1 Yohane 2:16 - ŊMALƐ KRƆŊKRƆŊ LƐ

¹⁶ ejaakɛ nɔ fɛɛ nɔ ni yɔɔ je lɛ mli lɛ — heloo lɛ sɛɛdiinii lɛ kɛ hiŋmɛii lɛ asɛɛdiinii lɛ kɛ shihilɛ mli hewoo lɛ — ejɛɛɛ Tsɛ lɛ mli, shi moŋ je lɛ mli ejɛ.

Ṅmãle̱ Kroṅkroṅ Le̱

¹⁶ edšake̱ nofẽno ni yo̱ dše le̱ṅ le̱, helo le̱ se̱dinii le̱ ke̱ hīṅme̱ii le̱ ase̱dinii le̱ ke̱ šihīle̱ le̱ mli hewō le̱, edše̱e̱ tše̱ le̱ mli, ši moṅ dše le̱ mli edše̱;

1 Yohane 2:16 ပူးပေါင်းရင်းမြစ်များ

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

1 Mose 6:2

Nyɔŋmɔ gbɔmɛi lɛ yana akɛ gbɔmɛi abiyei lɛ ahe yɛ fɛo, ni amɛŋɔŋɔɔ amɛteŋ yei fɛɛ ni amɛsumɔɔ.

Hiob 31:1

Mikã mihiŋmɛi kitã ni no hewɔ lɛ, te aaafee tɛŋŋ mahã oblayoo foro he afee mi akɔnɔ hu?

Lalai 73:6

No hewɔ lɛ, hewoo etsɔ̃ kuɛnii ni amɛwo, ni yiwaa ji amɛhebo.

Lalai 78:18

Amɛka Nyɔŋmɔ yɛ amɛtsuiiaŋ kɛ niyenii ni baa amɛtsine ni amɛbi lɛ.

Lalai 78:30

Shi amɛtsinebaanii lɛ nako eje amɛtsine, amɛmiiye nii lɛ lolo,

Abe̱i 27:20

Bɔ ni gbohiiaje kɛ gbonyobu etɔko dã lɛ, nakai gbɔmɔ hiŋmɛi hu etɔko dã.

Abe̱i 6:25

Kaadi ehe fɛo sɛɛ yɛ otsui mli, ni kaahã ekɛ ehiɛsɛɛ miimɔ bo.

Daniel 4:30

ekɛɛ akɛ, “Kwɛ Babilon maŋ nɛɛ dalɛ. Mikɛ mihewalɛ tswa lɛ ma shi akɛ maŋtsɛmaŋ; ni eeye mihewalɛ lɛ kɛ agbojee he odase.”

4 Mose 11:34

Sane nɛɛ hã awo jɛi gbɛi akɛ Kibrot Hataava (eshishi ji Tsinebalɔi Agbonyobui), ejaakɛ jɛi ji he ni afu mɛi ni nii ba amɛtsine lɛ yɛ.

4 Mose 11:4

Maŋsɛɛbii komɛi ni futu Israelbii lɛ, amɛsuɔmɔnaanii kwraa ji loo; ni no hewɔ lɛ, loo bɔ̃i amɛtsine baa; ni asaŋ, Israelbii lɛ hu bɔ̃i amɛmli gbigblimɔ ekoŋŋ, ni amɛkɛɛ akɛ, “Nɛgbɛ po wɔɔna loo yɛ wɔye.

Mateo 4:8

Asaŋ abonsam lɛ ŋɔ lɛ kɛtee gɔŋ ni kwɔ somromoo ko nɔ, ni ekɛ jeŋ maŋtsɛyelii fɛɛ kɛ amɛnunyam lɛ tsɔ̃ɔ lɛ;

Mateo 5:28

Shi mi lɛ, miikɛɛ nyɛ akɛ, mɔ fɛɛ mɔ ni kwɛɔ yoo ni ehe feɔ lɛ akɔnɔ lɛ, ekɛ lɛ efite gbãlã momo yɛ etsui mli.

Luka 4:5

Ni abonsam ŋɔ lɛ kɛtee gɔŋ ko nɔ, ni ekɛ je nɛɛŋ maŋtsɛyelii lɛ fɛɛ tsɔ̃ɔ lɛ hiŋmɛitswaa;

Romabii 13:14

shi moŋ nyɛwoa Nuŋtsɔ Yesu Kristo tamɔ dama, ni nyɛkahãa heloo lɛ nɔ jwɛŋmɔ lɛ miitsɔ̃ heloo lɛ sɛɛdii.

1 Korintobii 10:6

Shi akɛ enɛɛmɛi eto wɔ okadi, koni wɔkahã nibii fɔ̃ji miifee wɔ akɔnɔ, tamɔ bɔ ni efee amɛ lɛ.

Galatabii 5:17

Ejaakɛ nii ni heloo lɛ taoɔ lɛ kɛ Mumɔ lɛ eyaaa, ni nii ni Mumɔ lɛ hu taoɔ lɛ kɛ heloo lɛ eyaaa; enɛɛmɛi kɛ amɛhe yeee, enɛ hewɔ lɛ nii ni nyɛsumɔɔ lɛ nyɛnyɛ̃ɛɛ nyɛfee.

Galatabii 5:24

Shi mɛi ni ji Kristo nii lɛ, amɛsɛŋ heloo lɛ kɛ ehiɛdɔɔnii kɛ ekɔnɔi lɛ fɛɛ.

Efesobii 2:3

Amɛteŋ wɔ fɛɛ hu wɔhi wɔba wɔjeŋ yɛ sa yɛ wɔheloo akɔnɔi lɛ amli, ni wɔtsu nii ni heloo kɛ jwɛŋmɔ sumɔɔ lɛ, ni wɔji bii ni Nyɔŋmɔ mlifu yɔɔ wɔnɔ yɛ wɔfɔmɔsu lɛ naa, tamɔ mɛi ni eshwɛ lɛ nɔŋŋ.

Tito 2:12

Ni etsɔseɔ wɔ koni wɔkwa she ni asheee Nyɔŋmɔ gbeyei kɛ je nɛɛŋ akɔnɔi lɛ ni wɔkɛ hiɛshikãmɔ kɛ jalɛ nifeemɔ kɛ Nyɔŋmɔ gbeyeishemɔ ahi shi yɛ je nɛɛŋ,

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

Yakobo 3:15

Nɛkɛ nilee nɛɛ, jeee ŋwɛi ejɛ, shi moŋ shikpɔŋ nɔ nɔ ni, heloo naa nɔ ni, mumɔi fɔ̃ji anɔ ni.

Yakobo 4:16

Shi agbɛnɛ lɛ nyɛwoɔ nyɛhe nɔ ni nyɛshwãa; nɛkɛ shwãa nɛɛ fɛɛ lɛ, efɔŋ ni.

Yoshua 7:21

Mina Babilon mama fɛɛfɛo ko kɛ jwiɛtɛi ni tsiimɔ ji shekeli ohai enyɔ kɛ agbɛnɛ shika ŋmiiŋmi antɛle kome ni tsiimɔ ji shekeli nyɔŋmai enumɔ yɛ ofɔ̃yeli nibii lɛ ateŋ; mihiɛ kɔ̃ nibii nɛɛ anɔ, ni mikɔlɔ. Mikɛ jwiɛtɛi lɛ hɔ nibii nɛɛ ashishi, ni mifu fɛɛ yɛ mibuu lɛ teŋ tuuŋtu.”

1 Petro 1:14

Nyɛfea nyɛhe bii toibolɔi ni nyɛkabaa nyɛjeŋ yɛ sa be ni nyɛleee nɔ ko lɛ mli akɔnɔi lɛ anaa dɔŋŋ.

1 Petro 2:11

Misuɔmɔmɛi, miiwie miitsɔ̃ɔ nyɛ akɛ gbɔi kɛ mɛi ni yɔɔ maŋsɛɛ, akɛ nyɛtsia nyɛhe kɛjɛa heloosɛɛdiinii ni kɛ susuma wuɔ ta lɛ ahe,

2 Petro 2:10

shi titri lɛ mɛi ni nyiɛɔ heloo akɔnɔ ni yɔɔ muji sɛɛ, ni amɛbuuu nɔyeli hewalɛ lɛ, tsuisalɔi kɛ yibulɔi ni kɛji amɛmiiye gbɔmɛi agboi ahe osheku ni amɛhe kpokpooo;

2 Petro 2:18

Ejaakɛ akɛni naafuu wiemɔi wuji jeɔ amɛnaa hewɔ lɛ, amɛtsɔ̃ɔ heloo akɔnɔi anɔ amɛkɛ nyɛnyɛŋtswibɔɔ lakaa mɛi ni je mɛi ni baa amɛjeŋ yɛ shishiumɔ mli lɛ adɛŋ etsɛko lɛ;