1 Yohane 5:4 - ŊMALƐ KRƆŊKRƆŊ LƐ

⁴ ejaakɛ nɔ fɛɛ nɔ ni Nyɔŋmɔ fɔ lɛ, eyeɔ je lɛ nɔ kunim; ni kunim ni wɔye je lɛ nɔ ji wɔhemɔkɛyeli.

Ṅmãle̱ Kroṅkroṅ Le̱

⁴ edšake̱ nofēno ni adše̱ Nyoṅmo̱ mli afó̱ le̱ eyeo̱ dše le̱ no̱ kũnim; ni wo̱hemo̱-ke̱-yeli le̱ dši noni wo̱ke̱-yeo̱ dše le̱ no̱ kũnim. Ioh 16,33.

1 Yohane 5:4 ပူးပေါင်းရင်းမြစ်များ

Yohane 1:13

mɛi ni jeee lá loo heloo loo nuu ko suɔmɔ naa afɔ amɛ yɛ, shi moŋ Nyɔŋmɔ fɔ amɛ.

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Yohane 3:3

Yesu here nɔ ni ekɛɛ lɛ akɛ, “Anɔkwale mikɛɔ bo akɛ, kɛji ajɛɛɛ ŋwɛi afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ ena.”

1 Korintobii 15:57

Shi shidaa ahã Nyɔŋmɔ, mɔ ni tsɔ̃ɔ wɔNuŋtsɔ Yesu Kristo nɔ ehãa wɔyeɔ kunim lɛ.

1 Yohane 2:29

Kɛji nyɛle akɛ jalɔ ji lɛ lɛ, nyɛnaa nyɛlea akɛ mɔ fɛɛ mɔ ni tsuɔ jalɛnii lɛ afɔ lɛ kɛjɛ emli.

1 Yohane 3:9

Mɔ fɛɛ mɔ ni Nyɔŋmɔ fɔ lɛ lɛ, efeee esha, ejaakɛ esu yɛ emli, ni enyɛŋ esha efee, ejaakɛ Nyɔŋmɔ fɔ lɛ.

1 Yohane 4:4

Mibii bibii, nyɛ lɛ nyɛjɛ Nyɔŋmɔ mli ni nyɛye amalegbalɔi lɛ anɔ kunim; ejaakɛ Mumɔ ni yɔɔ nyɛmli lɛ da fe mumɔ ni yɔɔ je lɛ mli lɛ.

1 Yohane 5:1

Mɔ fɛɛ mɔ ni heɔ yeɔ akɛ Yesu ji Kristo lɛ, Nyɔŋmɔ fɔ lɛ. Ni mɔ fɛɛ mɔ ni sumɔɔ mɔ ni fɔ lɛ lɛ, esumɔɔ mɔ ni efɔ lɛ hu.

1 Yohane 5:18

Wɔle akɛ mɔ fɛɛ mɔ ni Nyɔŋmɔ fɔ lɛ lɛ, efeee esha; shi moŋ mɔ ni Nyɔŋmɔ fɔ lɛ lɛ, ekwɛɔ ehe nɔ, ni mɔ fɔŋ lɛ etaaa ehe.

1 Yohane 5:5

Ni namɔ ji mɔ ni yeɔ je lɛ nɔ kunim lɛ, akɛ ja mɔ ni heɔ yeɔ akɛ Yesu ji Nyɔŋmɔ Bi lɛ?

Kpojiemɔ 12:11

Ni amɛ lɛ, amɛkɛ Toobi lɛ lá lɛ kɛ amɛ diɛŋtsɛ amɛdaseyeli wiemɔ lɛ eye enɔ kunim, ni amɛdɔɔɔ amɛwala he kɛyashi gbele mli tete.

Kpojiemɔ 15:2

Ni mina nɔ ko tamɔ ashwishwɛ ŋshɔ ni akɛ lá efutu mli, ni mɛi ni eye kooloo lɛ kɛ emãgã lɛ kɛ ekadi lɛ kɛ egbɛi lɛ yibɔ lɛ nɔ kunim lɛ damɔ ashwishwɛ ŋshɔ lɛ naa, ni amɛhiɛ Nyɔŋmɔ saŋkui lɛ.

Kpojiemɔ 2:11

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Kunimyelɔ lɛ, gbele ni ji enyɔ lɛ efeŋ lɛ efɔŋ ko.’ ”

Kpojiemɔ 2:17

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ mana ni akɛtee lɛ eko, ni mahã lɛ tɛ yɛŋ, ni tɛ lɛ nɔ lɛ aŋma gbɛi hee ni mɔ ko leee akɛ ja mɔ ni náa lɛ.”

Kpojiemɔ 2:26

Ni kunimyelɔ lɛ kɛ mɔ ni hiɛɔ minitsumɔi lɛ amli kɛyashiɔ naagbee lɛ, mahã lɛ hegbɛ yɛ jeŋmaji lɛ anɔ,

Kpojiemɔ 2:7

Mɔ ni yɔɔ toi ni akɛ nuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ hegbɛ ni eye walatso lɛ ni yɔɔ miNyɔŋmɔ lɛ Paradeiso lɛ mli lɛ nɔ yibii lɛ eko.’ ”

Kpojiemɔ 3:12

Kunimyelɔ lɛ, mafee lɛ akulashiŋ yɛ miNyɔŋmɔ lɛ Sɔlemɔtsu lɛ mli, ni ejeŋ kpo dɔŋŋ. Ni maŋma miNyɔŋmɔ lɛ gbɛi, kɛ miNyɔŋmɔ lɛ maŋ ni ji Yerusalɛm hee ni jɛɔ ŋwɛi kpelekeɔ shi kɛjɛɔ miNyɔŋmɔ lɛ ŋɔɔ lɛ gbɛi kɛ mi diɛŋtsɛ migbɛi hee lɛ yɛ enɔ.

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.

Kpojiemɔ 3:5

Kunimyelɔ lɛ aaawo lɛ atadei yɛji, ni migbeŋ egbɛi yɛ wala wolo lɛ mli gbi ko gbi ko, ni magba mli matsi egbɛi tã yɛ miTsɛ hiɛ kɛ ebɔfoi lɛ ahiɛ.