1 Yohane 5:1 - ŊMALƐ KRƆŊKRƆŊ LƐ

¹ Mɔ fɛɛ mɔ ni heɔ yeɔ akɛ Yesu ji Kristo lɛ, Nyɔŋmɔ fɔ lɛ. Ni mɔ fɛɛ mɔ ni sumɔɔ mɔ ni fɔ lɛ lɛ, esumɔɔ mɔ ni efɔ lɛ hu.

Ṅmãle̱ Kroṅkroṅ Le̱

¹ Mofẽmo ni heo̱ yeo̱ ake̱ Iesu dši Kristo le̱, Nyoṅmo̱ mli adše̱ afó̱le̱. Ni mofẽmo ni sumoo̱ moni fó̱le̱ le̱, esumoo̱ moni adše̱ emli afó̱le̱ le̱ hũ. 4,15. 16.

1 Yohane 5:1 ပူးပေါင်းရင်းမြစ်များ

Mateo 16:16

Simon Petro here nɔ ekɛɛ, “Bo ji Kristo lɛ, Nyɔŋmɔ hiɛkãalɔ lɛ Bi lɛ!”

Luka 7:5

ejaakɛ esumɔɔ wɔmaŋ lɛ, ni kpeehe lɛ, lɛ ema ehã wɔ.”

Yohane 1:3

Lɛ enɔ atsɔ̃ afee nibii fɛɛ, ni ashiii lɛ afeee nɔ ko nɔ ko ni afee.

Yohane 15:23

Mɔ ni nyɛɔ mi lɛ eenyɛ miTsɛ hu.

Yohane 3:3

Yesu here nɔ ni ekɛɛ lɛ akɛ, “Anɔkwale mikɛɔ bo akɛ, kɛji ajɛɛɛ ŋwɛi afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ ena.”

Yohane 6:69

ni wɔ lɛ wɔhe wɔye ni asaŋ wɔna wɔle akɛ bo ji Nyɔŋmɔ Mɔ Krɔŋkrɔŋ lɛ!”

Yohane 8:42

Kɛkɛ lɛ Yesu kɛɛ amɛ akɛ, “Nyɔŋmɔ ji nyɛTsɛ kulɛ, nyɛaasumɔ mi; ejaakɛ mi lɛ Nyɔŋmɔ ŋɔɔ mijɛ miba; ni asaŋ mitooo mi diɛŋtsɛ miyiŋ mibaaa, shi moŋ lɛ etsu mi.

Bɔfoi 8:36

Ni be ni amɛnyiɛ gbɛ lɛ nɔ lɛ, amɛbashɛ nu ko he, ni piafonyo lɛ kɛɛ, “Naa nu; mɛni tsiɔ mibaptisimɔ gbɛ?” [

Bɔfoi 8:37

Shi Filipo kɛɛ, “Kɛji ohe oye kɛ otsuiŋ fɛɛ lɛ, oyɛ hegbɛ.” Ni ehere nɔ ekɛɛ, “Miihe miiye akɛ Yesu Kristo ji Nyɔŋmɔ Bi lɛ.”]

Yakobo 1:18

Lɛ diɛŋtsɛ esuɔmɔ naa ekɛ anɔkwale wiemɔ lɛ fɔ wɔ, koni wɔfee tamɔ enibɔɔnii lɛ amli klɛŋklɛŋ yibii.

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

1 Yohane 2:10

Mɔ ni sumɔɔ enyɛmi lɛ, eyɛ la lɛ mli, ni nanetɔ̃tɔ̃mɔnɔ ko bɛ emli.

1 Yohane 2:29

Kɛji nyɛle akɛ jalɔ ji lɛ lɛ, nyɛnaa nyɛlea akɛ mɔ fɛɛ mɔ ni tsuɔ jalɛnii lɛ afɔ lɛ kɛjɛ emli.

1 Yohane 3:14

Wɔle akɛ wɔfo mli kɛjɛ gbele mli kɛtee wala mli, ejaakɛ wɔsumɔɔ wɔnyɛmimɛi.

1 Yohane 3:17

Shi mɔ ni yɔɔ je nɛɛ mli nii, ni enaa akɛ efi enyɛmi, ni emli joɔ yɛ enɔ lɛ, te aaafee tɛŋŋ ni Nyɔŋmɔ suɔmɔ lɛ aaahi emliŋ?

1 Yohane 3:9

Mɔ fɛɛ mɔ ni Nyɔŋmɔ fɔ lɛ lɛ, efeee esha, ejaakɛ esu yɛ emli, ni enyɛŋ esha efee, ejaakɛ Nyɔŋmɔ fɔ lɛ.

1 Yohane 4:2

Enɛ nyɛkɛaayoo Nyɔŋmɔ Mumɔ lɛ. Mumɔ fɛɛ mumɔ ni jajeɔ faŋŋ akɛ Yesu Kristo eba yɛ heloo mli lɛ, Nyɔŋmɔ mli ejɛ.

1 Yohane 4:20

Kɛji mɔ ko kɛɛ akɛ, “Miisumɔ Nyɔŋmɔ,” ni enyɛɔ enyɛmi lɛ, amalelɔ ji lɛ. Ejaakɛ mɔ ni sumɔɔɔ enyɛmi ni enaa lɛ lɛ, Nyɔŋmɔ ni enaaa lɛ lɛ, te aaafee tɛŋŋ ni eeenyɛ lɛ esumɔ hu?

1 Yohane 4:7

Suɔmɔmɛi, nyɛhãa wɔsumɔsumɔa wɔhe; ejaakɛ suɔmɔ lɛ Nyɔŋmɔ mli ejɛ. Ni mɔ fɛɛ mɔ ni sumɔɔ mɔ lɛ, Nyɔŋmɔ fɔ lɛ ni ele Nyɔŋmɔ.

1 Yohane 5:18

Wɔle akɛ mɔ fɛɛ mɔ ni Nyɔŋmɔ fɔ lɛ lɛ, efeee esha; shi moŋ mɔ ni Nyɔŋmɔ fɔ lɛ lɛ, ekwɛɔ ehe nɔ, ni mɔ fɔŋ lɛ etaaa ehe.

1 Yohane 5:4

ejaakɛ nɔ fɛɛ nɔ ni Nyɔŋmɔ fɔ lɛ, eyeɔ je lɛ nɔ kunim; ni kunim ni wɔye je lɛ nɔ ji wɔhemɔkɛyeli.

1 Yohane 5:5

Ni namɔ ji mɔ ni yeɔ je lɛ nɔ kunim lɛ, akɛ ja mɔ ni heɔ yeɔ akɛ Yesu ji Nyɔŋmɔ Bi lɛ?