1 Yohane 3:1 - ŊMALƐ KRƆŊKRƆŊ LƐ

¹ Nyɛkwɛa suɔmɔ bɔ sɔŋŋ ni Tsɛ lɛ kɛsumɔ wɔ, akɛ atsɛ wɔ Nyɔŋmɔ bii, ni nakai wɔji! Enɛ hewɔ lɛ, je lɛ leee wɔ, ejaakɛ eleee Nyɔŋmɔ.

Ṅmãle̱ Kroṅkroṅ Le̱

¹ yekwe̱a suomo̱ bo̱ so̱ṅṅ ni tše̱ le̱ éṅõ-sumo̱wo̱, ake̱ átšé̱wo̱ *Nyoṅmo̱ bii ni wo̱dši ne̱! Ene̱ hewo̱ le̱ dše le̱ leewo̱, †edšake̱ eleele̱ hũ. *Ioh. 1,12. 13 †Ioh. 16.3.

1 Yohane 3:1 ပူးပေါင်းရင်းမြစ်များ

2 Samuel 7:19

Ni kɛ̃lɛ enɛ jeee nɔ ko srɔto ko hã bo, Nuŋtsɔ Nyɔŋmɔ. Otsɔ̃ɔ wɔsɛɛ shɔŋŋ nibii ni baaba, mi otsulɔ, miwe lɛ nɔ hu. Nuŋtsɔ Nyɔŋmɔ, otsɔ̃ɔ mi shwiei ni mawo.

Lalai 31:19

Oo, kwɛ bɔ ni omlihilɛ ni oyɔɔ kɛhã mɛi ni sheɔ bo gbeyei lɛ fa babaoo hã. Ojieɔ otsɔ̃ɔ mɛi ni baa bo abo lɛ yɛ gbɔmɛi ahiɛ.

Yeremia 3:19

“Misusu he bɔ ni maŋɔ bo mashi mibii anɔ, ni mahã bo shikpɔŋ fɛɛfɛo, gboshinii ko ni yɔɔ fɛo fe majimaji fɛɛ anɔ. Ni efee mi akɛ oootsɛ mi akɛ, “Mitsɛ Ataa,” ni okpaleŋ yɛ misɛɛ dɔŋŋ;

Hosea 1:10

Shi kɛ̃lɛ Israelbii ayikulɛ aaatamɔ ŋshɔnaa shia ni anyɛŋ asusu aloo akane. Kɛji nakai be lɛ shɛ lɛ, he ni akɛɛ amɛ yɛ akɛ, ‘Nyɛjeee mimaŋ lɛ,’ jɛi nɔŋŋ abaakɛɛ amɛ yɛ akɛ, “Nyɔŋmɔ hiɛkãalɔ lɛ bii ji nyɛ.”

Luka 20:36

ni asaŋ amɛnyɛŋ amɛgboi dɔŋŋ, ejaakɛ amɛtamɔ ŋwɛi bɔfoi; ni Nyɔŋmɔ bii ji amɛ, ejaakɛ shitee lɛ bii ji amɛ.

Yohane 1:12

Shi mɛi abɔ ni here lɛ, ni amɛhe egbɛi lɛ nɔ amɛye lɛ, ehã amɛ hegbɛ akɛ amɛtsɔ̃mɔ Nyɔŋmɔ bii,

Yohane 11:52

ni jeee yɛ maŋ lɛ najiaŋ hewɔ kɛkɛ, shi bɔ ni afee ni ebua Nyɔŋmɔ bii ni egbɛ eshwã lɛ hu naa efee kuu kome.

Yohane 15:21

Shi amɛkɛ enɛɛmɛi fɛɛ aaafee nyɛ yɛ migbɛi lɛ hewɔ; ejaakɛ amɛleee mɔ ni tsu mi lɛ.

Yohane 16:3

Ni amɛaafee enɛɛmɛi, ejaakɛ amɛleee Tsɛ lɛ ni amɛleee mi hu.

Yohane 17:25

Ataa Jalɔ, je lɛ leee bo, shi mi lɛ mile bo, ni mɛnɛɛmɛi le akɛ bo otsu mi;

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Romabii 5:8

Shi Nyɔŋmɔ jieɔ lɛ diɛŋtsɛ esuɔmɔ ni ekɛsumɔ wɔ lɛ shi etsɔ̃ɔ, akɛ be mli ni wɔji eshafeelɔi lɛ beebe ni Kristo bagbo yɛ wɔnajiaŋ.

Romabii 8:19

Ejaakɛ bɔɔnii lɛ kɛ gbɛkwɛmɔ kpɛ̃kpɛ̃ɛkpɛ̃ miimɛ Nyɔŋmɔ bii lɛ akpojiemɔ lɛ.

Romabii 8:21

akɛ bɔɔnii lɛ diɛŋtsɛ hu abaahã amɛye amɛhe kɛjɛ fitemɔ ni yeɔ amɛ nyɔŋ lɛ shishi kɛya Nyɔŋmɔ bii lɛ anunyam heyeli lɛ mli.

Romabii 8:32

Lɛ mɔ ni kãmãaa wɔ lɛ diɛŋtsɛ eBi lɛ, shi moŋ ekɛ lɛ hã yɛ wɔ fɛɛ wɔnajiaŋ lɛ, ani eŋɔŋ nibii fiaa efataŋ ehe ekeŋ wɔ?

2 Korintobii 6:18

Ni matsɔ̃ nyɛtsɛ, ni nyɛ hu nyɛaatsɔ̃mɔ mibihii kɛ mibiyei,” Yehowa, Ofe lɛ, kɛɛ.

Galatabii 3:26

Ejaakɛ nyɛ fɛɛ lɛ Nyɔŋmɔ bii ji nyɛ yɛ Kristo Yesu mli kɛtsɔ̃ hemɔkɛyeli lɛ nɔ;

Galatabii 3:29

Shi kɛji Kristo nii ji nyɛ lɛ, belɛ Abraham shwiei ji nyɛ, kɛ gboshiniiyelɔi hu yɛ shiwoo lɛ naa.

5 Mose 14:1

“Yehowa, nyɛNyɔŋmɔ lɛ, bii ji nyɛ. No hewɔ lɛ, kɛji nyɛmiiye mɔ ko ni egbo he ŋkɔmɔ lɛ, nyɛkafolɔa nyɛhe gbɛ̃i, ni nyɛkashɛa nyɛhiɛnaa yɛ gbonyo lɛ hewɔ.

Kolosebii 3:3

Ejaakɛ nyɛgboi, ni akɛ nyɛwala lɛ kɛ Kristo etee yɛ Nyɔŋmɔ mli.

1 Yohane 3:10

Enɛ mli Nyɔŋmɔ bii lɛ kɛ abonsam bii lɛ jieɔ amɛhe shi faŋŋ yɛ. Mɔ fɛɛ mɔ ni tsuuu jalɛnii lɛ, ejɛɛɛ Nyɔŋmɔ mli, nakai nɔŋŋ ji mɔ ni sumɔɔɔ enyɛmi hu.

1 Yohane 3:2

Suɔmɔmɛi, agbɛnɛ lɛ Nyɔŋmɔ bii ji wɔ, ni anako ajie nɔ ni wɔbaatsɔ̃mɔ lɛ shi; shi wɔle akɛ, be ni aaajie no shi lɛ, wɔɔtamɔ Kristo, ejaakɛ wɔɔna lɛ bɔ ni eyɔɔ.

1 Yohane 4:17

Enɛ mli suɔmɔ lɛ eye emuu yɛ, yɛ wɔmli akɛ wɔɔna ekãa yɛ Kojomɔ Gbi lɛ nɔ, ejaakɛ bɔ ni eyɔɔ lɛ, nakai wɔ hu wɔyɔɔ yɛ je nɛɛ mli.

Kpojiemɔ 21:7

Kunimyelɔ lɛ aaatsɔ̃ nɛkɛ nii nɛɛ fɛɛ yelɔ, ni matsɔ eNyɔŋmɔ ni lɛ hu eeetsɔ̃ mibi.