1 Yohane 3:10 - ŊMALƐ KRƆŊKRƆŊ LƐ

¹⁰ Enɛ mli Nyɔŋmɔ bii lɛ kɛ abonsam bii lɛ jieɔ amɛhe shi faŋŋ yɛ. Mɔ fɛɛ mɔ ni tsuuu jalɛnii lɛ, ejɛɛɛ Nyɔŋmɔ mli, nakai nɔŋŋ ji mɔ ni sumɔɔɔ enyɛmi hu.

Ṅmãle̱ Kroṅkroṅ Le̱

¹⁰ Ene̱ mli Nyoṅmo̱ bii le̱ ke̱ abonsam bli le̱ dšie̱o̱ ame̱he ši faṅṅ ye̱, Mofẽmo ni tšuu dšale̱nii le̱, edše̱e̱ Nyoṅmo̱ mli, ke̱ moni sumo̱o̱ enyemi hũ.

1 Yohane 3:10 ပူးပေါင်းရင်းမြစ်များ

2 Samuel 13:22

Absalom nyɛ Amnon waa diɛŋtsɛ yɛ enyɛbiyoo Tamar ni Amnon mɔ lɛ lɛ hewɔ; shi moŋ ejieee dɔlɛ lɛ kpo etsɔ̃ɔɔ Amnon.

Mateo 13:38

ŋmɔ lɛ ji je lɛ; wui kpakpai lɛ ji maŋtsɛyeli lɛ mli bii lɛ; jwɛi lɛ ji mɔ fɔŋ lɛ bii lɛ;

Luka 6:35

Moŋ nyɛsumɔa nyɛhenyɛlɔi, ni nyɛfea ejurɔ, ni nyɛfaa ni nyɛhiɛ kãaa nɔ ko nɔ dɔŋŋ, ni nyɛnyɔmɔwoo aaafa, ni nyɛaatsɔ̃mɔ Ŋwɛinyo lɛ bii, shi lɛ lɛ emli hi hã trumui kɛ mɛi fɔ̃ji.

Yohane 1:12

Shi mɛi abɔ ni here lɛ, ni amɛhe egbɛi lɛ nɔ amɛye lɛ, ehã amɛ hegbɛ akɛ amɛtsɔ̃mɔ Nyɔŋmɔ bii,

Yohane 11:52

ni jeee yɛ maŋ lɛ najiaŋ hewɔ kɛkɛ, shi bɔ ni afee ni ebua Nyɔŋmɔ bii ni egbɛ eshwã lɛ hu naa efee kuu kome.

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

Yohane 8:47

Mɔ ni jɛ Nyɔŋmɔ mli lɛ, enuɔ Nyɔŋmɔ wiemɔi; no hewɔ ni nyɛ lɛ nyɛnuuu lɛ, ejaakɛ nyɛjɛɛɛ Nyɔŋmɔ mli.”

Bɔfoi 13:10

ni ekɛɛ, “Ao, bo abonsam bi ni shishiumɔ kɛ kutumpɔo fɛɛ eyi bo obɔ̃, bo jalɛ fɛɛ henyɛlɔ, aso ofɔŋ Nuŋtsɔ lɛ gbɛi trɔmɔi lɛ akɔdɔmɔ̃?

Romabii 13:8

Nyɛkahiɛa mɔ ko mɔ ko nyɔmɔ, akɛ ja suɔmɔ ni nyɛkɛaasumɔsumɔ nyɛhe lɛ; ejaakɛ mɔ ni sumɔɔ enaanyo lɛ eye Mla lɛ nɔ kɛwula shi.

Efesobii 5:1

No hewɔ lɛ, nyɛfea nyɛhe mɛi ni kaseɔ Nyɔŋmɔ, akɛ bii ni asumɔɔ.

Kolosebii 3:14

Shi enɛɛmɛi fɛɛ sɛɛ lɛ nyɛwoa suɔmɔ ni ji kpãa ni fiɔ nibii fɛɛ feɔ lɛ ekome ni ehãa eyeɔ emuu lɛ.

1 Timoteo 1:5

Shi ŋaawoo lɛ oti ji suɔmɔ ni jɛ tsui ni mli tse kɛ henilee kpakpa kɛ hemɔkɛyeli ni osato ko bɛ mli lɛ mli.

1 Yohane 2:29

Kɛji nyɛle akɛ jalɔ ji lɛ lɛ, nyɛnaa nyɛlea akɛ mɔ fɛɛ mɔ ni tsuɔ jalɛnii lɛ afɔ lɛ kɛjɛ emli.

1 Yohane 3:1

Nyɛkwɛa suɔmɔ bɔ sɔŋŋ ni Tsɛ lɛ kɛsumɔ wɔ, akɛ atsɛ wɔ Nyɔŋmɔ bii, ni nakai wɔji! Enɛ hewɔ lɛ, je lɛ leee wɔ, ejaakɛ eleee Nyɔŋmɔ.

1 Yohane 3:2

Suɔmɔmɛi, agbɛnɛ lɛ Nyɔŋmɔ bii ji wɔ, ni anako ajie nɔ ni wɔbaatsɔ̃mɔ lɛ shi; shi wɔle akɛ, be ni aaajie no shi lɛ, wɔɔtamɔ Kristo, ejaakɛ wɔɔna lɛ bɔ ni eyɔɔ.

1 Yohane 4:21

Ni nɛkɛ kitã nɛɛ wɔna kɛjɛ eŋɔɔ, koni mɔ ni sumɔɔ Nyɔŋmɔ lɛ asumɔ enyɛmi hu.

1 Yohane 4:6

Wɔ lɛ, Nyɔŋmɔ mli wɔjɛ; mɔ ni le Nyɔŋmɔ lɛ, eboɔ wɔ toi mɔ ni jɛɛɛ Nyɔŋmɔ mli lɛ, ebooo wɔ toi. No wɔkɛyoɔ anɔkwale mumɔ lɛ kɛ shishiumɔ mumɔ lɛ.

1 Yohane 4:8

Mɔ ni sumɔɔɔ mɔ lɛ, eleee Nyɔŋmɔ; ejaakɛ Nyɔŋmɔ lɛ, suɔmɔ ji lɛ.

1 Yohane 5:19

Wɔle akɛ wɔjɛ Nyɔŋmɔ mli, ni jeŋ muu lɛ fɛɛ yɛ efɔŋ nɔyeli shishi.

1 Yohane 5:2

Kɛji wɔsumɔɔ Nyɔŋmɔ ni wɔyeɔ ekitãi lɛ anɔ lɛ, no wɔkɛleɔ akɛ wɔsumɔɔ Nyɔŋmɔ bii lɛ.

3 Yohane 1:11

Suɔlɔ, kaakase nɔ ni ji efɔŋ, shi kasemɔ nɔ ni ji ekpakpa moŋ. Mɔ ni feɔ ekpakpa lɛ, ejɛ Nyɔŋmɔ mli; mɔ ni feɔ efɔŋ lɛ, enako Nyɔŋmɔ.