1 Yohane 3:13 - ŊMALƐ KRƆŊKRƆŊ LƐ

¹³ Anyɛmimɛi, kɛji je lɛ miinyɛ nyɛ lɛ, nyɛhiɛ akafea nyɛ yaa.

Ṅmãle̱ Kroṅkroṅ Le̱

¹³ Anyemimei, ké̱ dše le̱ mīnye̱nye le̱, nyehīe akafeanye yā, Mat. 5,11, Ioh, 15,18. 19.

1 Yohane 3:13 ပူးပေါင်းရင်းမြစ်များ

Yohane 17:14

Mikɛ owiemɔ lɛ ehã amɛ, ni je lɛ miinyɛ amɛ, ejaakɛ amɛjɛɛɛ je lɛ mli, tamɔ bɔ ni mi hu mijɛɛɛ je lɛ mli lɛ.

Luka 21:17

ni mɛi fɛɛ aaanyɛ nyɛ yɛ migbɛi lɛ hewɔ.

Yakobo 4:4

Gbãlãfitelɔi! Nyɛleee akɛ naanyo ni akɛ je lɛ bɔɔ lɛ Nyɔŋmɔ nyɛɛ ni lo? No hewɔ lɛ, mɔ fɛɛ mɔ ni sumɔɔ akɛ ekɛ je lɛ abɔ naanyo lɛ etsɔ̃ Nyɔŋmɔ henyɛlɔ.

2 Timoteo 3:12

Shi mɛi fɛɛ hu ni taoɔ akɛ amɛaahi shi yɛ Nyɔŋmɔ gbeyeishemɔ naa yɛ Kristo Yesu mli lɛ, aaawa amɛyi.

Marko 13:13

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛwulaa shi lɛ, aaahere eyiwala.”

Romabii 8:7

Heloo jwɛŋmɔ lɛ, Nyɔŋmɔ nyɛɛ ni, akɛni ebaaa ehe shi ehãaa Nyɔŋmɔ Mla lɛ, ni esaa enyɛŋ tete lɛ;

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Yohane 7:7

Je lɛ nyɛɛɛ nyɛ anyɛ; shi mi lɛ enyɛɔ mi, ejaakɛ miyeɔ ehe odase akɛ enitsumɔi lɛ nitsumɔi fɔ̃ji ni.

Luka 6:22

“Ajɔɔ nyɛ, kɛji mɛi nyɛ nyɛ, ni amɛkɛ nyɛ tserɛ mli, ni amɛjɛ nyɛ ni amɛgbe nyɛgbɛi akɛ gbɛi fɔ̃ŋ yɛ Gbɔmɔ Bi lɛ hewɔ lɛ.

Mateo 24:9

Nakai be lɛ mli lɛ amɛaaŋɔ nyɛ amɛwo amanehulu mli, ni amɛaagbe nyɛ; ni migbɛi lɛ hewɔ lɛ jeŋmaji fɛɛ aaanyɛ nyɛ.

Mateo 10:22

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛyawulaa shi lɛ, aaahere eyiwala.

Jajelɔ 5:8

Kɛji ona akɛ aawa ohiafo ko yi, asaŋ aatsɔ̃ jalɛ saneyeli hiɛ aaabu shi, ni afeee nɔ ni ja yɛ shikpɔŋ ko nɔ lɛ, kaahã enɛ miifee bo naakpɛɛ, ejaakɛ tsulɔnukpa lɛ, tsulɔnukpa ko ni fe lɛ yɛ ni kwɛɔ enɔ, ni tsulɔi krokomɛi hu yɛ lolo ni amɛgbɛnaa kwɔlɔ fe klɛŋklɛŋ tsulɔi lɛ.

Bɔfoi 3:12

Be ni Petro na enɛ lɛ, ekɛɛ maŋ lɛ akɛ, “Nyɛ Israelhii, mɛɛba nyɛhiɛ feɔ nyɛ yaa yɛ enɛ hewɔ, aloo mɛɛba nyɛkwɛɔ wɔ gãa nɛkɛ, tamɔ nɔ ni wɔ diɛŋtsɛ wɔhewalɛ loo wɔNyɔŋmɔjamɔ wɔkɛhã nuu nɛɛ nyiɛɔ nɛɛ?

Yohane 16:2

Amɛaashwie nyɛ kɛaajɛ kpeehei lɛ. Ni be baaba tete, ni mɔ fɛɛ mɔ ni gbeɔ nyɛ lɛ aaasusu akɛ ekɛmiija Nyɔŋmɔ.

Yohane 3:7

Ohiɛ akafee bo yaa akɛ mikɛɛ bo akɛ, ‘ja ajɛ ŋwɛi afɔ nyɛ’ lɛ.

Kpojiemɔ 17:7

Ni bɔfo lɛ kɛɛ mi akɛ, “Mɛɛ hewɔ onaa ekpɛ ohe? Mibagba bo yoo lɛ kɛ kooloo ni eta nɔ ni yɔɔ yitsei kpawo kɛ akloŋtoi nyɔŋma lɛ ahe teemɔ sane lɛ.

Abe̱i 29:27

Jalɔi miihi mɛi fɔ̃ji; ni mɛi fɔ̃ji hu miihi jalɔi.