1 Yohane 1:9 - ŊMALƐ KRƆŊKRƆŊ LƐ

⁹ Kɛji wɔjaje wɔhe eshai lɛ wɔtsɔ̃ɔ Nyɔŋmɔ lɛ, anɔkwafo kɛ jalɔ ji lɛ, ni ekɛ wɔhe eshai lɛ aaafa wɔ ni eeetsumɔ wɔhe kɛjɛ nii ni ejaaa gbɛ fɛɛ mli.

Ṅmãle̱ Kroṅkroṅ Le̱

⁹ Ke̱dši wo̱dšadše *wo̱he ešai le̱, ano̱kwafo ke̱ dšalo̱ dšile̱, koni eke̱ wo̱he ešai le̱ afawo̱ ni etšumo̱ wo̱he ke̱-dše̱ nii ni edšaa ghe̱ fiã mli. *Abe̱i 28,13.

1 Yohane 1:9 ပူးပေါင်းရင်းမြစ်များ

1 Maŋtsɛmɛi 8:30

Ni obo mi, otsulɔ, kɛ omaŋ Israel fai ni amɛaakpa bo yɛ biɛ lɛ toi, ni onu yɛ ŋwɛi ni ji oshihilɛhe lɛ, ni kɛji onu lɛ oŋɔ fa!

1 Maŋtsɛmɛi 8:47

ni amɛshwa amɛhe yɛ shikpɔŋ he ni amɛyɔɔ lɛ nɔ lɛ, ni amɛjaje amɛtɔ̃mɔi amɛtsɔ̃ɔ bo, ni amɛkpa bo fai lɛ, Nuŋtsɔ Nyɔŋmɔ, bo amɛsɔlemɔ lɛ toi.

Nehemia 1:6

Kwɛmɔ, ni oka otoi ohã fai ni mi, otsulɔ, mikpaa bo nyɔɔŋ kɛ shwane mihãa otsuji Israelbii lɛ. Miijaje akɛ wɔ, Israelbii, wɔfee esha wɔshi bo; ni mi kɛ mitsɛwe lɛ fɛɛ yeɔ fɔ yɛ enɛ mli.

Lalai 19:12

Namɔ aaanyɛ lɛ diɛŋtsɛ etɔmɔi ena? Yehowa, jiemɔ mi kɛjɛ midujiaŋ tɔ̃mɔi amli.

Lalai 32:5

Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

2 Mose 34:7

mɔ ni yɔɔ suɔmɔ hã mɛi akpei abɔ, ni ekɛ tɔ̃mɔ kɛ esha faa, shi ehãaa tɔ̃lɔ ko aye ehe tswaa, ni ewoɔ bii nyɔmɔ yɛ amɛtsɛmɛi lɛ anajiaŋ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ lɛ nɔ lɛ.”

Abe̱i 28:13

Mɔ ni tsimɔɔ etɔ̃mɔi anɔ lɛ, eshwereŋ; shi mɔ ni jajeɔ, ni efɔ̃ɔ efɔŋfeemɔ lɛ, anaa lɛ mɔbɔ.

Yesaia 45:21

Nyɛbaa koni nyɛbajajea nyɛsane lɛ; nyɛhãa amɛyaa ajina! Namɔ ji mɔ ni jeeŋmɔ ko lɛ egba nɔ ni eba nɛɛ? Namɔ kɛɛ enɛ kɛjɛ blema? Aso jeee mi, Yehowa, ni? Ni misɛɛ lɛ Nyɔŋmɔ ko bɛ dɔŋŋ ni ji Nyɔŋmɔ jalɔ kɛ Yiwalaherelɔ? Misɛɛ lɛ mɔ ko mɔ ko bɛ dɔŋŋ.”

Yeremia 3:13

Kpɛlɛ̃mɔ otɔ̃mɔi lɛ anɔ kɛkɛ akɛ oyakpa shi yɛ heihei kɛnyiɛ maŋsɛɛ nyɔŋmɔi asɛɛ yɛ tso fɛɛ tso ni ebu kusuu shishi, ni asaŋ obooo mi toi. Mi, Yehowa, mikɛɛ.

Yeremia 33:8

Eshai fɛɛ ni amɛfee amɛshi mi hewɔ lɛ mibatsuu amɛhe; ni eshai fɛɛ ni amɛfee amɛshi mi kɛtsɔ̃ tɔ̃mɔ ni amɛtɔ̃ minɔ lɛ nɔ, kɛ shi ni amɛte amɛwo mi lɛ, mikɛ fɛɛ baafa amɛ.

Yāfó 3:23

Daa leebi lɛ, amɛtsɔ̃ɔ nɔ hee; Yehowa anɔkwayeli da kpele.

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Ezekiel 37:23

“Amɛkɛ amɛmãgãi kɛ amɛmusubɔɔnii lɛ kɛ eshai ni amɛfeɔ lɛ ekoeko buleŋ amɛhe dɔŋŋ; shi moŋ mahere amɛyiwala kɛaajɛ eshai ni amɛfee ni etse amɛ kɛje mihe lɛ amli, ni matsuu amɛhe; kɛkɛ lɛ amɛaatsɔ mimaŋ, ni matsɔ amɛNyɔŋmɔ.

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Mateo 3:6

ni ebaptisi amɛ yɛ Yordan faa lɛ mli, be ni amɛjajeɔ emɛhe eshai lɛ.

Marko 1:5

Mɛi fɛɛ ni yɔɔ Yudea shikpɔŋ lɛ nɔ kɛ Yerusalɛm lɛ tee eŋɔɔ. Amɛjaje amɛhe eshai, ni abaptisi amɛ yɛ Yordan Faa lɛ mli.

Luka 22:57

Shi etso ekɛɛ, “Awo, mileee lɛ!”

Yohane 17:25

Ataa Jalɔ, je lɛ leee bo, shi mi lɛ mile bo, ni mɛnɛɛmɛi le akɛ bo otsu mi;

Bɔfoi 19:18

Ni mɛi ni ehe eye lɛ ateŋ mɛi pii hu ba ni amɛbajaje amɛnifeemɔnii lɛ faŋŋ amɛtsɔ̃ɔ.

Romabii 3:26

koni ejie ejalɛ lɛ etsɔ̃ɔ yɛ benɛ be nɛɛ mli, ni eye bem ni ebu mɔ ni heɔ Yesu nɔ yeɔ lɛ hu bem.

1 Korintobii 1:9

Anɔkwafo ji Nyɔŋmɔ, mɔ ni tsɛ nyɛ kɛba eBi Yesu Kristo, wɔNuŋtsɔ lɛ, naanyobɔɔ lɛ mli lɛ.

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

Efesobii 5:26

koni ekɛ hejuu yɛ nu mli kɛ wiemɔ atsuu ehe ni ehã efee krɔŋkrɔŋ,

5 Mose 7:9

No hewɔ lɛ, nyɛnaa nyɛlea akɛ Yehowa, nyɛNyɔŋmɔ lɛ, lɛ ji Nyɔŋmɔ koome lɛ, Nyɔŋmɔ anɔkwafo, mɔ ni yeɔ shi ni ewo nɔ, asaŋ ni esuɔmɔ tsakeee yɛ mɛi ni esumɔɔ ni amɛyeɔ ekitãi anɔ kɛyashiɔ amɛshwiei ni ji akpe lɛ ayinɔ tɔ̃ɔ lɛ.

1 Timoteo 1:15

Eji anɔkwa wiemɔ ni sa akɛ amɔ mli kwraa, akɛ Kristo Yesu ba je nɛɛŋ eba eshafeelɔi ayiwalaheremɔ, mɛi ateŋ ni mi mi ji oti lɛ;

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 10:23

Ni nyɛhãa wɔmɔa wɔhiɛnɔkãmɔ jajemɔ lɛ mli ni awaa ni ekagbugbãa, ejaakɛ mɔ ni wo shi lɛ anɔkwafo ni.

Hebribii 11:11

Hemɔkɛyeli Sara hu kɛna hewalɛ ni ekɛna musu, ni lɛ ni egbɔ eho he aahu lɛ efɔ, ejaakɛ mɔ ni wo shi lɛ ebu lɛ anɔkwafo.

Hebribii 6:10

Ejaakɛ Nyɔŋmɔ jeee mɔ ni yeɔ sane ni ejaaa ni ehiɛ aaakpa nyɛnitsumɔ lɛ nɔ kɛ suɔmɔ ni nyɛjie kpo yɛ egbɛi lɛ hewɔ, ni nyɛkɛsɔ̃mɔ mɛi krɔŋkrɔŋi lɛ, ni nyɛsaa nyɛsɔ̃mɔɔ amɛ lolo lɛ.

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!