1 Yohane 5:7 - ŊMALƐ KRƆŊKRƆŊ LƐ

⁷ Shi mɛi etɛ̃ ji mɛi ni yeɔ odase lɛ, ejaakɛ Mumɔ lɛ ji anɔkwale lɛ.

Ṅmãle̱ Kroṅkroṅ Le̱

⁷ Ši mei etẽ dši mei ni yeo̱ odase (ye̱ ṅwei: Tše̱ le̱, wie̱mo̱ le̱, ke̱ Mumo̱ kroṅkroṅ le̱, ni mei etẽ ne̱ ekomeṅ.

1 Yohane 5:7 ပူးပေါင်းရင်းမြစ်များ

Lalai 33:6

Yehowa wiemɔ naa abɔ ŋwɛi yɛ, ni ekɛɛmɔ naa abɔ hulu kɛ nyɔɔŋtsere kɛ ŋulamii fɛɛ yɛ.

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Mateo 17:5

Be ni ewieɔ lolo lɛ, naa, atatu halaŋŋ ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi ni minaa ehe tsui lɛ; nyɛboa lɛ toi!”

Mateo 18:16

Shi kɛji ebooo bo toi lɛ, kɛ mɔ kome loo mɛi enyɔ afata ohe, koni odasefoi enyɔ loo etɛ̃ daaŋ wiemɔ naa lɛ sane fɛɛ sane ama shi.

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Yohane 1:1

Shishijee mli lɛ Wiemɔ lɛ yɛ momo, ni Wiemɔ lɛ kɛ Nyɔŋmɔ yɔɔ ni Wiemɔ lɛ Nyɔŋmɔ ni.

Yohane 10:30

Mi kɛ Tsɛ lɛ fɛɛ lɛ, ekomeŋ.”

Yohane 12:28

Ataa, wo ogbɛi lɛ hiɛ nyam!” Kɛkɛ ni gbee ko jɛ ŋwɛi kɛɛ, “Mina miwo ehiɛ nyam, ni masaa mawo ehiɛ nyam ekoŋŋ.”

Yohane 14:17

Hefatalɔ ni ji anɔkwale Mumɔ lɛ ni je lɛ nyɛɛɛ lɛ aŋɔ, ejaakɛ enaaa lɛ ni asaŋ eleee lɛ lɛ; shi nyɛ lɛ nyɛle lɛ, ejaakɛ ekɛ nyɛ yɔɔ, ni eyɛ nyɛmli.

Yohane 15:26

“Shi Hefatalɔ lɛ ni mibatsu nyɛŋɔɔ kɛaajɛ Tsɛ lɛ ŋɔɔ lɛ, mɔ ni ji anɔkwale Mumɔ lɛ ni jɛɔ Tsɛ lɛ ŋɔɔ baa lɛ, kɛ eba lɛ, eeeye mihe odase;

Yohane 5:26

Ejaakɛ bɔ ni Tsɛ lɛ yɔɔ wala yɛ lɛ diɛŋtsɛ emli lɛ, nakai nɔŋŋ ehã Bi lɛ wala yɛ lɛ diɛŋtsɛ emli.

Yohane 8:18

Mi lɛ miyeɔ mi diɛŋtsɛ mihe odase, ni Tsɛ ni tsu mi lɛ hu yeɔ mihe odase.”

Yohane 8:54

Yesu here nɔ akɛ, “Kɛji miwo mi diɛŋtsɛ mihiɛ nyam lɛ, minunyam lɛ jeee nɔ ko; miTsɛ ji mɔ ni woɔ mihiɛ nyam, mɔ ni nyɛkɛɔ akɛ nyɛNyɔŋmɔ ji lɛ lɛ,

Bɔfoi 2:33

Agbɛnɛ akɛni awo enɔ kɛtee Nyɔŋmɔ ninejurɔ nɔ ni ena Mumɔ Krɔŋkrɔŋ lɛ he shiwoo lɛ kɛjɛ Tsɛ lɛ dɛ̃ŋ hewɔ lɛ, efɔse nɔ ni nyɛnaa ni nyɛnuɔ nɛɛ eshwie shi.

Bɔfoi 5:32

Ni wɔji saji nɛɛ ahe odasefoi, nakai nɔŋŋ ji Mumɔ Krɔŋkrɔŋ lɛ hu ni Nyɔŋmɔ kɛhã mɛi ni boɔ lɛ toi lɛ.”

5 Mose 6:4

“Bo toi, Israel! Yehowa, wɔNyɔŋmɔ lɛ, lɛ ekoome ji Yehowa.

1 Yohane 1:1

Wala wiemɔ lɛ yɛ kɛjɛ shishijee. Wɔnu ni wɔna kɛ wɔhiŋmɛii, wɔkwɛ ni wɔniji etara he yɛ wala wiemɔ lɛ hewɔ.

1 Yohane 5:6

Yesu Kristo ji mɔ ni tsɔ̃ nu kɛ lá mli kɛba, jeee nu kɛkɛ mli, shi moŋ nu kɛ lá mli. Ni Mumɔ lɛ ji mɔ ni yeɔ odase lɛ, ejaakɛ Mumɔ lɛ ji anɔkwale lɛ.

1 Yohane 5:8

Mumɔ lɛ kɛ nu lɛ kɛ lá lɛ, ni mɛi etɛ̃ nɛɛ feɔ ekome.

Kpojiemɔ 19:13

ni ewo atade ni akɛtsɔ lá mli; ni atsɛɔ egbɛi akɛ, “Nyɔŋmɔ Wiemɔ lɛ.”