2 Korintobii 2:3 - ŊMALƐ KRƆŊKRƆŊ LƐ

³ Ni miŋma nyɛ nɛkɛ nii nɛɛ nɔŋŋ, koni kɛ miba lɛ, mɛi ni kulɛ sa akɛ amɛhã mimii ashɛ mihe lɛ akahã miye ŋkɔmɔ, ejaakɛ mihiɛ kã nyɛ fɛɛ nyɛnɔ akɛ nyɛaana akɛ mimiishɛɛ ji nyɛ fɛɛ nyɛmiishɛɛ.

Ṅmãle̱ Kroṅkroṅ Le̱

³ Ni *miṅmãnye ene̱ noùṅ, koni, ke̱ miba le̱, mikabaye ṅko̱mo̱ ye̱ mei ni kũle̱ sa ake̱ mináa amehe mīše̱ le̱ ahewo̱, edšake̱ mihĩe kã nyefẽ nyeno̱, ake̱ mimīše̱ dši nyefē nyemīše̱. *1 Kor. 5.

2 Korintobii 2:3 ပူးပေါင်းရင်းမြစ်များ

1 Korintobii 4:21

Te nyɛtaoɔ lɛ tɛŋŋ? Mihiɛ kpãa kɛba nyɛŋɔɔ, aloo miba yɛ suɔmɔ kɛ mlijɔlɛ mumɔ mli?

2 Korintobii 1:15

Enɛ nɔ mikɛ mihiɛ fɔ̃ hewɔ mito miyiŋ akɛ maba nyɛŋɔɔ tsutsu lɛ koni nyɛna dromɔ shii enyɔ,

2 Korintobii 1:23

Shi mi lɛ, miitsɛ Nyɔŋmɔ ni ebaye odase eshi mi kɛji ejeee anɔkwale akɛ nyɛyibaamɔ hewɔ minako maba Korinto lɛ.

2 Korintobii 12:11

Mifee kwashia; nyɛ nyɛnyɛ minɔ ni mifee nakai. Ejaakɛ kulɛ esa akɛ nyɛ moŋ nyɛjieɔ miyi; ejaakɛ kɛji mijeee nɔ ko tete po, eshwɛɛɛ mi nɔ ko ni mikɛ bɔfoi agboi lɛ aye hegbɔ.

2 Korintobii 12:21

ni misaa miishe gbeyei akɛ kɛ miba ekoŋŋ lɛ, miNyɔŋmɔ lɛ aaaba mi shi yɛ nyɛhiɛ, ni maye ŋkɔmɔ mahã mɛi ni efee esha sa ni amɛtsakeee amɛtsui lɛ ateŋ mɛi pii, yɛ amɛmujinii kɛ ajwamãŋbɔɔ kɛ nyɛnyɛŋtswibɔɔ lɛ hewɔ.

2 Korintobii 13:10

No hewɔ hu ni miŋmaa enɛ be ni mibɛ nyɛŋɔɔ nɛɛ, koni kɛ miba nyɛŋɔɔ lɛ, mikɛ nyɛ akaye waa, yɛ hegbɛ ni Nuŋtsɔ lɛ ehã mi ni mikɛsaa shi jeee ni mikɛfite lɛ naa.

2 Korintobii 2:9

ejaakɛ enɛ hewɔ hu ni miŋma nyɛ wolo lɛ, koni mikɛna nɔ gbɔmɛi ni ji nyɛ, akɛ nyɛboɔ toi yɛ nɔ fɛɛ nɔ gbɛfaŋ lo.

2 Korintobii 7:12

No hewɔ lɛ, kɛ miŋma nyɛ tete lɛ, jeee mɔ ni tɔ̃ lɛ, asaŋ hu jeee mɔ ni atɔ̃ enɔ lɛ hewɔŋ, shi moŋ bɔ ni afee ni wɔhe mɔdɛŋ ni nyɛbɔɔ lɛ apue faŋŋ ahã nyɛ yɛ Nyɔŋmɔ hiɛ.

2 Korintobii 7:16

Mina miishɛɛ akɛ mikɛ mihe fɔ̃ɔ nyɛnɔ yɛ nɔ fɛɛ nɔ mli.

2 Korintobii 7:6

Shi Nyɔŋmɔ, mɔ ni shɛjeɔ mɛi ni baa amɛhe shi lɛ amii lɛ, kɛ Tito baa lɛ shɛje wɔmii;

2 Korintobii 7:8

Ejaakɛ kɛ wolo ni miŋma nyɛ lɛ edɔ nyɛ lɛ, mishwaaa mihe; kɛji mishwa mihe po lɛ, ejaakɛ mina akɛ nakai wolo lɛ edɔ nyɛ, kɛ be kuku po,

2 Korintobii 8:22

Shi wɔtsu wɔnyɛmi lɛ hu wɔfata amɛhe, mɔ ni wɔka lɛ kpitiokpitio yɛ nibii pii amli, ni wɔna akɛ ebɔɔ mɔdɛŋ, shi agbɛnɛ eebɔ mɔdɛŋ po fe tsutsu lɛ, yɛ ehiɛ ni ekɛfɔ̃ɔ nyɛnɔ pii lɛ hewɔ.

Galatabii 5:10

Mi lɛ mikɛ mihiɛ efɔ̃ nyɛnɔ yɛ Nuŋtsɔ lɛ mli akɛ ebaŋ lɛ akɛ nyɛaajwɛŋ jwɛŋmɔ kroko; shi mɔ ni haoɔ nyɛjwɛŋmɔ lɛ, mɔ fɛɛ mɔ ni ji lɛ, esɔ̃ abua eyiteŋ.

2 Tesalonikabii 3:4

Wɔhiɛ kã nyɛnɔ yɛ Nuŋtsɔ lɛ mli akɛ nii ni wɔwoɔ nyɛ he kitã lɛ, nyɛmiifee ni nyɛaafee hu.

Filemon 1:21

Akɛni mihiɛ kã onɔ akɛ ooobo mi toi hewɔ miŋmaa bo nɛɛ, ejaakɛ mile akɛ ooofee fe bɔ ni mikɛɔ nɛɛ tete po.