔ jemawɔji ajamɔhei yɛ lɛ, kɛ wɔŋ koi kɛ amãgãi ni efeefee fɛɛ dani eje ehe sɛɛ, ni eba ehe shi ehã Yehowa lɛ, aŋmala yɛ Gbalɔi Ahe Saji Awolo lɛ mli.

2 Kronika 33:23

Amon eyabaaa ehe shi kwraa ehãaa Yehowa tamɔ etsɛ Manase ba ehe shi lɛ, shi moŋ etɔ̃ tɔ̃mɔi babaoo.

Hiob 33:27

Ni eeela yɛ adesai ahiɛ, ni eeekɛɛ akɛ, ‘Mifee esha, ni mikɔ̃dɔ̃ nɔ ni ja; ni akɛ mihe fa mi;

Lalai 129:4

Yehowa lɛ, jalɔ ji lɛ; efolɔ mɛi fɔ̃ji ataŋkpei lɛ amli.

2 Mose 10:3

Kɛkɛ ni Mose kɛ Aaron tee Farao ŋɔɔ, ni amɛyakɛɛ lɛ akɛ, “Bɔ ni Yehowa, Hebribii aNyɔŋmɔ lɛ, kɛɛ nɛ, ‘Mɛɛ beyinɔ po oookpɛ̃lɛ koni oba ohe shi ohã mi? Hã mimaŋ lɛ aya koni amɛyaja mi.

2 Mose 9:27

Kɛkɛ ni Farao tsu ayatsɛ Mose kɛ Aaron kɛba, ni ekɛɛ amɛ akɛ, “Enɛ lɛ mifee esha. Yehowa lɛ jalɔ ji lɛ, shi mi kɛ mimaŋ lɛ mɛi fɔ̃ji ji wɔ.

Yeremia 13:15

Nyɛfea toi ni nyɛbo toi! Nyɛkawoa nyɛhe ejaakɛ Yehowa ewie.

Yeremia 13:18

Kɛkɛ ni Yehowa kɛɛ mi akɛ, “Kɛɛmɔ maŋtsɛ lɛ kɛ maŋnyɛ lɛ hu akɛ, ‘Nyɛbaa nyɛhe shi, ejaakɛ akpa nyɛ lumɔyeli. Nyɛtaraa humi sɛ̃i nɔ, ejaakɛ nyɛnunyam akekre lɛ eje nyɛyitso egbee shi.

Yeremia 44:10

Ni kɛbashi ŋmɛnɛ gbi nɛɛ lɛ, nyɛbako nyɛhe shi, ni nyɛsheko gbeyei, ni asaŋ nyɛbako nyɛjeŋ yɛ mlai kɛ akpɔi ni miwo nyɛ kɛ nyɛtsɛmɛi lɛ anaa.

Yāfó 1:18

“Yehowa sane ja, ejaakɛ miyeee ewiemɔ nɔ. Nyɛ majimaji fɛɛ, nyɛboa mi toi, ni nyɛkwɛa nɔnaa mli ni miyɔɔ. Miblahii kɛ miblayei lɛ, aŋɔ amɛ nom kɛtee.

Daniel 5:22

“Bo Belshazar, Maŋtsɛ Nebukadnezar bi lɛ, ole sane nɛɛ fɛɛ, shi fɛɛ sɛɛ lɛ obaaa ohe shi;

Daniel 9:14

No hewɔ lɛ, Yehowa, wɔNyɔŋmɔ, enɛ hewɔ ni ohã efɔŋ nɛɛ eba wɔnɔ nɛɛ, ejaakɛ bo lɛ jalɔ ji bo yɛ nii fɛɛ ni ofeɔ gbɛfaŋ; shi wɔ lɛ wɔbooo bo toi.

Hosea 5:15

“Mibagbala mihe shi mashi amɛ kɛyaashi amɛaakpɛlɛ̃ amɛtɔ̃mɔ nɔ, ni amɛaabatao misɛɛgbɛ. Ekolɛ fimɔ be lɛ mli lɛ amɛaatao mi.”

Luka 18:14

Miikɛɛ nyɛ akɛ, nɛkɛ nuu nɛɛ yiŋ etee ewe ni abu lɛ bem fe mɔ kome lɛ. Ejaakɛ mɔ fɛɛ mɔ ni woɔ ehe nɔ lɛ aaaba lɛ shi, shi mɔ ni baa ehe shi lɛ, aaawo enɔ.”

Romabii 10:3

Ejaakɛ amɛleee Nyɔŋmɔ jalɛ lɛ, shi amɛ diɛŋtsɛ amɛjalɛ moŋ amɛtaoɔ amɛkɛma shi, hewɔ lɛ amɛbaaa amɛhe shi amɛhãaa Nyɔŋmɔ jalɛ lɛ.

Yakobo 4:10

Nyɛbaa nyɛhe shi yɛ Nuŋtsɔ lɛ hiɛ, ni eeewo nyɛnɔ.

Yakobo 4:6

“Shi Nyɔŋmɔ lɛ, ekuɔ hewolɔi anaa, shi eduroɔ heshibalɔi.”

Kojolɔi 1:7

Adonibezek kɛɛ: “Maŋtsɛmɛi nyɔŋmai kpawo ni afolɔ amɛnine gɔntii lɛ kɛ amɛnane gɔntii lɛ kɔlɔ niyenii fufuji yɛ mikpɔlɔ̃ lɛ shishi. Bɔ ni mifee lɛ, nakai pɛ Nyɔŋmɔ efee mi eto najiaŋ nɛɛ.” Amɛkɛ Adonibezek ba Yerusalɛm, ni ebagbo yɛ jɛi.