1 Yohane 3:16 - ŊMALƐ KRƆŊKRƆŊ LƐ

¹⁶ Enɛ mli wɔyoɔ suɔmɔ lɛ yɛ, akɛ ekɛ ewala ŋmɛ shi yɛ wɔhewɔ, ni sa akɛ wɔ hu wɔ kɛ wɔwala ŋmɛɔ shi yɛ wɔnyɛmimɛi ahewɔ.

Ṅmãle̱ Kroṅkroṅ Le̱

¹⁶ Ene̱ mli wo̱yoo̱ suomo̱ le̱ ye̱, ake̱ eṅõ ewala eṅmē ši ye̱ wo̱hewo̱, ni sa ake̱ wo̱ hũ wo̱ke̱ wo̱wala ṅmẽo̱ ši ye̱ wo̱nyemimei ahe̱wo̱. Ioh 15,13.

1 Yohane 3:16 ပူးပေါင်းရင်းမြစ်များ

Mateo 20:28

Tamɔ bɔ ni Gbɔmɔ Bi lɛ baaa ni asɔmɔ lɛ, shi eba sɔ̃ɔmɔ moŋ ni ekɛ esusuma lɛ ahã yɛ mɛi pii akpɔ̃mɔ hewɔ lɛ.”

Yohane 10:11

“Mi ji tookwɛlɔ kpakpa lɛ. Tookwɛlɔ kpakpa lɛ kɛ ewala ŋmɛɔ shi yɛ etoi lɛ anajiaŋ.

Yohane 10:15

tamɔ bɔ ni Tsɛ lɛ le mi, ni mi hu mile Tsɛ lɛ. Ni mikɛ miwala ŋmɛɔ shi yɛ toi lɛ anajiaŋ.

Yohane 13:34

Kitã hee mikɛhãa nyɛ akɛ, Nyɛsumɔsumɔa nyɛhe.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Bɔfoi 20:28

No hewɔ lɛ, nyɛlea nyɛhenɔkwɛmɔ kɛ toiku lɛ fɛɛ ni Mumɔ Krɔŋkrɔŋ lɛ ewo nyɛ amɛnɔkwɛlɔi lɛ, koni nyɛlɛ Nyɔŋmɔ asafo lɛ ni ekɛ lɛ diɛŋtsɛ elá he lɛ.

Romabii 16:4

amɛkɛ amɛhe wo gbele mli yɛ miyiwala hewɔ, ni jeee mi kɛkɛ midaa amɛ shi, shi moŋ jeŋmaji lɛ amli asafoi lɛ fɛɛ hu daa amɛ shi.

Romabii 5:8

Shi Nyɔŋmɔ jieɔ lɛ diɛŋtsɛ esuɔmɔ ni ekɛsumɔ wɔ lɛ shi etsɔ̃ɔ, akɛ be mli ni wɔji eshafeelɔi lɛ beebe ni Kristo bagbo yɛ wɔnajiaŋ.

2 Korintobii 4:12

No hewɔ lɛ, agbɛnɛ gbele tsuɔ nii yɛ wɔmli, shi nyɛ lɛ, wala tsuɔ nii yɛ nyɛmli.

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Efesobii 5:25

Nyɛ wumɛi lɛ, nyɛsumɔa nyɛŋamɛi, tamɔ bɔ ni Kristo hu sumɔ asafo lɛ ni ekɛ lɛ diɛŋtsɛ ehe hã yɛ ehewɔ,

Filipibii 2:17

Shi kɛji afɔse milá ashwie nyɛhemɔkɛyeli ni akɛhãa Nyɔŋmɔ akɛ afɔle lɛ nɔ tete lɛ, miyɛ he tsuijurɔ, ni mikɛ nyɛ fɛɛ aaana tsuijurɔ;

Filipibii 2:30

ejaakɛ Kristo nitsumɔ lɛ hewɔ lɛ ebɛŋkɛ gbele kwraa, ni ekɛ ehe wo osharã mli, koni ebaye nyɛnajiaŋ kɛsɔ̃mɔ mi yɛ sɔ̃ɔmɔ ni ehiii nyɛ sɔ̃ɔmɔ lɛ hewɔ.

1 Tesalonikabii 2:8

Ni akɛni wɔsumɔɔ nyɛ jogbaŋŋ nɛkɛ hewɔ lɛ, wɔna he tsui akɛ jeee Nyɔŋmɔ Sanekpakpa lɛ kɛkɛ wɔkɛaahã nyɛ, shi moŋ wɔ diɛŋtsɛ wɔwala tete, ejaakɛ wɔmiisumɔ nyɛ naakpa.

Tito 2:13

be mli ni wɔmiikwɛ jɔɔmɔ ni wɔhiɛ kã nɔ kɛ wɔNyɔŋmɔ kpeteŋkple kɛ wɔyiwalaherelɔ Yesu Krito anunyam lɛ puemɔ lɛ gbɛ lɛ.

1 Petro 1:18

Ejaakɛ nyɛle akɛ jeee nibii ni fiteɔ, tamɔ jwiɛtɛi loo shika, akɛkpɔ̃ nyɛ kɛjɛ nyɛyaka jeŋba ni nyɛna kɛjɛ nyɛtsɛmɛi lɛ aŋɔɔ lɛ mli;

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

1 Yohane 2:6

Mɔ ni kɛɔ akɛ eyɛ emli lɛ, sa akɛ enyiɛ tamɔ bɔ ni lɛ hu enyiɛɔ lɛ nɔŋŋ.

1 Yohane 2:9

Mɔ ni kɛɔ akɛ eyɛ la lɛ mli ni enyɛ̃ɔ enyɛmi lɛ, eyɛ duŋ lɛ mli lolo.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.