2 Kronika 1:1 - ŊMALƐ KRƆŊKRƆŊ LƐ

¹ Solomon, ni ji Maŋtsɛ binuu lɛ, hã ehewalɛ he shi yɛ emaŋtsɛyelihei lɛ anɔ, ni Yehowa, eNyɔŋmɔ lɛ, jɔɔ lɛ ni etsɔ̃ gbɔmɔ wulu kpanaa diɛŋtsɛ.

Ṅmãle̱ Kroṅkroṅ Le̱

¹ Ni Salomo, David bi le̱, *ná hewale̱ ye̱ emaṅtše̱yeli le̱ mli, ni Iehowa, e-Nyoṅmo̱ le̱, ke̱le̱ ye̱, ni etšṍ agbo kpanā. *1 Maṅ. 2,12. 46.

2 Kronika 1:1 ပူးပေါင်းရင်းမြစ်များ

1 Mose 21:22

Nɛkɛ be nɛɛ mli lɛ, Abimelek kɛ etatsɛ Fikol bakɛɛ Abraham akɛ, “Nyɔŋmɔ kɛ bo yɛ, yɛ nibii fɛɛ ni ofeɔ lɛ mli.

1 Mose 39:2

Yehowa kɛ Yosef yɛ, ni ehã efee nɔbatsɛ.

1 Mose 39:21

Shi Yehowa kɛ Yosef yɛ. Ena lɛ mɔbɔ ni ehã ena hiɛ yɛ gboklɛfoi akwɛlɔ lɛ hiɛ.

1 Mose 39:3

Enuŋtsɔ Ijiptnyo lɛ we lɛ eyɔɔ. Potifar na akɛ Yehowa kɛ Yosef yɛ, ni ehãa nɔ fɛɛ nɔ ni Yosef feɔ lɛ shwereɔ yɛ edɛŋ.

1 Maŋtsɛmɛi 2:12

Ebi Solomon baye maŋtsɛ yɛ esɛɛ, ni emaŋtsɛyeli lɛ ma shi kpɛŋŋ diɛŋtsɛ.

1 Maŋtsɛmɛi 2:46

Kɛkɛ ni maŋtsɛ lɛ fã Yehoida bi Benaia, ni eje kpo ni eyagbe Shimei. Ni maŋtsɛyeli lɛ ma shi shiŋŋ yɛ Solomon dɛŋ.

1 Kronika 17:8

ni he fɛɛ he ni otee lɛ mifata ohe, ni miplenee ohenyɛlɔi fɛɛ yɛ ohiɛ, ni mihã ona gbɛi kpeteŋkple tamɔ gbɔmɛi wuji ni yɔɔ shikpɔŋ lɛ nɔ lɛ.

1 Kronika 22:11

“No hewɔ lɛ, mibi, Yehowa ajɔɔ bo koni onyɛ shihilɛhe lɛ oma oha Yehowa, oNyɔŋmɔ lɛ, bɔ ni ekɛɛ yɛ ohe lɛ.

1 Kronika 22:16

ni ji shika ŋmiiŋmi kɛ jwiɛtɛi kɛ akɔɔble kɛ dade. Tee shi ni owo nitsumɔ lɛ nɔ! Yehowa aaaye abua bo!”

1 Kronika 29:23

Kɛkɛ ni Solomon bata Yehowa maŋtsɛyeli sɛ̃i lɛ nɔ yɛ etsɛ David najiaŋ. Emaŋtsɛyeli lɛ shwere, ni Israel muu fɛɛ bo lɛ toi.

1 Kronika 29:25

Yehowa duro Solomon, ni etsɔ̃ gbɔmɔ wulu kpanaa, ni Israel muu fɛɛ hiɛ sɔ lɛ, ni ehã emaŋtsɛyeli lɛ hiɛ ba nyam bɔ ni maŋtsɛmɛi ni nyiɛ ehiɛ yɛ Israel lɛ eko nako nakai henɔ dã.

1 Kronika 29:30

Saji lɛ gbaa wɔ bɔ ni Maŋtsɛ David tsɔ̃ eye emaŋtsɛ kɛ bɔ ni hewalɛ ni ehiɛ lɛ naa wa hã kɛ saji fɛɛ ni ba yɛ lɛ kɛ Israel kɛ maji ni yɔɔ shikpɔji lɛ anɔ lɛ amli majiatsɛmɛi lɛ fɛɛ ahe lɛ.

2 Kronika 32:23

Mɛi babaoo kɛ afɔlei ba Yerusalɛm, ni amɛkɛbahã Yehowa, ni amɛbake Hezekia hu nibii ni jara wa. Ni kɛjɛ nakai be lɛ Maŋtsɛ Hezekia hiɛ ba nyam yɛ majimaji lɛ fɛɛ ahiɛ.

2 Mose 3:12

Nyɔŋmɔ to he akɛ, “Mi kɛ bo ni yaa lɛ, ni enɛ ji nɔ ni aaaye he odase akɛ mi mitsu bo lɛ. Kɛji oyajie Israelbii lɛ kɛje Ijipt kɛba lɛ, nyɛbaa gɔŋ krɔŋkrɔŋ nɛɛ he nyɛbajaa mi.”

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Yoshua 3:7

Yehowa kɛɛ Yoshua akɛ, “Mibabɔ̃i ohiɛ nyamwoo kɛjɛ ŋmɛnɛ gbi nɛɛ matsɔ̃ɔ Israelbii lɛ fɛɛ koni amɛkɛna amɛle akɛ bɔ ni mikɛ Mose hi shi lɛ, nakai nɔŋŋ mikɛ bo hu baahi shi.