1 Yohane 3:12 - ŊMALƐ KRƆŊKRƆŊ LƐ

¹² Jeee tamɔ Kain ni jɛ mɔ fɔŋ lɛ mli ni egbe enyɛmi lɛ. Ni mɛɛ hewɔ egbe lɛ? Ejaakɛ enitsumɔi lɛ efɔ̃ɔji ni, shi enyɛmi lɛ nɔ lɛ ja.

Ṅmãle̱ Kroṅkroṅ Le̱

¹² dšee tamo̱ bo̱ni Kain dše̱ mofōṅ le̱ mli ni egbe enyemi le̱; ni mẽhewo̱ egbele̱ le̱? edšake̱ le̱die̱ntše̱ enitšumo̱i le̱ efõdši ni, ši enyemi le̱ nõ le̱ dša. 1 Mose 4,8.

1 Yohane 3:12 ပူးပေါင်းရင်းမြစ်များ

1 Mose 4:25

Adam kɛ eŋa Hawa na bɔlɛ ekoŋŋ, ni Hawa fɔ binuu, ni Hawa wo lɛ Set, ejaakɛ ekɛɛ, “Nyɔŋmɔ kɛ bi kroko eto mibi Habel ni Kain gbe lɛ lɛ najiaŋ.”

2 Samuel 13:22

Absalom nyɛ Amnon waa diɛŋtsɛ yɛ enyɛbiyoo Tamar ni Amnon mɔ lɛ lɛ hewɔ; shi moŋ ejieee dɔlɛ lɛ kpo etsɔ̃ɔɔ Amnon.

Lalai 37:12

Mɛi fɔ̃ji kpãŋɔ jalɔi ayinɔ, ni amɛkpeɔ amɛnyanyɔjiashi amɛwoɔ amɛ;

Lalai 38:20

Mɛi ni ŋɔɔ efɔŋ toɔ ekpakpa ni mifeɔ najiaŋ lɛ, ete shi ewo mi; ejaakɛ mi lɛ, mifeɔ ekpakpa.

Abe̱i 27:4

Mlila yi wa, ni mlifu tamɔ faa ni esram nɔ; shi namɔ aaanyɛ awuŋayeli hiɛ adamɔ?

Abe̱i 29:10

Lashishwielɔi nyɛɔ mɔ ni tɔ̃mɔ ko bɛ ehe; ni efɔŋfeelɔi taoɔ egbele.

Abe̱i 29:27

Jalɔi miihi mɛi fɔ̃ji; ni mɛi fɔ̃ji hu miihi jalɔi.

Mateo 13:19

Mɔ fɛɛ mɔ ni nuɔ maŋtsɛyeli lɛ he wiemɔ lɛ ni eyooo sɛɛ lɛ, mɔ fɔŋ lɛ baa bashaa nɔ ni adu yɛ etsui mli lɛ. Mɔ nɛ ji gbɛ he he ni adu wu lɛ yɛ lɛ.

Mateo 13:38

ŋmɔ lɛ ji je lɛ; wui kpakpai lɛ ji maŋtsɛyeli lɛ mli bii lɛ; jwɛi lɛ ji mɔ fɔŋ lɛ bii lɛ;

Mateo 23:35

Bɔ ni afee ni jalɔi alá fɛɛ ni ashwie shi yɛ shikpɔŋ lɛ nɔ kɛjɛ Abel, jalɔ lɛ, lá lɛ nɔ kɛbashi Zakaria, Barakia bi lɛ, ni nyɛgbe lɛ yɛ Sɔlemɔtsu lɛ kɛ afɔleshãa latɛ lɛ teŋ lɛ lá lɛ nɔ lɛ aba nyɛnɔ.

Mateo 27:23

Ni Amralo lɛ kɛɛ, “Mɛɛ efɔŋ efee?” Shi amɛbolɔ waa moŋ fe tsutsu lɛ amɛkɛɛ, “Hã ni asɛŋ lɛ!”

Mateo 5:37

Shi nyɛhãa nyɛwiemɔ afea: ‘Hɛɛ, hɛɛ!’ ‘Dabi, dabi!’ Shi nɔ ni fe enɛɛmɛi lɛ ejɛ mɔ fɔŋ lɛ mli.”

Luka 11:51

kɛjɛ Habel lá lɛ nɔ kɛyashi Zakaria, mɔ ni agbe lɛ yɛ afɔleshãa latɛ lɛ kɛ Sɔlemɔtsu lɛ te lɛ mli lɛ, lá lɛ nɔ. Hɛɛ, miikɛɛ nyɛ akɛ, aaabi shi yɛ nɛkɛ yinɔbii nɛɛ adɛŋ!

Yohane 10:32

Yesu here amɛ nɔ akɛ, “Mitsɔ̃ɔ nyɛ nitsumɔi kpakpai pii ni jɛ miTsɛ ŋɔɔ; te nakai nitsumɔi lɛ ateŋ nɔ hewɔ ni nyɛtaoɔ mi tɛi nyɛtswia nɛɛ?”

Yohane 8:40

Shi agbɛnɛ nyɛmiitao mi nyɛgbe, mi gbɔmɔ ko ni mikɛɛ nyɛ anɔkwale ni minu yɛ Nyɔŋmɔ naa lɛ; Abraham efeee enɛ.

Yohane 8:41

Nyɛ lɛ, nyɛtsɛ nitsumɔi nyɛtsuɔ lɛ.” Kɛkɛ lɛ amɛkɛɛ lɛ akɛ, “Wɔ lɛ afɔɔɔ wɔ yɛ ajwamãŋbɔɔ mli; Tsɛ kome wɔyɔɔ, lɛ ji Nyɔŋmɔ.”

Bɔfoi 7:52

Gbalɔi lɛ ateŋ namɔ ni nyɛtsɛmɛi lɛ waaa lɛ yi? Amɛgbe mɛi ni gba yɛ jalɔ lɛ baa lɛ he amɛto lɛ. Ni agbɛnɛ nyɛ nyɛtsɔ̃ɔ esɛɛgbɛ ni nyɛgbe lɛ,

1 Tesalonikabii 2:14

Ejaakɛ nyɛ lɛ, anyɛmimɛi, nyɛtsɔ̃mɔ mɛi ni kaseɔ Nyɔŋmɔ asafoi ni yɔɔ Yudea yɛ Kristo Yesu mli lɛ, ejaakɛ amanehului ni nyɛna yɛ nyɛ diɛŋtsɛ nyɛmaŋbii lɛ adɛŋ lɛ, no nɔŋŋ amɛ hu amɛna yɛ Yudafoi lɛ adɛŋ;

Hebribii 11:4

Hemɔkɛyeli Habel kɛshã afɔle ni fe Kain nɔ lɛ ehã Nyɔŋmɔ, no hewɔ hu ni aye ehe odase akɛ jalɔ ji lɛ lɛ; ejaakɛ Nyɔŋmɔ he enikeenii lɛ; ni no nɔŋŋ nɔ etsɔ̃ɔ ewieɔ lolo, tsɛ egbo.

Hebribii 12:24

kɛ kpãŋmɔ hee mlidaamɔlɔ Yesu lɛ, kɛ lá ni atsɔ ashwã ni wieɔ wiemɔ kpakpa fe Habel nɔ lɛ, aŋɔɔ.

1 Petro 4:4

Ni agbɛnɛ ni nyɛhe etswaaa shi nyɛkɛ amɛ eyaaa nɛkɛ shihilɛ gbonyo nɛɛ nɔŋŋ mli hewɔ lɛ, efeɔ amɛ naakpɛɛ ni amɛwieɔ nyɛhe musubɔɔ wiemɔi.

1 Yohane 3:8

Mɔ ni feɔ esha lɛ, ejɛ abonsam mli; ejaakɛ kɛjɛ shishijee beebe lɛ, abonsam feɔ esha. Enɛ hewɔ Nyɔŋmɔ Bi lɛ jie ehe kpo koni efite abonsam nitsumɔi lɛ.

Yuda 1:11

Kpoo hã amɛ! Ejaakɛ amɛkɔ Kain gbɛ lɛ, ni amɛkɔ shishiumɔ amɛfɔ̃ amɛnɔ tamɔ Bileam yɛ sɛɛnamɔ hewɔ, ni amɛhiɛ ekpãtã yɛ atuatsemɔ mli tamɔ Kora.

Kpojiemɔ 17:6

Ni mina yoo lɛ akɛ krɔŋkrɔŋbii lɛ alá lɛ kɛ Yesu he odasefoi lɛ alá lɛ etɔ lɛ dãa. Be ni mina lɛ lɛ, minaa kpɛ mihe naakpa.