1 Yohane 4:9 - ŊMALƐ KRƆŊKRƆŊ LƐ

⁹ Enɛ mli Nyɔŋmɔ suɔmɔ ni ekɛsumɔɔ wɔ lɛ jeɔ kpo yɛ, Nyɔŋmɔ tsu lɛ diɛŋtsɛ eBi koome lɛ kɛba je lɛ mli, koni wɔtsɔ̃ enɔ wɔna wala.

Ṅmãle̱ Kroṅkroṅ Le̱

⁹ Ene̱ mli Nyoṅmo̱ suomo̱ ni eke̱sumoo̱wo̱ le̱ dše kpo ye̱, ake̱ Nyoṅmo̱ tšũ le̱die̱ntše̱ ebi kōme le̱ ke̱ba dše le̱ṅ, koni wo̱tšõ ene̱ wo̱ná wala. Ioh 3,16.

1 Yohane 4:9 ပူးပေါင်းရင်းမြစ်များ

1 Mose 22:2

Nyɔŋmɔ kɛɛ lɛ akɛ, “Ŋɔɔ obi Isak ni ji obi koome ni odɔɔ ehe lɛ, ni oyiŋ oya Moria Shikpɔŋ lɛ nɔ, ni okɛ lɛ ayashã afɔle yɛ jɛi, yɛ gɔji lɛ ateŋ ekome ni matsɔ̃ɔ bo lɛ nɔ.”

Lalai 2:7

“Mashiɛ akpɔ ni Yehowa ewo mi lɛ,” Ekɛɛ, “Mibi ji bo, ŋmɛnɛ gbi nɛɛ mifɔ bo.

Marko 12:6

Agbɛnɛ eshwɛ mɔ kome pɛ ni ebaatsu, ebinuu ni esumɔɔ lɛ lɛ. Naagbee lɛ etsu lɛ hu amɛŋɔɔ ni ekɛɛ, ‘Amɛhiɛ aaasɔ mibi lɛ.’

Luka 4:18

“Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

Yohane 10:10

Julɔ baaa yaka, shi juu kɛ gbee kɛ hiɛkpãtãmɔ hewɔ ebaa; mi lɛ miba bɔ ni afee ni amɛna wala ni amɛna ni ateke nɔ.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Yohane 3:18

Mɔ ni heɔ enɔ yeɔ lɛ, akojooo lɛ; shi mɔ ni heee yeee lɛ, akojo lɛ momo, ejaakɛ eheko Nyɔŋmɔ Bi koome lɛ gbɛi lɛ nɔ eyeko.

Yohane 5:23

koni mɛi fɛɛ abu Bi lɛ, tamɔ bɔ ni amɛbuɔ Tsɛ lɛ. Mɔ ni ebuuu Bi lɛ, ebuuu Tsɛ lɛ ni tsu lɛ lɛ hu.

Yohane 6:29

Yesu here nɔ ekɛɛ amɛ akɛ, “Nyɔŋmɔ nitsumɔ lɛ nɛ, akɛ nyɛhe mɔ ni etsu lɛ nɔ nyɛye.”

Yohane 6:51

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

Yohane 6:57

Bɔ ni Tsɛ, hiɛkãalɔ lɛ, tsu mi, ni Tsɛ lɛ hewɔ mihiɛ kã lɛ, nakai nɔŋŋ mɔ ni yeɔ mi lɛ hu hiɛ aaakã yɛ mihewɔ.

Yohane 8:29

Ni mɔ ni tsu mi lɛ kɛ mi yɛ; Tsɛ lɛ shiko mi kome, ejaakɛ mi lɛ nɔ ni sa ehiɛ mifeɔ daa.”

Yohane 8:42

Kɛkɛ lɛ Yesu kɛɛ amɛ akɛ, “Nyɔŋmɔ ji nyɛTsɛ kulɛ, nyɛaasumɔ mi; ejaakɛ mi lɛ Nyɔŋmɔ ŋɔɔ mijɛ miba; ni asaŋ mitooo mi diɛŋtsɛ miyiŋ mibaaa, shi moŋ lɛ etsu mi.

Yohane 9:3

Yesu here nɔ ekɛɛ, “Jeee esha ni mɔ nɛ loo efɔlɔi fee hewɔŋ, shi moŋ bɔ ni afee ni Nyɔŋmɔ nitsumɔi lɛ ana aje kpo yɛ emli.

Romabii 8:32

Lɛ mɔ ni kãmãaa wɔ lɛ diɛŋtsɛ eBi lɛ, shi moŋ ekɛ lɛ hã yɛ wɔ fɛɛ wɔnajiaŋ lɛ, ani eŋɔŋ nibii fiaa efataŋ ehe ekeŋ wɔ?

Hebribii 1:5

Ejaakɛ ŋwɛi bɔfoi lɛ ateŋ namɔ ni Nyɔŋmɔ ekɛɛ lɛ pɛŋ akɛ, “Mi-Bi ji bo; ŋmɛnɛ mifɔ bo?” Ni asaŋ, “Matsɔ̃ eTsɛ, ni lɛ hu eeetsɔ̃ mi-Bi.”

1 Yohane 3:16

Enɛ mli wɔyoɔ suɔmɔ lɛ yɛ, akɛ ekɛ ewala ŋmɛ shi yɛ wɔhewɔ, ni sa akɛ wɔ hu wɔ kɛ wɔwala ŋmɛɔ shi yɛ wɔnyɛmimɛi ahewɔ.

1 Yohane 4:10

Enɛ mli suɔmɔ lɛ yɔɔ, jeee akɛ wɔ ni wɔsumɔ Nyɔŋmɔ, shi moŋ lɛ ni esumɔ wɔ, ni etsu eBi lɛ akɛ ebafee wɔhe eshai lɛ ahe kpãtãmɔnɔ.

1 Yohane 4:16

Ni wɔ lɛ wɔ́le, ni wɔ́he suɔmɔ ni Nyɔŋmɔ kɛsumɔɔ wɔ lɛ wɔye. Nyɔŋmɔ lɛ, suɔmɔ ji lɛ, ni mɔ ni hiɔ suɔmɔ mli lɛ, ehiɔ Nyɔŋmɔ mli, ni Nyɔŋmɔ hu hiɔ emli.

1 Yohane 5:11

Ni enɛ ji odase lɛ, akɛ Nyɔŋmɔ kɛ naanɔ wala ehã wɔ, ni nɛkɛ wala nɛɛ yɛ eBi lɛ mli.

1 Yohane 5:13

Miiŋma nyɛ nii nɛɛ, koni nyɛ mɛi ni nyɛheɔ Nyɔŋmɔ Bi lɛ gbɛi lɛ nɔ nyɛyeɔ lɛ, nyɛna nyɛle akɛ nyɛyɛ naanɔ wala.