2 Kronika 1:11 - ŊMALƐ KRƆŊKRƆŊ LƐ

¹¹ Kɛkɛ ni Nyɔŋmɔ kɛɛ Solomon akɛ, “Akɛ ni obiii akɛ ahã ona nii kɛ jwiɛtɛi kɛ anunyam, ni asaŋ obiii akɛ ahã ogbe ohenyɛlɔi aloo ahã owala sɛɛ atsɛ tete, shi moŋ nɔ ni kã otsui nɔ ni obi ji akɛ aduro bo nilee kɛ hiɛshikãmɔ koni onyɛ mimaŋ ni miwo bo emaŋtsɛ lɛ nɔ okwɛ lɛ hewɔ lɛ,

Ṅmãle̱ Kroṅkroṅ Le̱

¹¹ Ke̱ke̱ ni Nyoṅmo̱ kē̱ Salomo ake̱: Gbĩĩabo̱ ní ene̱ yo̱ otšui mli, ni obii ni-námo̱, dſetrii ke̱ anumnyam, ni asaṅ obii ohenye̱lo̱i asusuma alo ní ahã owala se̱ atše̱ tete, ši moṅ obi nilē ke̱ se̱yōmo̱ ohã ohe, ní oke̱-kodšo mimaṅ ní miwoö eno̱ maṅtše̱ le̱ ne̱:

2 Kronika 1:11 ပူးပေါင်းရင်းမြစ်များ

1 Maŋtsɛmɛi 10:24

ni jeŋ fɛɛ tao akɛ amɛbana lɛ koni amɛbo enilee ni Nyɔŋmɔ kɛhã lɛ lɛ toi.

1 Maŋtsɛmɛi 3:28

Be ni Israelbii fɛɛ nu bɔ ni Maŋtsɛ Solomon bua sane nɛɛ he ehã lɛ, amɛkɛ bulɛ kpele hã maŋtsɛ lɛ, ejaakɛ amɛna akɛ Nyɔŋmɔ nilee yɛ emli, ni no hã enyɛ nɛkɛ kojomɔ ekojo!

1 Maŋtsɛmɛi 8:18

Shi Yehowa kɛ mitsɛ David wie akɛ, ‘Ehi akɛ oto oyiŋ akɛ obaama shĩa ohã mi, ni ofee jogbaŋŋ akɛ oto oyiŋ nakai.

1 Kronika 28:2

Kɛkɛ ni Maŋtsɛ David ho edamɔ shi, ni ekɛɛ asafo ni ebabua shi lɛ akɛ, “Agoo, minyɛmimɛi kɛ mimaŋbii! Kulɛ mito miyiŋ akɛ mibama tsu diɛŋtsɛ mahã Yehowa Kpãŋmɔ Adeka lɛ kɛ wɔNyɔŋmɔ lɛ naneshi maaŋoo lɛ hu, ni mito nibii ahe gbɛjianɔ hu hã tsu lɛ maa.

2 Kronika 1:12

naa, miihã ona nilee kɛ hiɛshikãmɔ lɛ fɛɛ, ni no sɛɛ lɛ mahã ona nii kɛ jwetri kɛ anunyam fɛɛ hu bɔ ni maŋtsɛmɛi ni etsɔ̃ ohiɛ lɛ ateŋ eko kwraa naaa nakai, ni asaŋ mɛi ni baaba yɛ osɛɛ lɛ hu ateŋ mɔ ko mɔ ko naŋ nakai!”

Abe̱i 14:8

Mɔ ni yɔɔ jwɛŋmɔ ni ehiɛ tɛ̃ lɛ, ele he ni eyaa; shi kwashiai abuulufeemɔ hãa amɛduɔ gbɛ.

Abe̱i 23:7

Ejaakɛ etamɔ mɔ ko ni buɔ nɔ fɛɛ nɔ he akɔntaa yɛ eyitsoŋ. Ekɛɔ bo akɛ, “Ye ni onu!” Shi jeee kɛ etsui mli fɛɛ.

Abe̱i 8:15

Minɔ maŋtsɛmɛi tsɔ̃ɔ yeɔ maŋtsɛ, ni nɔyelɔi hu woɔ jalɛ mla.

Bɔfoi 5:4

Ani be ni eyɔɔ lɛ, jeee bo onɔ ni? Ni be ni ohɔ̃ɔ hu lɛ, shika lɛ jee bo diɛŋtsɛ onɔ ni? Mɛɛba oto nɛkɛ yiŋ? Jeee gbɔmɛi omale otsɔ̃ɔ nɛɛ, shi Nyɔŋmɔ moŋ.”

Hebribii 4:12

Ejaakɛ Nyɔŋmɔ wiemɔ hiɛ kã ni eyɛ hewalɛ ni enaa ba fe klante kɛ enaa nta, ni egbuɔ kɛboteɔ mli aahu kɛyashɛɔ susuma kɛ mumɔ lɛ, kɛ talɔi kɛ wuiaŋfɔi lɛ akpeehei lɛ ni eji tsuiiaŋ susumɔi kɛ jwɛŋmɔi lɛ akojolɔ.

Yakobo 3:13

Namɔ ji nilelɔ kɛ sanesɛɛkɔlɔ yɛ nyɛteŋ? Ekɛ jeŋba kpakpa atsɔ̃ɔ lɛ diɛŋtsɛ enitsumɔi lɛ yɛ nilee kpoofeemɔ mli.

Yakobo 3:17

Shi nilee ni jɛ ŋwɛi lɛ, klɛŋklɛŋ lɛ ehe tse, no sɛɛ lɛ ehe jɔ, ehiɛ kã shi, eboɔ toi, eyi obɔ̃ kɛ mɔbɔnalɛ kɛ yibii kpakpai, ejieee niiaŋ, efeee osato.

1 Samuel 16:7

Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”