1 Yohane 1:6 - ŊMALƐ KRƆŊKRƆŊ LƐ

⁶ Kɛji wɔkɛɛ akɛ wɔkɛ lɛ miibɔ naanyo ni wɔnyiɛɔ duŋ lɛ mli lɛ, wɔmiimale ni wɔyeee anɔkwa.

Ṅmãle̱ Kroṅkroṅ Le̱

⁶ Ke̱dši wo̱kē̱ ake̱ wo̱ke̱le̱ mībo̱ nanyo ni wo̱nyieo̱ duṅ le̱ mli le̱, wo̱mĩmale ni wo̱yee ano̱kwa; 2,4.

1 Yohane 1:6 ပူးပေါင်းရင်းမြစ်များ

Lalai 82:5

“Amɛleee nii lɛ, amɛnuuu nii ashishi hu; dujiaŋ amɛnyiɛ ni jalɛ saneyeli etã yɛ shikpɔŋ lɛ nɔ.

Lalai 94:20

Ani kojolɔi fɔ̃ji aaanyɛ amɛkɛ bo abɔ, amɛ mɛi ni tsɔ̃ɔ mla moŋ nɔ kɛfeɔ nɔ fɔŋ lɛ?

Abe̱i 2:13

kɛ mɛi ni ekwa jalɛ gbɛi ni amɛyanyiɛɔ dujiaŋ gbɛi anɔ lɛ.

Mateo 7:22

Mɛi pii aaakɛɛ mi nakai gbi lɛ akɛ, ‘Nuŋtsɔ, Nuŋtsɔ! Ani jeee bo ogbɛi lɛ mli wɔfee hewalɛnii pii yɛ lo?’

Yohane 11:10

Shi kɛji mɔ nyiɛ nyɔɔŋ lɛ, etɛɔ, ejaakɛ la bɛ.”

Yohane 12:35

Kɛkɛ lɛ Yesu kɛɛ amɛ akɛ, “Be kukuoo kɛkɛ eshwɛ ehã la lɛ yɛ nyɛteŋ. Gbii abɔ ni nyɛyɔɔ la lɛ nɛɛ, nyɛnyiɛa koni duŋ akabanina nyɛ; shi mɔ ni nyiɛɔ duŋ mli lɛ, eleee he ni eyaa.

Yohane 12:46

Mi lɛ miba je lɛ mli akɛ la, koni mɔ fɛɛ mɔ ni heɔ minɔ eyeɔ lɛ akahi duŋ lɛ mli.

Yohane 8:12

Kɛkɛ ni Yesu kɛ amɛ wie ekoŋŋ ekɛɛ, “Mi ji je lɛ mli la lɛ. Mɔ ni nyiɛɔ misɛɛ lɛ, enyiɛŋ duŋ mli gbi ko gbi ko, shi moŋ eeena wala la lɛ.”

Yohane 8:55

ni nyɛleko lɛ, shi mi lɛ mile lɛ; ni kɛji mikɛɛ akɛ mileee lɛ lɛ, matsɔ̃ amalelɔ tamɔ nyɛ; shi mile lɛ, ni miyeɔ ewiemɔ nɔ.

1 Timoteo 4:2

kɛtsɔ̃ amalelɔi asatofeemɔ nɔ; amalelɔi ni ashã amɛ diɛŋtsɛ amɛhenilee, tamɔ akɛ dade kɛ la shãa nɔ lɛ;

Yakobo 2:14

Minyɛmimɛi, kɛji mɔ ko kɛɛ eyɛ hemɔkɛyeli, shi ebɛ nitsumɔi lɛ, mɛɛ sɛɛnamɔ yɔɔ mli? Ani hemɔkɛyeli lɛ aaanyɛ eyiwala ahere?

Yakobo 2:16

ni nyɛteŋ mɔ ko kɛɛ amɛ akɛ, “Nyɛyaa yɛ hejɔlɛ mli, nyɛyawerea la, ni nyɛyayea nii nyɛtɔrɔa;” shi ehãaa amɛ nii ni hiaa gbɔmɔtso lɛ, mɛɛ sɛɛnamɔ yɔɔ he?

Yakobo 2:18

Shi mɔ ko aaakɛɛ, “Bo lɛ, oyɛ hemɔkɛyeli, ni mi lɛ, miyɛ nitsumɔi.” Tsɔ̃ɔmɔ mi ohemɔkɛyeli ni nitsumɔi bɛ he lɛ ni mi hu majɛ minitsumɔi lɛ amli matsɔ̃ɔ bo mihemɔkɛyeli lɛ.

1 Yohane 1:10

Kɛji wɔkɛɛ akɛ wɔfeko esha lɛ, belɛ wɔhã Nyɔŋmɔ etsɔ̃ amalelɔ, ni ewiemɔ lɛ bɛ wɔmli.

1 Yohane 1:3

Nɔ ni wɔna ni wɔnu lɛ, no wɔjajeɔ wɔtsɔ̃ɔ nyɛ hu, koni nyɛ hu nyɛkɛ wɔ abɔ naanyo. Shi wɔnaanyobɔɔ lɛ, Tsɛ lɛ kɛ eBi Yesu Kristo lɛ wɔkɛbɔɔ.

1 Yohane 1:8

Kɛji wɔkɛɛ akɛ esha ko bɛ wɔhe lɛ, wɔ diɛŋtsɛ wɔhe wɔshishiuɔ, ni anɔkwale lɛ bɛ wɔmli.

1 Yohane 2:4

Mɔ ni kɛɔ akɛ, “Mile lɛ,” ni eyeee ekitãi lɛ anɔ lɛ, amalelɔ ji lɛ, ni anɔkwale lɛ bɛ emli.

1 Yohane 4:20

Kɛji mɔ ko kɛɛ akɛ, “Miisumɔ Nyɔŋmɔ,” ni enyɛɔ enyɛmi lɛ, amalelɔ ji lɛ. Ejaakɛ mɔ ni sumɔɔɔ enyɛmi ni enaa lɛ lɛ, Nyɔŋmɔ ni enaaa lɛ lɛ, te aaafee tɛŋŋ ni eeenyɛ lɛ esumɔ hu?