2 Kronika 11:16 - ŊMALƐ KRƆŊKRƆŊ LƐ

¹⁶ Enɛ hã mɛi fɛɛ ni miitao akɛ amɛja Yehowa, Israel Nyɔŋmɔ lɛ, anɔkwale mli lɛ, fã kɛjɛ Israel akutsei lɛ fɛɛ amli kɛba Yerusalɛm bɔ ni afee ni amɛnyɛ amɛshã afɔle amɛhã amɛtsɛmɛi lɛ aNyɔŋmɔ lɛ.

Ṅmãle̱ Kroṅkroṅ Le̱

¹⁶ Ni ame̱se̱ le̱ mei ni eṅõ ame̱tšui ehã Iehowa, Israel Nyoṅmo̱ le̱, taomo̱ le̱ dše̱ Israel akutšei le̱ fẽ mli ba Ierusalem, koni ame̱bašã afo̱le ame̱hã Iehowa, ame̱tše̱mei a-Nyoṅmo̱ le̱.

2 Kronika 11:16 ပူးပေါင်းရင်းမြစ်များ

1 Kronika 16:29

Nyɛŋɔa anunyam ni sa egbɛi lɛ nyɛhãa Yehowa; nyɛkɛ afɔle abaa; ni nyɛbaa ewe lɛ mli. Nyɛkotoa Yehowa kɛ nyɛjamɔ atadei.

1 Kronika 22:1

Kɛkɛ ni David kɛɛ akɛ, “Biɛ etsɔ̃ Yehowa Nyɔŋmɔ lɛ We; ni biɛ Israel fɛɛ afɔleshãa latɛ lɛ baahi.”

1 Kronika 22:19

No hewɔ lɛ, agbɛnɛ nyɛkɛ nyɛtsuii kɛ nyɛnyɛmɔ fɛɛ asɔmɔa Yehowa. Nyɛtea shi ni nyɛmaa Yehowa Nyɔŋmɔ lɛ Sɔlemɔ we lɛ koni akɛ Yehowa Kpãŋmɔ Adeka lɛ kɛ tsɛnsii kɛ nibii krɔŋkrɔŋi ni akɛjaa lɛ lɛ fɛɛ abamamɔ tsu ni ama ni aja Yehowa yɛ jɛi lɛ mli.”

2 Kronika 11:17

Gbɔmɛi nɛɛ abaa lɛ bawo Solomon bi Rehoboam maŋtsɛyeli lɛ hewalɛ yɛ Yuda, ni amɛhã ehi shi shweshweeshwe afii etɛ̃ ejaakɛ amɛhi shi bɔ pɛ ni amɛhi shi yɛ David kɛ Solomon yinɔi lɛ amli lɛ.

2 Kronika 15:12

No sɛɛ lɛ, yɛ nakai gbi lɛ nɔ nɔŋŋ lɛ, amɛkã kitã akɛ amɛbaaja Yehowa, amɛtsɛmɛi aNyɔŋmɔ lɛ, kɛ amɛtsui kɛ amɛyitsoŋ fɛɛ,

2 Kronika 15:15

Yuda tso muu fɛɛ nya kitã ni amɛkã lɛ he akɛ amɛjɛ amɛtsuiŋ fɛɛ ni amɛkã; ejaakɛ amɛtao Yehowa sɛɛgbɛ kɛ amɛtsui fɛɛ, ni amɛna lɛ. Yehowa hã amɛna toiŋjɔlɛ yɛ amɛhe fɛɛ he kɛkpe.

2 Kronika 15:9

Mɛi babaoo diɛŋtsɛ ni ji Efraimbii kɛ Manasebii kɛ Simeonbii tse amɛhe kɛjɛ Israel, ni amɛkɛ amɛhe badɔmɔ Maŋtsɛ Asa be ni amɛna akɛ Yehowa, eNyɔŋmɔ lɛ, kɛ lɛ yɛ lɛ. Maŋtsɛ Asa tsɛ gbɔmɛi nɛɛ kɛ Yudabii kɛ Benyaminbii fɛɛ kpee.

2 Kronika 19:3

Shi ana nibii kpakpai komɛi kɛ̃ yɛ ohe. Eko ji jemawɔŋ Ashera lɛ amãgãi ni okumɔ yɛ shikpɔŋ lɛ nɔ fɛɛ lɛ. Eko hu ji akɛ oto oyiŋ akɛ okɛ otsui fɛɛ baasɔ̃mɔ Nyɔŋmɔ lɛ.”

2 Kronika 20:3

Yehoshafat she gbeyei. No hewɔ lɛ, eto eyiŋ akɛ eeesɔle kɛbi Yehowa dɛŋ yelikɛbuamɔ. Enɛ hã efã akɛ ahi ŋmaa yɛ Yuda shikpɔŋ lɛ nɔ fɛɛ.

2 Kronika 20:4

Kɛkɛ ni Yudabii jɛjɛɛ Yuda maji wuji lɛ fɛɛ amli amɛbabua amɛhe naa yɛ Yerusalɛm koni atao Yehowa dɛŋ yelikɛbuamɔ.

2 Kronika 30:11

Shi kɛ̃lɛ mɛi fioo ko jɛ Asher kɛ Manase kɛ Zebulonbii ateŋ ba amɛhe shi amɛbo tsɛmɔ lɛ toi, ni amɛba gbijurɔ lɛ yeli yɛ Yerusalɛm.

Hiob 34:14

Kɛji eeeŋɔ emumɔ lɛ yɛ je lɛŋ, ni eeehã mumɔ lɛ akpale kwraa kɛba eŋɔɔ lɛ,

Lalai 108:1

Oo Naa Nyɔŋmɔ, mitsui enyɔ mimli! Mala lala kɛ ŋɔɔmɔ mahã bo. Misusuma, ohiɛ atsɛ̃!

Lalai 62:10

Nyɛkɛ nyɛhiɛ akafɔ̃a amimyeli nɔ; nyɛyitsei hu akafũa yɛ juukɛfɔ̃ nibii agbɛfaŋ. Kɛji nii ni nyɛna miifa tete lɛ, nyɛkɛ nyɛtsuii akafɔ̃a nɔ.

2 Mose 9:21

shi mɔ ni eyabuuu Yehowa wiemɔ lɛ, eshĩ etsuji kɛ ekooloi yɛ ŋa lɛ nɔ.

Daniel 6:14

Edɔ maŋtsɛ lɛ naakpa be ni enu sane nɛɛ, ni esusu he bɔ ni eeefee ehere Daniel yiwala. Esusu sane lɛ he aahu kɛyashi hulushinyɔɔ mli.

Hosea 4:8

Amɛtsɔ̃ esha ni mimɛi lɛ feɔ lɛ nɔ amɛna nii, ni no hewɔ lɛ, amɛshweɔ akɛ mɛi aya nɔ afee esha.

Hagai 1:5

No hewɔ lɛ, agbɛnɛ nyɛjwɛŋa nyɛjeŋba he jogbaŋŋ.

Zakaria 8:21

Ni maŋ kome mli bii aaaya maŋ kroko mli ayakɛɛ akɛ, ‘Nyɛhãa wɔyaa wɔyakpaa Yehowa fai, ni asaŋ wɔyatao esɛɛ gbɛ hu. Mi hu maya.’

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.

5 Mose 32:46

ekɛɛ amɛ akɛ, “Nyɛhãa wiemɔi fɛɛ ni mikɛshwie nyɛhiɛ ŋmɛnɛ gbi nɛɛ akãa nyɛtsui nɔ; ni nyɛkpãa nyɛwoa nyɛbii atoiiaŋ koni amɛjwɛŋ nɛkɛ mla nɛɛ mli wiemɔi lɛ fɛɛ anɔ, ni amɛye nɔ;

Yoshua 22:19

Kɛji nyɛsusuɔ akɛ nyɛgbɛfaŋ shikpɔŋ ni akɛhã nyɛ lɛ nɔ tseee lɛ, no lɛ nyɛfoa mli kɛbaa Yehowa shikpɔŋ lɛ nɔ, he ni Yehowa Kpee Buu Krɔŋkrɔŋ lɛ yɔɔ lɛ, koni nyɛbaŋɔa shikpɔŋ lɛ eko yɛ wɔteŋ akɛ nyɛgbɛfaŋnɔ. Nyɛkwɛa kɛkɛ ni nyɛkatsea Yehowa hiɛ atua, ni nyɛkatsea wɔ hu wɔhiɛ atua koni kɛjɛ Yehowa afɔleshãa latɛ lɛ sɛɛ lɛ, nyɛma nyɛ diɛŋtsɛ nyɛfɔleshãa latɛ kroko nyɛhã nyɛhe.