1 Yohane 4:14 - ŊMALƐ KRƆŊKRƆŊ LƐ

¹⁴ Ni wɔ lɛ wɔna ni wɔmiiye odase akɛ Tsɛ lɛ etsu eBi lɛ akɛ je lɛ yiwalaherelɔ.

Ṅmãle̱ Kroṅkroṅ Le̱

¹⁴ Ni wo̱ le̱ wó̱na ni wo̱mīye odase ake̱ tše̱ le̱ étšũ ebi le̱ ake̱ dše le̱ yiwala-herelo̱. Ioh 3,17.

1 Yohane 4:14 ပူးပေါင်းရင်းမြစ်များ

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Yohane 10:36

nyɛmiikɛɛ mɔ ni Tsɛ lɛ efee lɛ krɔŋkrɔŋ ni etsu lɛ kɛba je lɛ mli lɛ akɛ, ‘Obɔ musu’, akɛni mikɛɛ akɛ, ‘Nyɔŋmɔ Bi ji mi’ lɛ?

Yohane 12:47

Ni kɛji mɔ ko nu miwiemɔi lɛ ni eyeee nɔ lɛ, mikojooo lɛ; ejaakɛ mibaaa koni mibakojo je lɛ, shi moŋ miba koni mibahere je lɛ yiwala.

Yohane 3:11

Miikɛɛ bo anɔkwale akɛ, nɔ ni wɔle lɛ, no wɔwieɔ; ni nɔ ni wɔna lɛ, no he odase wɔyeɔ; shi nyɛŋɔɔɔ wɔdase lɛ.

Yohane 3:32

ni nɔ ni ena ni enu lɛ, no he odase eyeɔ; ni mɔ ko mɔ ko eŋɔɔɔ edase lɛ.

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Yohane 4:42

ni amɛkɛɛ yoo lɛ akɛ, “Agbɛnɛ wɔmiihe wɔmiiye, jeee bo owiemɔ lɛ hewɔŋ dɔŋŋ; ejaakɛ wɔ diɛŋtsɛ wɔnu, ni wɔna wɔle akɛ, anɔkwale, mɔ nɛ ji je lɛ yiwalaherelɔ lɛ.”

Yohane 5:39

Nyɛtaoɔ ŋmalɛi lɛ amli, ejaakɛ nyɛ diɛŋtsɛ nyɛsusuɔ akɛ nomɛi amli nyɛnaa naanɔ wala yɛ; ni nomɛi nɔŋŋ ji nii ni yeɔ mihe odase lɛ.

Bɔfoi 18:5

Shi be ni Sila kɛ Timoteo jɛ Makedonia ba lɛ, Paulo hiɛ dɔ yɛ wiemɔ lɛ he ni eye odase veveeve etsɔ̃ɔ Yudafoi lɛ akɛ Yesu ji Kristo lɛ.

1 Petro 5:12

Mitsɔ̃ wɔnyɛmi Silvano ni ji anɔkwafo tamɔ bɔ ni mibuɔ lɛ lɛ nɔ miŋma nyɛ wolo fioo nɛɛ mikɛmiiwo nyɛ ekãa, ni mikɛmiiye odase miishi sɛɛ akɛ enɛ ji Nyɔŋmɔ anɔkwa dromɔ lɛ. Nyɛdamɔa shi shiŋŋ yɛ mli.

1 Yohane 4:10

Enɛ mli suɔmɔ lɛ yɔɔ, jeee akɛ wɔ ni wɔsumɔ Nyɔŋmɔ, shi moŋ lɛ ni esumɔ wɔ, ni etsu eBi lɛ akɛ ebafee wɔhe eshai lɛ ahe kpãtãmɔnɔ.

1 Yohane 5:9

Kɛji wɔhe gbɔmɛi odase lɛ wɔye lɛ, Nyɔŋmɔ odase lɛ da fe no; ni Nyɔŋmɔ odase lɛ ji akɛ eye odase yɛ eBi lɛ he.