1 Yohane 5:6 - ŊMALƐ KRƆŊKRƆŊ LƐ

⁶ Yesu Kristo ji mɔ ni tsɔ̃ nu kɛ lá mli kɛba, jeee nu kɛkɛ mli, shi moŋ nu kɛ lá mli. Ni Mumɔ lɛ ji mɔ ni yeɔ odase lɛ, ejaakɛ Mumɔ lɛ ji anɔkwale lɛ.

Ṅmãle̱ Kroṅkroṅ Le̱

⁶ Mone̱ dši moni tšō *nu ke̱ lá mli ke̱-ba, Iesu Kristo le̱; dšee nu le̱ mli ke̱ke̱, ši moṅ ye̱ nu le̱ ke̱ lá le̱ mli; ni mumo̱ le̱ dši moni yeo̱ odase le̱, edšake̱ mumo̱ le̱ dši ano̱kwale le̱. *Ioh 19,34. 35.

1 Yohane 5:6 ပူးပေါင်းရင်းမြစ်များ

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

3 Mose 17:11

Nɔ fɛɛ nɔ ni hiɛ kã lɛ, elá lɛ mli ewala yɔɔ, ni no hewɔ ni Yehowa fã akɛ afɔse lá lɛ fɛɛ ashwie afɔleshãa latɛ lɛ nɔ koni akɛjie maŋ lɛ he eshai lɛ. Ejaakɛ lá ni ji wala lɛ akɛjieɔ eshai yɛ gbɔmɔ he.

Zakaria 9:11

Nuŋtsɔ lɛ saa kɛɛ, “Bo Zion biyoo hu, Milá ni mikɛsɔo mikɛo teŋ kpãŋmɔ lɛ naa hewɔ lɛ, majie obii ni etsɔ̃mɔ gboklɛfoi lɛ yɛ bu ni nu bɛ mli lɛ mli.

Mateo 26:28

Ejaakɛ enɛ ji mila ni ji kpãŋmɔ hee lɛ nɔ lɛ, ni afɔse ashwie shi yɛ mɛi pii ahewɔ hã eshaifaa lɛ.

Mateo 3:16

Ni be ni abaptisi Yesu lɛ, ejɛ nu lɛ mli amrɔ eje kpo; ni naa, agbele ŋwɛi naa ahã lɛ, ni ena Nyɔŋmɔ Mumɔ lɛ miikpeleke shi tamɔ okpo kɛmiiba enɔ.

Marko 14:24

Ni ekɛɛ amɛ akɛ, “Enɛ ji milá ni ji kpãŋmɔ lɛ nɔ ni afɔse ashwie shi yɛ mɛi pii ahewɔ lɛ.

Luka 22:20

Nakai nɔŋŋ ewo kpulu lɛ hu yɛ niyenii lɛ asɛɛ, ni ekɛɛ, “Nɛkɛ kpulu nɛɛ ji kpãŋmɔ hee lɛ yɛ mila ni akɛshwie shi ahã nyɛ lɛ mli.]

Yohane 14:17

Hefatalɔ ni ji anɔkwale Mumɔ lɛ ni je lɛ nyɛɛɛ lɛ aŋɔ, ejaakɛ enaaa lɛ ni asaŋ eleee lɛ lɛ; shi nyɛ lɛ nyɛle lɛ, ejaakɛ ekɛ nyɛ yɔɔ, ni eyɛ nyɛmli.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 15:26

“Shi Hefatalɔ lɛ ni mibatsu nyɛŋɔɔ kɛaajɛ Tsɛ lɛ ŋɔɔ lɛ, mɔ ni ji anɔkwale Mumɔ lɛ ni jɛɔ Tsɛ lɛ ŋɔɔ baa lɛ, kɛ eba lɛ, eeeye mihe odase;

Yohane 16:13

Shi kɛji lɛ, anɔkwale Mumɔ lɛ, ena eba lɛ, eeetsɔ̃ɔ nyɛ anɔkwale lɛ fɛɛ mli gbɛ; ejaakɛ etoŋ lɛ diɛŋtsɛ eyiŋ ewieŋ; shi moŋ nɔ fɛɛ nɔ ni eeenu lɛ, no eeewie, ni nii ni baa lɛ, eeetsi tã etsɔ̃ɔ nyɛ.

Yohane 3:5

Yesu here nɔ akɛ, “Miikɛɛ bo anɔkwale akɛ, kɛji ajɛɛɛ nu kɛ Mumɔ mli afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ mli ebote.

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 6:55

Ejaakɛ miheloo lɛ anɔkwa ŋmaa ni, ni milá lɛ anɔkwa numɔnɔ ni.

Bɔfoi 8:36

Ni be ni amɛnyiɛ gbɛ lɛ nɔ lɛ, amɛbashɛ nu ko he, ni piafonyo lɛ kɛɛ, “Naa nu; mɛni tsiɔ mibaptisimɔ gbɛ?” [

Romabii 3:25

Lɛ ji mɔ ni Nyɔŋmɔ jie to akɛ kpãtãmɔ nɔ kɛtsɔ̃ elá lɛ nɔ hemɔkɛyeli nɔ koni ekɛjie ejalɛ lɛ kpo, yɛ ehiɛ ni eku efɔ̃ eshai ni afee sa lɛ anɔ yɛ etsuishiŋmɛɛ mli lɛ hewɔ;

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

Kolosebii 1:4

Ejaakɛ wɔnu nyɛKristo Yesu nɔ hemɔkɛyeli kɛ nyɛsuɔmɔ ni nyɛkɛ sumɔɔ hetselɔi lɛ fɛɛ he

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

Hebribii 10:29

Belɛ gbɔmɔ ko ni enaanaa Nyɔŋmɔ Bi lɛ nɔ ni ebu kpãŋmɔ lá ni akɛtsuu ehe lɛ akɛ yaka nɔ ko, ni efee dromɔ Mumɔ lɛ niseniianii lɛ, te nyɛsusuɔ akɛ toigbalamɔ ni sa lɛ mli baawa tɛŋŋ?

Hebribii 12:24

kɛ kpãŋmɔ hee mlidaamɔlɔ Yesu lɛ, kɛ lá ni atsɔ ashwã ni wieɔ wiemɔ kpakpa fe Habel nɔ lɛ, aŋɔɔ.

Hebribii 13:20

Shi hejɔlɛ Nyɔŋmɔ lɛ, mɔ ni jie toi lɛ akwɛlɔ kpeteŋkple ni ji wɔNuŋtsɔ Yesu kɛjɛ gbohii ateŋ yɛ naanɔ kpãŋmɔ lɛ lá lɛ mli lɛ,

Hebribii 9:14

enyiɛ nɔŋŋ ni Kristo ni tsɔ̃ naanɔ Mumɔ lɛ nɔ eŋɔ ehe ni kpa ko bɛ he lɛ ehã Nyɔŋmɔ akɛ afɔle lɛ lá lɛ tsumɔŋ wɔhenilee lɛ he kɛjɛŋ nitsumɔi gbohii amli, koni wɔsɔ̃mɔ Nyɔŋmɔ hiɛkãalɔ lɛ?

Hebribii 9:7

shi buu ni ji enyɔ lɛ, osɔfonukpa lɛ kɛkɛ yaa mli shi kome daa afi, ni eyaaa ni ehiɛɛɛ lá, ni ekɛyahãa yɛ lɛ diɛŋtsɛ kɛ maŋ lɛ tɔ̃mɔi ni amɛleee lɛ ahewɔ lɛ.

1 Petro 1:2

yɛ Tsɛ Nyɔŋmɔ lɛ le ni ele eto momo lɛ naa. Nyɔŋmɔ fee enɛ kɛtsɔ̃ Mumɔ lɛ hetsuumɔ nɔ, koni amɛkase toiboo ni akɛ Yesu Kristo lá lɛ ashwã amɛnɔ. Dromɔ kɛ hejɔlɛ afa ahã nyɛ!

1 Petro 3:21

Ni agbɛnɛ baptisimɔ ni nakai nu lɛ ji ehe okadi lɛ hereɔ nyɛ hu nyɛyiwala. Ejeee hewolo nɔ mujijiemɔ, shi moŋ eji kpãŋmɔ ni ajɛɔ henilee kpakpa mli akɛ Nyɔŋmɔ kpãŋɔ, kɛtsɔ̃ Yesu Kristo shitee lɛ nɔ,

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.

1 Yohane 4:10

Enɛ mli suɔmɔ lɛ yɔɔ, jeee akɛ wɔ ni wɔsumɔ Nyɔŋmɔ, shi moŋ lɛ ni esumɔ wɔ, ni etsu eBi lɛ akɛ ebafee wɔhe eshai lɛ ahe kpãtãmɔnɔ.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.