1 Yohane 4:2 - ŊMALƐ KRƆŊKRƆŊ LƐ

² Enɛ nyɛkɛaayoo Nyɔŋmɔ Mumɔ lɛ. Mumɔ fɛɛ mumɔ ni jajeɔ faŋŋ akɛ Yesu Kristo eba yɛ heloo mli lɛ, Nyɔŋmɔ mli ejɛ.

Ṅmãle̱ Kroṅkroṅ Le̱

² Ene̱ nyeke̱-ayo Nyoṅmo̱ Mumo̱ le̱: mumo̱-fẽ-mṅmo̱ ni dšadšeo̱ faṅṅ ake̱ Iesu Kristo éba ye̱ helo mli le̱, Nyoṅmo̱ mli edše̱;

1 Yohane 4:2 ပူးပေါင်းရင်းမြစ်များ

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

1 Korintobii 12:3

No hewɔ lɛ, miihã nyɛle akɛ mɔ ko ewieee yɛ Nyɔŋmɔ Mumɔ naa ni ekɛɛ akɛ, “Yesu ji musumɔ”; ni mɔ ko nyɛŋ ekɛɛ akɛ, “Yesu ji Nuŋtsɔ” hu, akɛ ja yɛ Mumɔ Krɔŋkrɔŋ naa.

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

1 Yohane 1:2

Ni wala lɛ jie ehe kpo etsɔ̃ɔ, ni wɔna, ni wɔyeɔ he odase ni wɔjajeɔ naanɔ wala lɛ, nɔ ni kɛ Tsɛ lɛ yɔɔ ni ejie ehe kpo etsɔ̃ɔ wɔ lɛ he sane wɔtsɔ̃ɔ nyɛ lɛ.

1 Yohane 2:23

Mɔ fɛɛ mɔ ni kwaa Bi lɛ, ebɛ Tsɛ lɛ hu; shi mɔ ni gbaa mli kpoo akɛ eheɔ Bi lɛ nɔ eyeɔ lɛ, eyɛ Tsɛ lɛ hu.

1 Yohane 4:15

Mɔ fɛɛ mɔ ni jajeɔ faŋŋ akɛ Yesu ji Nyɔŋmɔ Bi lɛ, Nyɔŋmɔ hiɔ emli, ni lɛ hu ehiɔ Nyɔŋmɔ mli.

1 Yohane 4:3

Ni mumɔ fɛɛ mumɔ ni ejajeee akɛ Yesu Kristo eba yɛ heloo mli lɛ, jeee Nyɔŋmɔ mli ejɛ, shi moŋ no ji Kristo henyɛlɔ lɛ mumɔ lɛ ni nyɛnu ehe akɛ eeba, ni agbɛnɛ tete eyɛ je lɛ mli momo lɛ.

1 Yohane 5:1

Mɔ fɛɛ mɔ ni heɔ yeɔ akɛ Yesu ji Kristo lɛ, Nyɔŋmɔ fɔ lɛ. Ni mɔ fɛɛ mɔ ni sumɔɔ mɔ ni fɔ lɛ lɛ, esumɔɔ mɔ ni efɔ lɛ hu.

2 Yohane 1:7

Ejaakɛ shishiulɔi pii eba je lɛ mli, mɛi ni ejajeee akɛ Yesu Kristo eba yɛ heloo mli. Mɔ nɛ ji shishiulɔ lɛ kɛ Kristo henyɛlɔ lɛ.