2 Kronika 10:16 - ŊMALƐ KRƆŊKRƆŊ LƐ

¹⁶ Be ni Israel fɛɛ na akɛ Maŋtsɛ Rehoboam booo amɛ toi lɛ, maŋ lɛ to he ni amɛkɛɛ akɛ, “Mɛɛ weku wɔ kɛ David kɛ eshwiei yɔɔ? Wɔkɛ Ishai shwiei lɛ bɛ weku! Israel hii nyɛhãa wɔyaa wɔshĩaiaŋ. Agbɛnɛ David we akwɛ lɛ diɛŋtsɛ ewe sane ni eye!” Kɛkɛ ni Israelbii lɛ yiŋ amɛtee amɛshĩai amli,

Ṅmãle̱ Kroṅkroṅ Le̱

¹⁶ Ni beni Israel fẽ na ake̱ maṅtše̱ le̱ booame̱ toi le̱, maṅ le̱ hã maṅtše̱ le̱ hetō ame̱kē̱: Mẽ gbe̱nā wo̱yo̱ ye̱ David ṅõ? ni asaṅ wo̱be̱ gbe̱fãṅnõ ko ye̱ Išai bi le̱ ṅõ! mofẽmo aya ebū mli, Israel! Agbene̱ kwe̱ bodientše̱ owe, David! Ke̱ke̱ ni Israel fẽ yiṅ ame̱te ame̱būi amli.

2 Kronika 10:16 ပူးပေါင်းရင်းမြစ်များ

2 Samuel 15:13

Bɔfo ko batswa David adafi ekɛɛ, “Israelbii atsui emɔ Absalom.”

2 Samuel 16:11

Kɛkɛ ni David kɛɛ Abishai kɛ lɛ David etsuji krokomɛi lɛ fɛɛ akɛ, “Kɛji mi diɛŋtsɛ mimusuŋbi miitao mi egbe lɛ, mɛni hewɔ esa akɛ nɔ ni Benyaminnyo nɛɛ feɔ lɛ afee nyɛ naakpɛɛ? Nyɛŋmɛa ehe ni elomɔa, ejaakɛ Yehowa ni tsu lɛ koni ebafee.

2 Samuel 20:1

Nuu yakagbɔmɔ ko baje Gilgal. Atsɛɔ lɛ Sheba, ni etsɛ gbɛi ji Bikri, Benyaminnyo lɛ. Sheba kpã tɛtɛrɛmantɛrɛ ni ebo ekɛɛ akɛ, “Israel eei! Wɔbɛ gbɛnaa ko yɛ David gbɛfaŋ. Wɔ kɛ Ishai bi lɛ ejaaa nɔ ko. No hewɔ lɛ, mɔ fɛɛ mɔ aya ewe.”

1 Maŋtsɛmɛi 11:13

Asaŋ mishɔŋ omaŋtsɛyeli muu lɛ fɛɛ kɛyaŋ; maŋɔ akutso kome mahã obi lɛ, yɛ mitsulɔ David kɛ Yerusalɛm ni mihala lɛ hewɔ.”

1 Kronika 17:14

Shi mahã ekura mimaŋ Israel, ni emaŋtsɛyeli lɛ baama shi shiŋŋ kɛaatee naanɔ.’ ”

2 Kronika 10:17

ni amɛshi Rehoboam koni eye Israelbii ni yɔɔ Yuda majimaji lɛ amli lɛ amaŋtsɛ.

2 Kronika 10:19

Kɛjɛ nakai gbii lɛ anɔ kɛbashi ŋmɛnɛ lɛ, be fɛɛ be lɛ Israel Kooyigbɛ Akutsei lɛ tseɔ David we lɛ maŋtsɛyeli lɛ hiɛ atua.

Lalai 132:17

Mahã Maŋtsɛ wulu ko ajɛ David shwiei lɛ amli, ni mahã mɔ ni mifɔ lɛ mu lɛ lumɔyeli lɛ ama shi.

Lalai 76:10

Gbɔmɔ adesã mlila tete aaajie oyi. Mɛi ni aaaje gbele mli yɛ ta lɛ mli lɛ, aaaye ogbii juji lɛ.

Yesaia 11:1

Tso fɔ aaakwɛ̃ kɛaajɛ Ishai tso kuku lɛ mli, ni tso nine ko aaahere kɛaajɛ eshishi fã lɛ mli awo yibii.

Amos 9:11

Yehowa kɛɛ akɛ, “Be ko miiba, ni nakai gbi lɛ nɔ lɛ, mibatee David maŋtsɛyeli ni egbee shi lɛ shi mama shi ekoŋŋ. Mibatsimɔ fɔji ni eba maŋtsɛyeli lɛ mli lɛ, ni masaa matswa lɛ mama shi tamɔ eyɔɔ blema lɛ.

Luka 19:14

Shi emaŋbii lɛ nyɛ lɛ, ni amɛtsu bɔfoi kɛnyiɛ esɛɛ ni amɛyakɛɛ akɛ, ‘Wɔsumɔɔɔ ni mɔ nɛ abaye wɔnɔ maŋtsɛ.’

Luka 19:27

“Shi nakai mihenyɛlɔi lɛ ni sumɔɔɔ akɛ miye amɛnɔ maŋtsɛ lɛ, nyɛkɛ amɛ abaa biɛ ni nyɛbagbea amɛ yɛ mihiɛ nɛɛ!”

Yohane 6:66

Jɛ no nɔ lɛ, ekaselɔi lɛ ateŋ mɛi pii ku amɛsɛɛ ni amɛkɛ lɛ enyiɛɛɛ dɔŋŋ.

Yohane 7:53

Ni amɛteŋ mɔ fɛɛ mɔ tee ewe.

Bɔfoi 2:30

Akɛni gbalɔ ji lɛ ni ele akɛ Nyɔŋmɔ ekã lɛ kitã akɛ emusuŋbii lɛ eko baata esɛi lɛ nɔ hewɔ lɛ,

1 Korintobii 15:25

Shi ja eye maŋtsɛ kɛyashi beyinɔ ni Nyɔŋmɔ kɛ henyɛlɔi lɛ fɛɛ aaawo enajiaŋshi.

Kpojiemɔ 22:16

“Mi Yesu, mitsu mibɔfo lɛ koni ebaye nii nɛɛ ahe odase etsɔ̃ɔ nyɛ yɛ asafoi lɛ amli. Mi ji David shishifã lɛ kɛ eshwie lɛ, tooloo ni kpɛɔ lɛ.”

Kojolɔi 8:35

Asaŋ amɛfeee Yerubaal ni ji Gideon lɛ we lɛ ejurɔ ko tamɔ bɔ ni lɛ lɛ efee Israel lɛ.

1 Samuel 20:27

Shi enɔ jetsɛremɔ, ni ji nyɔŋ hee lɛ nɔ gbi ni ji gbii enyɔ lɛ, be ni David tamɔhe lɛ kã efolo ekoŋŋ lɛ, Saul bi Yonatan akɛ, “Mɛni hewɔ Yeshai bi lɛ bako niyeli nyɛ kɛ ŋmɛnɛ fɛɛ nɛɛ lɛ?”

1 Samuel 22:13

Kɛkɛ ni Saul bi lɛ akɛ, “Mɛɛba ni, bo kɛ Yeshai bi lɛ, nyɛkpãŋ miyi nɔ, ni ohã lɛ niyenii, ni asaŋ owo edɛŋ klante, ni obi Nyɔŋmɔ nii ohã lɛ, ni no hewɔ ni ete shi ewo mi, ni ewo mi ka bɔ ni nyɛnaa ŋmɛnɛ gbi nɛɛ lɛ?”

1 Samuel 22:7

Kɛkɛ ni abakɛɛ lɛ akɛ ayana he ni David kɛ esɛɛbii lɛ yɔɔ lɛ. Kɛkɛ ni Saul kɛɛ etsuji ni damɔ ehe lɛ akɛ, “Nyɛmiibo toi, nyɛ Benyaminbii! Ani Yeshai bi lɛ baahã nyɛteŋ mɔ fɛɛ mɔ ŋmɔji kɛ waintromii hu; aloo eeewo nyɛ mɛi akpekpe akui kɛ mɛi ohaohai akui asafoiatsɛmɛi hu,

1 Samuel 22:9

Doeg, Edomnyo lɛ, damɔ Saul tsuji lɛ amasɛi. Kɛkɛ ni ehere nɔ ekɛɛ akɛ, “Mina Yeshai bi lɛ yɛ Nob ni eba Osɔfo Ahimelek, Ahitub bi lɛ, ŋɔɔ,