1 Yohane 3:2 - ŊMALƐ KRƆŊKRƆŊ LƐ

² Suɔmɔmɛi, agbɛnɛ lɛ Nyɔŋmɔ bii ji wɔ, ni anako ajie nɔ ni wɔbaatsɔ̃mɔ lɛ shi; shi wɔle akɛ, be ni aaajie no shi lɛ, wɔɔtamɔ Kristo, ejaakɛ wɔɔna lɛ bɔ ni eyɔɔ.

Ṅmãle̱ Kroṅkroṅ Le̱

² Suomo̱mei, agbe̱ne̱ le̱ Nyoṅmo̱ bii dšiwo̱, ni anáko adšie noni wo̱batšõmo̱ le̱ ši; ši *wo̱le ake̱, beni aadšie ši le̱, wo̱o̱tamo̱le̱, edšake̱ wo̱o̱nale̱ bo̱ni eyo̱ le̱. *Rom 8,17 Kol. 3,4.

1 Yohane 3:2 ပူးပေါင်းရင်းမြစ်များ

Hiob 19:26

ni kɛji mihewolo hiɛ kpãtã nɛkɛ sɛɛ, ni heloo bɛ mihe lɛ, mana Nyɔŋmɔ.

Lalai 16:11

Bo otsɔ̃ɔ mi wala gbɛ. Ohiɛ lɛ, miishɛɛ sɔŋŋ; ni mimii eshɛ kɛmiiya naanɔ.

Lalai 17:15

Mi lɛ, mana ohiɛ, yɛ jalɛ mli; ni kɛ mihiɛ tsɛ̃ lɛ, mitsui aaatɔ, ejaakɛ mina bɔ ni oyɔɔ.

Lalai 31:19

Oo, kwɛ bɔ ni omlihilɛ ni oyɔɔ kɛhã mɛi ni sheɔ bo gbeyei lɛ fa babaoo hã. Ojieɔ otsɔ̃ɔ mɛi ni baa bo abo lɛ yɛ gbɔmɛi ahiɛ.

Yesaia 56:5

maha amɛna gbɛi yɛ miSɔlemɔ we lɛ kɛ mimaŋbii lɛ ateŋ, gbɛi ni hi fe bihii kɛ biyei. Maha amɛna gbɛi ni baahi shi kɛya naanɔ fɛɛ, ni agbeŋ kɔkɔɔkɔ.

Maleaki 3:2

Shi namɔ baanyɛ ekpee ebaa lɛ naa? Ni namɔ aaanyɛ shi adamɔ be ni eeebapue lɛ? Ejaakɛ etamɔ niiahetsuulɔ la loo niiahefɔlɔ samla.

Mateo 5:8

“Ajɔɔ mɛi ni tsuii amli tse lɛ; shi amɛaana Nyɔŋmɔ.”

Luka 17:30

Nakai nɔŋŋ kɛ̃ ebaaba gbi ni aaajie Gbɔmɔ Bi lɛ kpo lɛ.

Luka 20:36

ni asaŋ amɛnyɛŋ amɛgboi dɔŋŋ, ejaakɛ amɛtamɔ ŋwɛi bɔfoi; ni Nyɔŋmɔ bii ji amɛ, ejaakɛ shitee lɛ bii ji amɛ.

Yohane 1:12

Shi mɛi abɔ ni here lɛ, ni amɛhe egbɛi lɛ nɔ amɛye lɛ, ehã amɛ hegbɛ akɛ amɛtsɔ̃mɔ Nyɔŋmɔ bii,

Yohane 11:52

ni jeee yɛ maŋ lɛ najiaŋ hewɔ kɛkɛ, shi bɔ ni afee ni ebua Nyɔŋmɔ bii ni egbɛ eshwã lɛ hu naa efee kuu kome.

Yohane 17:24

Ataa, mɛi ni okɛhã mi lɛ, miisumɔ akɛ he ni miyɔɔ lɛ amɛkɛ mi abahi jɛi, koni amɛna minunyam ni okɛhã mi lɛ, ejaakɛ osumɔ mi dani ato je lɛ shishi.

Romabii 8:16

Lɛ Mumɔ lɛ diɛŋtsɛ kɛ wɔmumɔ lɛ yeɔ odase akɛ Nyɔŋmɔ bii ji wɔ.

Romabii 8:18

Ejaakɛ misusuɔ akɛ ŋmɛnɛŋmɛnɛ amanehului lɛ kɛ anunyam ni wɔsɛɛ abaajie kpo atsɔ̃ɔ wɔ lɛ yeee egbɔ.

Romabii 8:19

Ejaakɛ bɔɔnii lɛ kɛ gbɛkwɛmɔ kpɛ̃kpɛ̃ɛkpɛ̃ miimɛ Nyɔŋmɔ bii lɛ akpojiemɔ lɛ.

Romabii 8:29

Ejaakɛ mɛi ni ele amɛ eto momo lɛ, amɛ ejie eto ni amɛsubaŋ atamɔ eBi lɛ nɔ lɛ, koni efee nyɛmimɛi pii ateŋ kromɔbi.

1 Korintobii 13:12

Ejaakɛ amrɔ nɛɛ ashwishwɛ mli wɔtsɔ̃ɔ wɔnaa nii tuutuu, shi no mli lɛ eeefee hiɛ kɛ hiɛ; amrɔ nɛɛ mile nii fã kɛ fã, shi no mli lɛ, male nii kɛyi shi tamɔ bɔ ni ale mi kɛyi shi lɛ.

1 Korintobii 15:49

Ni tamɔ bɔ ni wɔhiɛ mɔ ni jɛ su mli lɛ subaŋ lɛ, nakai nɔŋŋ wɔbaahiɛ ŋwɛinyo lɛ hu subaŋ.

1 Korintobii 2:9

shi moŋ tamɔ bɔ ni aŋma lɛ, “Nii ni hiŋmɛi enako ni toi hu nuko ni ebako gbɔmɔ ko tsuiŋ dã ji nii ni Nyɔŋmɔ esaa eto mɛi ni sumɔɔ lɛ lɛ.”

2 Korintobii 3:18

Shi wɔ fɛɛ ni wɔkɛ hiɛ kpetekplee kwɛɔ Nuŋtsɔ lɛ anunyam lɛ tamɔ akwɛɔ ashwishwɛ mli lɛ, wɔmiitsake wɔmiitsɔ̃mɔ nakai subaŋ lɛ nɔŋŋ kɛmiijɛ anunyam mli kɛmiiya anunyam mli, tamɔ bɔ ni ejeɔ Nuŋtsɔ ni ji Mumɔ lɛ ŋɔɔ lɛ.

2 Korintobii 4:17

Ejaakɛ wɔmanehulu ni jaraaa ni asaŋ esɛɛ etsɛɛɛ nɛɛ, baahã wɔna naanɔ anunyam kpele ni jara wa aahu;

Galatabii 3:26

Ejaakɛ nyɛ fɛɛ lɛ Nyɔŋmɔ bii ji nyɛ yɛ Kristo Yesu mli kɛtsɔ̃ hemɔkɛyeli lɛ nɔ;

Galatabii 4:6

Shi akɛni bii ji nyɛ hewɔ lɛ, Nyɔŋmɔ tsu eBi lɛ Mumɔ lɛ kɛba nyɛtsuii amli, ni eboɔ akɛ, “Aba, Ataa!”

Filipibii 3:21

Lɛ ebaatsake wɔgbɔmɔtso ni hiɛ bɛ nyam lɛ koni etamɔ enunyam gbɔmɔtso lɛ su, yɛ ehewalɛ nitsumɔ ni ekɛnyɛɔ eŋɔɔ nibii fɛɛ ewoɔ eshishi hu lɛ naa lɛ.

Kolosebii 3:4

Be ni Kristo, mɔ ni ji wɔwala lɛ, aaapue lɛ, no lɛ nyɛ hu nyɛkɛ lɛ aaapue yɛ anunyam mli.

Hebribii 9:28

nakai nɔŋŋ Kristo hu, akɛni aŋɔ lɛ ahã shi kome koni etere mɛi pii ahe eshai kɛya lɛ, nɔ ni ji shii enyɔ lɛ eeeshi esha ebapue ehã mɛi ni kwɛɔ lɛ gbɛ lɛ ni ehere amɛyiwala.

2 Petro 1:4

Ni etsɔ̃ nii nɛɛ anɔ hu ekɛ shiwoi kpeleikpelei ni jara wa lɛ eke wɔ, koni nyɛtsɔ̃ nɔ nyɛjo je nɛɛŋ fitemɔ ni yɔɔ akɔnɔ mli lɛ naa foi ni nyɛna Nyɔŋmɔ su lɛ eko.

1 Yohane 2:28

Ni agbɛnɛ, mibii bibii, nyɛhia emli koni be ni eeebapue lɛ, wɔna ekãa ni wɔhiɛ akagboi ni wɔnyɛɛɛ ehiɛ wɔdamɔ yɛ ebaa lɛ mli.

1 Yohane 2:7

Suɔmɔmɛi, jeee kitã hee ko miŋmaa nyɛ nɛɛ, shi moŋ kitã momo ni nyɛyɔɔ kɛjɛ shishijee lɛ. Kitã momo lɛ ji wiemɔ ni nyɛnu lɛ.

1 Yohane 3:1

Nyɛkwɛa suɔmɔ bɔ sɔŋŋ ni Tsɛ lɛ kɛsumɔ wɔ, akɛ atsɛ wɔ Nyɔŋmɔ bii, ni nakai wɔji! Enɛ hewɔ lɛ, je lɛ leee wɔ, ejaakɛ eleee Nyɔŋmɔ.

1 Yohane 3:10

Enɛ mli Nyɔŋmɔ bii lɛ kɛ abonsam bii lɛ jieɔ amɛhe shi faŋŋ yɛ. Mɔ fɛɛ mɔ ni tsuuu jalɛnii lɛ, ejɛɛɛ Nyɔŋmɔ mli, nakai nɔŋŋ ji mɔ ni sumɔɔɔ enyɛmi hu.

1 Yohane 3:21

Kɛji wɔtsui ebuuu wɔ fɔ lɛ, wɔnaa ekaã yɛ Nyɔŋmɔ hiɛ.

1 Yohane 5:1

Mɔ fɛɛ mɔ ni heɔ yeɔ akɛ Yesu ji Kristo lɛ, Nyɔŋmɔ fɔ lɛ. Ni mɔ fɛɛ mɔ ni sumɔɔ mɔ ni fɔ lɛ lɛ, esumɔɔ mɔ ni efɔ lɛ hu.

Kpojiemɔ 2:28

ni maŋɔ tooloo lɛ mahã lɛ.

Kpojiemɔ 22:4

ni amɛaana ehiɛ, ni egbɛi lɛ aaahi amɛhiɛŋtsei anɔ.