1 Yohane 2:22 - ŊMALƐ KRƆŊKRƆŊ LƐ

²² Namɔ ji amalelɔ, kɛjeee mɔ ni kɛɔ akɛ Yesu jeee Kristo lɛ? Mɔ ni kwaa Tsɛ lɛ kɛ Bi lɛ, lɛ ji Kristo henyɛlɔ lɛ,

Ṅmãle̱ Kroṅkroṅ Le̱

²² Namo dši amalelo̱, ké̱ dšee moni kwaä ake̱ Iesu dši Kristo le̱? Moni kwaä tše̱ le̱ ke̱ bi le̱, le̱ dši antikristo le̱.

1 Yohane 2:22 ပူးပေါင်းရင်းမြစ်များ

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

Mateo 24:5

Ejaakɛ mɛi pii kɛ migbɛi aaabakɛɛ akɛ, ‘Mi ji Kristo lɛ!’ Ni amɛaalaka mɛi pii.

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

1 Yohane 1:6

Kɛji wɔkɛɛ akɛ wɔkɛ lɛ miibɔ naanyo ni wɔnyiɛɔ duŋ lɛ mli lɛ, wɔmiimale ni wɔyeee anɔkwa.

1 Yohane 2:18

Gbekɛbii, naagbee ŋmɛlɛtswaa lɛ nɛ; ni bɔ ni nyɛnu akɛ Kristo henyɛlɔ lɛ miiba lɛ, Kristo henyɛlɔi lɛ pii eba amrɔ nɛɛ, hewɔ lɛ wɔle akɛ naagbee ŋmɛlɛtswaa lɛ nɛ.

1 Yohane 2:23

Mɔ fɛɛ mɔ ni kwaa Bi lɛ, ebɛ Tsɛ lɛ hu; shi mɔ ni gbaa mli kpoo akɛ eheɔ Bi lɛ nɔ eyeɔ lɛ, eyɛ Tsɛ lɛ hu.

1 Yohane 2:4

Mɔ ni kɛɔ akɛ, “Mile lɛ,” ni eyeee ekitãi lɛ anɔ lɛ, amalelɔ ji lɛ, ni anɔkwale lɛ bɛ emli.

1 Yohane 4:20

Kɛji mɔ ko kɛɛ akɛ, “Miisumɔ Nyɔŋmɔ,” ni enyɛɔ enyɛmi lɛ, amalelɔ ji lɛ. Ejaakɛ mɔ ni sumɔɔɔ enyɛmi ni enaa lɛ lɛ, Nyɔŋmɔ ni enaaa lɛ lɛ, te aaafee tɛŋŋ ni eeenyɛ lɛ esumɔ hu?

1 Yohane 4:3

Ni mumɔ fɛɛ mumɔ ni ejajeee akɛ Yesu Kristo eba yɛ heloo mli lɛ, jeee Nyɔŋmɔ mli ejɛ, shi moŋ no ji Kristo henyɛlɔ lɛ mumɔ lɛ ni nyɛnu ehe akɛ eeba, ni agbɛnɛ tete eyɛ je lɛ mli momo lɛ.

1 Yohane 5:1

Mɔ fɛɛ mɔ ni heɔ yeɔ akɛ Yesu ji Kristo lɛ, Nyɔŋmɔ fɔ lɛ. Ni mɔ fɛɛ mɔ ni sumɔɔ mɔ ni fɔ lɛ lɛ, esumɔɔ mɔ ni efɔ lɛ hu.

2 Yohane 1:7

Ejaakɛ shishiulɔi pii eba je lɛ mli, mɛi ni ejajeee akɛ Yesu Kristo eba yɛ heloo mli. Mɔ nɛ ji shishiulɔ lɛ kɛ Kristo henyɛlɔ lɛ.

Yuda 1:4

Ejaakɛ gbɔmɛi komɛi eju shi ebabote wɔteŋ, mɛi ni blema beebe ajɛ aŋma amɛhe sane afɔ̃ shi ahã nɛkɛ kojomɔ nɛɛ, mɛi ni sheee Nyɔŋmɔ gbeyei ni ŋɔɔ wɔNyɔŋmɔ dromɔ lɛ amɛbɔɔ nyɛnyɛŋtswi, ni amɛkwaa Nyɔŋmɔ ni ji nɔyelɔ koome lɛ kɛ wɔNuŋtsɔ Yesu Kristo lɛ.

Kpojiemɔ 3:9

Naa, mikɛ mɛi ni jɛ Satan kpeehe lɛ ni kɛɔ akɛ Yudafoi ji amɛ shi ebɛ mli, shi malemɔ moŋ amɛmaleɔ lɛ aaaba ni amɛbakoto onaji anaa, ni amɛle akɛ mi lɛ miisumɔ bo.