1 Yohane 3:8 - ŊMALƐ KRƆŊKRƆŊ LƐ

⁸ Mɔ ni feɔ esha lɛ, ejɛ abonsam mli; ejaakɛ kɛjɛ shishijee beebe lɛ, abonsam feɔ esha. Enɛ hewɔ Nyɔŋmɔ Bi lɛ jie ehe kpo koni efite abonsam nitsumɔi lɛ.

Ṅmãle̱ Kroṅkroṅ Le̱

⁸ Moni feo̱ eša le, edše̱ abonsam mli; edšake̱ ke̱-dše̱ šišidšē bēbe *abonsam feo̱ esa, Ene̱ hewo̱ Nyoṅmo̱ bi le̱ dšie̱ ehe kpo, koni efite abonsam nitšumo̱i le̱, *Ion 8,44.

1 Yohane 3:8 ပူးပေါင်းရင်းမြစ်များ

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

Yesaia 27:1

Nakai gbi lɛ nɔ lɛ, Yehowa kɛ klante agbo ni naa ba ni wa hu baabamɔ Leviatan, onufu lɔgɔligi lɛ, ni eeegbe ogboole ni yɔɔ ŋshɔ lɛ mli lɛ.

4 Mose 21:9

No hewɔ lɛ, Mose kɛ akɔɔble fee onufu, ni ekɛtsotsoro tso bloblo nɔ ni ekɛma shi. Mɔ fɛɛ mɔ ni onufui lɛ eko ekɔ̃ lɛ lɛ, ewoɔ ehiɛ nɔ ekwɛɔ akɔɔble onufu lɛ, ni eyi naa wala.

Mateo 12:28

Shi kɛji mi lɛ, Nyɔŋmɔ Mumɔ lɛ naa mifãa mumɔi fɔ̃ji lɛ yɛ lɛ, no lɛ ninamɔ Nyɔŋmɔ Maŋtsɛyeli lɛ enina nyɛ lɛ.

Mateo 13:38

ŋmɔ lɛ ji je lɛ; wui kpakpai lɛ ji maŋtsɛyeli lɛ mli bii lɛ; jwɛi lɛ ji mɔ fɔŋ lɛ bii lɛ;

Mateo 4:3

Ni abonsam lɛ ba eŋɔɔ ebakɛɛ lɛ akɛ, “Kɛji Nyɔŋmɔ Bi ji bo lɛ, fã koni tɛi nɛɛ atsɔ̃mɔ aboloo.”

Marko 1:24

“Mɛɛ sane wɔkɛ bo yɔɔ, Yesu Nazarenyo? Oba wɔhiɛ kpãtãmɔ? Mile mɔ ni ji bo. Bo ji Nyɔŋmɔ Mɔ krɔŋkrɔŋ lɛ!”

Luka 10:18

Shi Yesu kɛɛ amɛ akɛ, “Mina Satan jɛ ŋwɛi bagbee shi tamɔ srawa.

Yohane 12:31

Agbɛnɛ je nɛɛŋ kojomɔ lɛ eshɛ; agbɛnɛ abaafã je nɛɛŋ lumɔ lɛ ashɛ afɔ̃.

Yohane 16:11

eeekã je lɛ yɛ kojomɔ he, ejaakɛ akojo je nɛɛŋ lumɔ lɛ momo.

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

Romabii 16:20

Shi etsɛŋ ni hejɔlɛ Nyɔŋmɔ lɛ aaanaanaa Satan nɔ kwraa yɛ nyɛnajiashi. WɔNuŋtsɔ Yesu Kristo dromɔ lɛ kɛ nyɛ ahi shi.

Efesobii 2:2

Ni nyɛnyiɛ yɛ mli sa yɛ no je nɛɛŋ su lɛ naa, yɛ lumɔ ni yɔɔ kɔɔyɔɔ mli hewalɛ lɛ ni ji mumɔ ni tsuɔ nii amrɔ nɛɛ yɛ toigbele bii amli lɛ naa.

Kolosebii 2:15

Ni ekpɔlɔ onukpayelii kɛ hewalɛi lɛ ahe nii, ni ebɔ amɛ ahora faŋŋ, ni enyã yɛ amɛnɔ.

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Hebribii 2:14

No hewɔ lɛ, akɛni bii lɛ hiɛ heloo kɛ lá kome hewɔ lɛ, lɛ hu eŋɔ no nɔŋŋ eko tamɔ amɛ, koni etsɔ̃ gbele nɔ ekpãtã mɔ ni yɔɔ gbele nɔ hewalɛ ni ji abonsam lɛ hiɛ,

Hebribii 9:26

ejaakɛ nakai ni kulɛ, esa akɛ ena amanehulu kpitiokpitio kɛjɛ jeŋ shishijee beebe; shi agbɛnɛ lɛ shi kome kɛkɛ ajie lɛ kpo yɛ bei lɛ anaagbee lɛ mli, koni ekɛ lɛ diɛŋtsɛ ehe ni ekɛshã afɔle lɛ ajie esha lɛ.

2 Petro 2:4

Ejaakɛ kɛji Nyɔŋmɔ kɛ bɔfoi ni fee esha lɛ ahe ekeee amɛ, shi moŋ etsi amɛ ewo gbohiiaje bu kɛ emli duŋ lɛ mli, ni eŋɔ amɛ ehã akɛ akɛ amɛ ato ahã kojomɔ,

1 Yohane 1:2

Ni wala lɛ jie ehe kpo etsɔ̃ɔ, ni wɔna, ni wɔyeɔ he odase ni wɔjajeɔ naanɔ wala lɛ, nɔ ni kɛ Tsɛ lɛ yɔɔ ni ejie ehe kpo etsɔ̃ɔ wɔ lɛ he sane wɔtsɔ̃ɔ nyɛ lɛ.

1 Yohane 3:10

Enɛ mli Nyɔŋmɔ bii lɛ kɛ abonsam bii lɛ jieɔ amɛhe shi faŋŋ yɛ. Mɔ fɛɛ mɔ ni tsuuu jalɛnii lɛ, ejɛɛɛ Nyɔŋmɔ mli, nakai nɔŋŋ ji mɔ ni sumɔɔɔ enyɛmi hu.

1 Yohane 3:5

Ni nyɛle akɛ Kristo jie ehe kpo, koni ewo wɔhe eshai kɛya; ni esha ko bɛ emli.

1 Yohane 5:19

Wɔle akɛ wɔjɛ Nyɔŋmɔ mli, ni jeŋ muu lɛ fɛɛ yɛ efɔŋ nɔyeli shishi.

Yuda 1:6

Ni ŋwɛi bɔfoi hu ni ehiɛɛɛ amɛnukpayeli lɛ mli, shi moŋ amɛshi amɛ diɛŋtsɛ amɛshihilɛhe lɛ, ekɛ naanɔ kpãi efimɔ amɛ eto duŋ kpii mli ehã Gbi Wulu lɛ nɔ kojomɔ lɛ.

Kpojiemɔ 20:10

Ni abonsam lɛ ni shishiuɔ amɛ lɛ, ashɛ lɛ afɔ̃ la kɛ swɔɔ kpaakpo lɛ mli, he ni kooloo lɛ kɛ amale gbalɔ lɛ hu yɔɔ lɛ, ni aaapiŋ amɛ nyɔɔŋ kɛ shwane kɛaatee naanɔi anaanɔ.

Kpojiemɔ 20:15

Ni kɛji mɔ ko yɛ ni anãaa akɛ aŋma egbɛi yɛ wala wolo lɛ mli lɛ, ashɛɔ lɛ afɔ̃ɔ la kpaakpo lɛ mli.