1 Yohane 4:1 - ŊMALƐ KRƆŊKRƆŊ LƐ

¹ Suɔmɔmɛi, nyɛkahea mumɔ fɛɛ mumɔ nyɛyea; shi moŋ nyɛkaa mumɔi lɛ nyɛkwɛa akɛ Nyɔŋmɔ mli amɛjɛ lo, ejaakɛ amalegbalɔi pii eba je lɛ mli.

Ṅmãle̱ Kroṅkroṅ Le̱

¹ Suomo̱mei, nyekahea mumo̱-fẽ-mumo̱ nyeyea; ši moṅ *nyekaä mumo̱i le̱ nyekwe̱a ake̱ Nyoṅmo̱ mli ame̱dše̱ lo; edšake̱ amalegbalo̱i pī édše kpo ke̱-ba dše le̱ mli. *1 Tes. 5,21.

1 Yohane 4:1 ပူးပေါင်းရင်းမြစ်များ

1 Maŋtsɛmɛi 13:18

Kɛkɛ ni gbalɔ nuumo ni jɛ Betel lɛ kɛɛ lɛ akɛ, “Mi hu gbalɔ ji mi tamɔ bo nɔŋŋ, ni Yehowa fã ebɔfo, ni ekɛ mi bawie akɛ, yaakpale lɛ ni okɛ lɛ aba shĩa koni ebaye nii ni enu nu.” Shi gbalɔ nuumo lɛ miimale.

Abe̱i 14:15

Mɔ ni jwɛŋmɔ mli kwɔɔɔ heɔ nɔ fɛɛ nɔ eyeɔ; shi hiɛtɛ̃lɔ leɔ enanenaa kwɛmɔ.

Yeremia 14:14

Kɛkɛ ni Yehowa kɛɛ mi akɛ, “Gbalɔi lɛ miigba amale gbalɛi yɛ migbɛi mli. Jeee mi mitsu amɛ lɛ, jeee mi mifã amɛ lɛ, jeee mi, mikɛ amɛ ewie hu. Amɛmiigba amale ninai kɛ yaka klamɔi kɛ amɛ diɛŋtsɛ amɛyiŋ lakamɔi amɛmiitsɔ̃ɔ nyɛ.

Yeremia 23:16

Nɔ ni Yehowa, Taiatsɛ, kɛɔ maŋbii nɛ, “Nyɛkaboa gbalɔi ni gbaa tsɔ̃ɔ nyɛ lɛ awiemɔi lɛ toi; amɛmiihã nyɛ yaka hiɛnɔkãmɔ. Nɔ ni amɛ diɛŋtsɛ amɛjwɛŋmɔi kɛɔ amɛ lɛ, no amɛgbaa lɛ, shi jeee nɔ ni jɛ mi, Yehowa, minaa.

Yeremia 5:31

Gbalɔi lɛ gbaa amale gbalɛi, ni nɔ ni amɛkɛɔ osɔfoi lɛ no osɔfoi lɛ feɔ, ni nɔ ni afeɔ lɛ ŋɔɔ mimaŋbii lɛ hu anaa. Shi kɛji naagbee be lɛ shɛ lɛ, te nyɛbaafee tɛŋŋ?’ ”

Marko 13:21

“Ni no mli lɛ, kɛji mɔ ko kɛɛ nyɛ akɛ, ‘Naa, Kristo lɛ yɛ biɛ!’ Aloo, ‘Naa, eyɛ biɛ!’ lɛ, nyɛkahea nyɛyea,

Luka 12:57

“Ni mɛɛ hewɔ nyɛ diɛŋtsɛ nyɛkojooo nɔ ni ja gbɛ nyɛhãaa nyɛhe lɛ?

Luka 21:8

Ni ekɛɛ, “Nyɛkwɛa jogbaŋŋ, koni akalaka nyɛ; ejaakɛ mɛi pii aaaba yɛ migbɛi mli ni amɛaakɛɛ, ‘Mi ni’, kɛ ‘Be lɛ eshɛ etã’. Shi nyɛkanyiɛa amɛsɛɛ.

Bɔfoi 17:11

Shi mɛnɛɛmɛi asu hi fe mɛi ni yɔɔ Tesalonika lɛ, ni amɛ lɛ amɛhere wiemɔ lɛ kɛ amɛtsui fɛɛ, ni daa gbi lɛ amɛkpaa ŋmalɛi lɛ amli amɛkwɛɔ akɛ nibii nɛɛ yɛ mli nakai lo.

Bɔfoi 20:29

Ejaakɛ mile akɛ, kɛ mikpa mihe lɛ, klãji fulɔi baabote nyɛteŋ, ni amɛbaŋ toiku lɛ yi.

1 Korintobii 12:10

Mɔ ko lɛ hewalɛnii atsumɔ; mɔ ko lɛ gbalɛ; mɔ ko hu mumɔi ashikpamɔ ni akɛnaa mumɔi amligbalamɔi; mɔ ko lɛ wiemɔi srɔtoi awiemɔ; ni mɔ ko hu wiemɔi ashishitsɔ̃ɔmɔ.

1 Korintobii 14:29

Shi gbalɔi lɛ, mɛi enyɔ loo mɛi etɛ̃ awie, ni mɛi ni eshwɛ lɛ ahala mli.

1 Tesalonikabii 5:20

nyɛkagbea gbalɛi lɛ ahe guɔ.

1 Tesalonikabii 5:21

Nyɛkaa nii fiaa nyɛkwɛa, ni nɔ ni hi lɛ nyɛmɔa no mli.

2 Tesalonikabii 2:2

akɛ nyɛkahãa ahã nyɛjwɛŋmɔ futu oya, ni asaŋ nyɛkahãa akɛ mumɔ ko loo wiemɔ ko loo wolo ko ni aaakɛɛ akɛ ejɛ wɔŋɔɔ lɛ miihã nyɛhao akɛ Nuŋtsɔ lɛ Gbi lɛ eshɛ etã.

1 Timoteo 4:1

Shi Mumɔ lɛ kɛɔ faŋŋ akɛ naagbee gbii lɛ amli lɛ mɛi komɛi aaakwa hemɔkɛyeli lɛ, ni amɛaabo lakamɔ mumɔi kɛ mumɔi fɔ̃ji atsɔ̃ɔmɔi atoi

2 Timoteo 3:13

Shi gbɔmɛi fɔ̃ji kɛ shishiulɔi aaawo wu yɛ efɔŋ mli; amɛlakaa mɛi ni amɛ hu alakaa amɛ.

2 Petro 2:1

Shi amalegbalɔi hu te shi yɛ Israelbii lɛ ateŋ, tamɔ bɔ ni amaletsɔ̃ɔlɔi baaba nyɛ hu nyɛteŋ lɛ. Amɛkɛ hiɛkpãtãmɔ tsɔ̃ɔmɔi aaaba nigii, ni Nuŋtsɔ lɛ ni kpɔ̃ amɛ lɛ po, amɛaakwa lɛ, ni amɛkɛ hiɛkpãtãmɔ ni he yɔɔ oya aaaba amɛ diɛŋtsɛ amɛnɔ.

1 Yohane 2:18

Gbekɛbii, naagbee ŋmɛlɛtswaa lɛ nɛ; ni bɔ ni nyɛnu akɛ Kristo henyɛlɔ lɛ miiba lɛ, Kristo henyɛlɔi lɛ pii eba amrɔ nɛɛ, hewɔ lɛ wɔle akɛ naagbee ŋmɛlɛtswaa lɛ nɛ.

1 Yohane 2:7

Suɔmɔmɛi, jeee kitã hee ko miŋmaa nyɛ nɛɛ, shi moŋ kitã momo ni nyɛyɔɔ kɛjɛ shishijee lɛ. Kitã momo lɛ ji wiemɔ ni nyɛnu lɛ.

2 Yohane 1:7

Ejaakɛ shishiulɔi pii eba je lɛ mli, mɛi ni ejajeee akɛ Yesu Kristo eba yɛ heloo mli. Mɔ nɛ ji shishiulɔ lɛ kɛ Kristo henyɛlɔ lɛ.

3 Yohane 1:11

Suɔlɔ, kaakase nɔ ni ji efɔŋ, shi kasemɔ nɔ ni ji ekpakpa moŋ. Mɔ ni feɔ ekpakpa lɛ, ejɛ Nyɔŋmɔ mli; mɔ ni feɔ efɔŋ lɛ, enako Nyɔŋmɔ.

Kpojiemɔ 2:2

Mile onitsumɔi lɛ kɛ odeŋmegbomɔ lɛ kɛ ohiɛmiamɔ lɛ, kɛ bɔ ni okpɛ̃lɛɛɛ mɛi fɔ̃ji lɛ; mile akɛ oka mɛi ni kɛɔ akɛ bɔfoi ji amɛ shi amɛjeee bɔfoi lɛ ni ona akɛ amalelɔi ji amɛ.