1 Yohane 4:6 - ŊMALƐ KRƆŊKRƆŊ LƐ

⁶ Wɔ lɛ, Nyɔŋmɔ mli wɔjɛ; mɔ ni le Nyɔŋmɔ lɛ, eboɔ wɔ toi mɔ ni jɛɛɛ Nyɔŋmɔ mli lɛ, ebooo wɔ toi. No wɔkɛyoɔ anɔkwale mumɔ lɛ kɛ shishiumɔ mumɔ lɛ.

Ṅmãle̱ Kroṅkroṅ Le̱

⁶ Wo̱ le̱, Nyoṅmo̱ mli wo̱dše̱; *moni le̱ Nyoṅmo̱ le̱, eboo̱wo̱ toi; moni dše̱e̱ Nyoṅmo̱ mli le̱, eboowo̱ toi. No wo̱ke̱yoo̱ ano̱kwale̱ mumo̱ le ke̱ šišiumo̱ mumo̱ le̱. *Ioh, 3,47.

1 Yohane 4:6 ပူးပေါင်းရင်းမြစ်များ

2 Kronika 18:21

Mumɔ lɛ jie naa akɛ, ‘Matsɔ̃ Ahab gbalɔi lɛ alilɛi nɔ mahã amɛgba gbalɛ ni amale ni.’ Kɛkɛ ni Yehowa kɛɛ mumɔ lɛ akɛ, ‘Yaa koni oyalaka lɛ; ni onine baashɛ enɔ hu.’

Yesaia 29:10

Ejaakɛ Yehowa ehã wɔ ni mli tsii mumɔ enyɔ nyɛnɔ. Nyɛ gbalɔi, Yehowa eŋamɔ nyɛhiŋmɛii; ni nyɛ ninalɔi, Yehowa kɛ nɔ̃ eha nyɛhiɛ.

Yesaia 8:20

Nyɛtoa he akɛ, “Nyɛmɔa Yehowa wiemɔ lɛ kɛ ehe odaseyeli lɛ mli. Anɔkwa, nɔ ni nifeelɔi lɛ kɛɔ nyɛ lɛ, nɔ kpakpa ko ejɛŋ mli.”

Hosea 4:12

Mimɛi biɔ tso akɛ egba, ni amɛdɛ̃hiɛmɔtso lɛ gbaa amɛ teemɔŋ saji, ejaakɛ ajwamãŋbɔɔ mumɔ ehã amɛkwa amɛNyɔŋmɔ lɛ; ni amɛdu gbɛ, amɛtee wɔji aŋɔɔ.

Mika 2:11

“Gbalɔ ni maŋ nɛɛ sumɔɔ ji gbalɔ ni nyiɛɔ ni ewieɔ fuu ni emaleɔ ni ekɛɔ akɛ, ‘Wain kɛ dãa ni wa baabu ahã nyɛ.’

Mika 3:8

Shi mi lɛ, Yehowa kɛ emumɔ kɛ ehewalɛ lɛ woɔ mimli obɔ̃, ni ehãa mileɔ nɔ ni ji jalɛ, ni ehãa mi ekãa ni akɛkɛɔ Israelbii lɛ nɔ ni hi kɛ nɔ ni ji eshai ni amɛfeɔ lɛ.

Luka 10:22

“MiTsɛ etu nii fɛɛ ewo midɛŋ, ni mɔ ko leee mɔ ni ji Bi lɛ, ja Tsɛ lɛ, kɛ mɔ ni ji Tsɛ lɛ hu, ja Bi lɛ kɛ mɔ ni Bi lɛ sumɔɔ akɛ ejie lɛ kpo etsɔ̃ɔ lɛ.”

Yohane 10:16

“Miyɛ toi krokomɛi ni jɛɛɛ toi atsu nɛɛ mli; ni nomɛi hu, ja miŋɔ amɛ kɛba, ni amɛbanu migbee, ni toi lɛ fee kuu kome kɛ kwɛlɔ kome.

Yohane 10:27

Mitoi lɛ nuɔ migbee, ni mile amɛ, ni amɛnyiɛɔ misɛɛ,

Yohane 10:3

Lɛ shinaa naabulɔ lɛ gbeleɔ, ni toi lɛ nuɔ egbee, ni ekɛ lɛ diɛŋtsɛ etoi lɛ agbɛi tsɛɔ amɛ, ni ekɛ amɛ jeɔ kpo.

Yohane 13:20

Anɔkwale mikɛɔ nyɛ akɛ, mɔ ni hereɔ mɔ ni mitsuɔ lɛ, mi nɔŋŋ ehereɔ lɛ; ni mɔ ni hereɔ mi lɛ, ehereɔ mɔ ni tsu mi lɛ.”

Yohane 14:17

Hefatalɔ ni ji anɔkwale Mumɔ lɛ ni je lɛ nyɛɛɛ lɛ aŋɔ, ejaakɛ enaaa lɛ ni asaŋ eleee lɛ lɛ; shi nyɛ lɛ nyɛle lɛ, ejaakɛ ekɛ nyɛ yɔɔ, ni eyɛ nyɛmli.

Yohane 15:26

“Shi Hefatalɔ lɛ ni mibatsu nyɛŋɔɔ kɛaajɛ Tsɛ lɛ ŋɔɔ lɛ, mɔ ni ji anɔkwale Mumɔ lɛ ni jɛɔ Tsɛ lɛ ŋɔɔ baa lɛ, kɛ eba lɛ, eeeye mihe odase;

Yohane 16:13

Shi kɛji lɛ, anɔkwale Mumɔ lɛ, ena eba lɛ, eeetsɔ̃ɔ nyɛ anɔkwale lɛ fɛɛ mli gbɛ; ejaakɛ etoŋ lɛ diɛŋtsɛ eyiŋ ewieŋ; shi moŋ nɔ fɛɛ nɔ ni eeenu lɛ, no eeewie, ni nii ni baa lɛ, eeetsi tã etsɔ̃ɔ nyɛ.

Yohane 18:37

No hewɔ lɛ, Pilato bi lɛ akɛ, “Belɛ maŋtsɛ ji bo kɛ̃?” Yesu here nɔ akɛ, “Okɛɛ; ejaakɛ maŋtsɛ ji mi. Mi lɛ, enɛ hewɔ afɔ mi, ni enɛ hewɔ nɔŋŋ miba je lɛ mli, koni mibaye anɔkwale lɛ he odase. Mɔ fɛɛ mɔ ni jɛ anɔkwale lɛ mli lɛ nuɔ migbee.”

Yohane 20:21

Yesu saa kɛɛ amɛ ekoŋŋ akɛ, “Hejɔlɛ ahã nyɛ! Bɔ ni Tsɛ lɛ tsu mi lɛ, nakai mi hu mitsuɔ nyɛ nɛɛ.”

Yohane 8:19

Kɛkɛ ni amɛbi lɛ akɛ, “Nɛgbɛ oTsɛ lɛ yɔɔ?” Yesu here nɔ akɛ, “Nyɛleee mi ni nyɛsaa nyɛleee miTsɛ; nyɛle mi jikulɛ, nyɛaale miTsɛ hu.”

Yohane 8:23

Ni ekɛɛ amɛ akɛ, “Nyɛ lɛ nyɛjɛ shishi nɛɛ, mi lɛ mijɛ ŋwɛi; nyɛ lɛ nyɛjɛ je nɛɛ mli, mi lɛ mijɛɛɛ je nɛɛ mli.

Romabii 1:1

Wolo nɛɛ jɛ mi Paulo, Yesu Kristo tsulɔ kɛ bɔfo ni atsɛ lɛ ni ajie lɛ ato ahã Nyɔŋmɔ Sanekpakpa lɛ, dɛŋ.

Romabii 11:8

tamɔ bɔ ni aŋma akɛ, “Nyɔŋmɔ ehã amɛ shɔ̃ɔfeemɔ ko, hiŋmɛii ni amɛkɛnaaa nii, kɛ toii ni amɛkɛnuuu nii kɛbashi ŋmɛnɛ gbi nɛɛ nɔ.”

1 Korintobii 14:37

Kɛ efeɔ mɔ ko akɛ gbalɔ loo mumɔŋ gbɔmɔ ji lɛ lɛ, sa akɛ ele akɛ nɔ ni miŋma nyɛ nɛɛ, Nuŋtsɔ lɛ kitã ni.

2 Korintobii 10:7

Nyɛkwɛa nibii bɔ ni nyɛnaa amɛ lɛ. Kɛ mɔ ko heɔ yeɔ akɛ Kristo nɔ ji lɛ lɛ, esusu he ekoŋŋ, ejaakɛ tamɔ bɔ ni eji Kristo nɔ lɛ, nakai nɔŋŋ kɛ̃ wɔ hu wɔji Kristo nii.

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

1 Timoteo 4:1

Shi Mumɔ lɛ kɛɔ faŋŋ akɛ naagbee gbii lɛ amli lɛ mɛi komɛi aaakwa hemɔkɛyeli lɛ, ni amɛaabo lakamɔ mumɔi kɛ mumɔi fɔ̃ji atsɔ̃ɔmɔi atoi

2 Petro 3:2

ni nyɛkai gbalɔi krɔŋkrɔŋi lɛ awiemɔi ni amɛwie sa kɛ Nuŋtsɔ kɛ yiwalaherelɔ lɛ kitã ni bɔfoi ni atsu nyɛŋɔɔ lɛ kɛhã nyɛ lɛ.

1 Yohane 4:1

Suɔmɔmɛi, nyɛkahea mumɔ fɛɛ mumɔ nyɛyea; shi moŋ nyɛkaa mumɔi lɛ nyɛkwɛa akɛ Nyɔŋmɔ mli amɛjɛ lo, ejaakɛ amalegbalɔi pii eba je lɛ mli.

1 Yohane 4:4

Mibii bibii, nyɛ lɛ nyɛjɛ Nyɔŋmɔ mli ni nyɛye amalegbalɔi lɛ anɔ kunim; ejaakɛ Mumɔ ni yɔɔ nyɛmli lɛ da fe mumɔ ni yɔɔ je lɛ mli lɛ.

1 Yohane 4:8

Mɔ ni sumɔɔɔ mɔ lɛ, eleee Nyɔŋmɔ; ejaakɛ Nyɔŋmɔ lɛ, suɔmɔ ji lɛ.

1 Yohane 5:19

Wɔle akɛ wɔjɛ Nyɔŋmɔ mli, ni jeŋ muu lɛ fɛɛ yɛ efɔŋ nɔyeli shishi.

Yuda 1:17

Shi suɔmɔmɛi, nyɛ lɛ nyɛkaia wiemɔi ni wɔNuŋtsɔ Yesu Kristo bɔfoi lɛ ewie eto momo lɛ.