1 Yohane 1:3 - ŊMALƐ KRƆŊKRƆŊ LƐ

³ Nɔ ni wɔna ni wɔnu lɛ, no wɔjajeɔ wɔtsɔ̃ɔ nyɛ hu, koni nyɛ hu nyɛkɛ wɔ abɔ naanyo. Shi wɔnaanyobɔɔ lɛ, Tsɛ lɛ kɛ eBi Yesu Kristo lɛ wɔkɛbɔɔ.

Ṅmãle̱ Kroṅkroṅ Le̱

³ noni wo̱na ni wo̱nu le̱, no wo̱dšadšeo̱ wo̱tšõo̱nye hū, koni nye hū nyeke̱wo̱ abo̱ nanyo; ši na, wo̱nanyobō̱ le̱ Tše̱ le̱ ke̱ ebi Iesu Kristo le̱ wo̱ke̱-bo̱ö̱.

1 Yohane 1:3 ပူးပေါင်းရင်းမြစ်များ

Hiob 13:1

Naa, mina nibii nɛɛ fɛɛ kɛ mi diɛŋtsɛ mihiŋmɛi, ni mitoi hu enu, ni minu shishi.

Lalai 2:7

“Mashiɛ akpɔ ni Yehowa ewo mi lɛ,” Ekɛɛ, “Mibi ji bo, ŋmɛnɛ gbi nɛɛ mifɔ bo.

Lalai 22:22

Majaje onifeemɔi lɛ matsɔ̃ɔ minyɛmimɛi lɛ, ni majie oyi yɛ asafo lɛ mli.

Yesaia 66:19

ni amɛaana okadi ni tsɔ̃ɔ akɛ mi ji mɔ ni gbalaa amɛtoi lɛ. “Ni matsu mɛi ni ahe baaje toigbalamɔ lɛ mli lɛ kɛaatee Tarshish kɛ Libia kɛ Lud, ni ji gãitsɛ̃lɔi amaŋ lɛ. Matsu kɛya Tubal kɛ Helabii ŋshɔkpɔi ni yɔɔ shɔŋŋ ni amɛnuko mihe, asaŋ amɛnako minunyam lɛ bii hu aŋɔɔ. Amɛaajaje minunyam lɛ amɛtsɔ̃ɔ yɛ jeŋmaji lɛ ateŋ.

4 Mose 10:32

Kɛji okɛ wɔ nyiɛ lɛ, ejurɔ fɛɛ ni Yehowa aaafee wɔ lɛ, no nɔŋŋ wɔ hu wɔkɛaafee bo.”

Yohane 17:11

Mibɛ je lɛ mli dɔŋŋ, shi mɛnɛɛmɛi yɛ je lɛ mli, ni mi lɛ miiba oŋɔɔ. Ataa Krɔŋkrɔŋ, mɛi ni okɛhã mi lɛ, too amɛ yɛ ogbɛi lɛ mli, bɔ ni afee ni amɛfee ekome tamɔ wɔ.

Yohane 17:21

bɔ ni afee ni amɛ fɛɛ amɛfee ekome, tamɔ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli, ni je lɛ ahe aye akɛ bo otsu mi.

Yohane 17:25

Ataa Jalɔ, je lɛ leee bo, shi mi lɛ mile bo, ni mɛnɛɛmɛi le akɛ bo otsu mi;

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Yohane 19:35

Ni mɔ ni na lɛ, lɛ eye he odase nɛɛ, ni edase lɛ anɔkwaŋ, ni ele akɛ anɔkwale ewieɔ, koni nyɛhe nyɛye.

Bɔfoi 13:32

Ni wɔ lɛ, shi ni ewo wɔtsɛmɛi lɛ he Sanekpakpa lɛ wɔjajeɔ wɔtsɔ̃ɔ nyɛ nɛɛ,

Bɔfoi 13:41

‘Nyɛkwɛa, nyɛ heguɔgbelɔi, ni nyɛhiɛ afea nyɛ yaa, ni nyɛhiɛ akpãtãa, ejaakɛ mibatsu nitsumɔ ko yɛ nyɛyinɔ, nitsumɔ ko ni kɛ mɔ ko gba nyɛ tete lɛ, nyɛheŋ nyɛyeŋ kɔkɔɔkɔ.’ ”

Bɔfoi 2:42

Ni amɛhiɛ bɔfoi lɛ atsɔ̃ɔmɔ lɛ kɛ naanyobɔɔ lɛ kɛ abolookuumɔ lɛ kɛ sɔlemɔi lɛ amli.

Bɔfoi 20:27

ejaakɛ mijaje Nyɔŋmɔ yiŋtoo muu lɛ fɛɛ mitsɔ̃ɔ nyɛ ni mishiuuu eko nɔ.

Bɔfoi 4:20

Ejaakɛ wɔ lɛ wɔnyɛŋ akɛ ja wɔwie nii ni wɔna kɛ nii ni wɔnu lɛ.”

Romabii 15:27

Tsuijurɔ naa amɛfee yɛ lɛɛlɛŋ moŋ, shi asaŋ amɛhiɛ amɛ nyɔmɔ. Ejaakɛ kɛ jeŋmaji lɛ ena amɛmumɔŋ nikpakpai lɛ eko lɛ, belɛ esa akɛ amɛ hu amɛkɛ heloo nikpakpai lɛ eko asɔ̃mɔ amɛ.

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

1 Korintobii 1:9

Anɔkwafo ji Nyɔŋmɔ, mɔ ni tsɛ nyɛ kɛba eBi Yesu Kristo, wɔNuŋtsɔ lɛ, naanyobɔɔ lɛ mli lɛ.

1 Korintobii 15:1

Shi, anyɛmimɛi, miihã nyɛle akɛ Sanekpakpa lɛ ni mijaje mitsɔ̃ɔ nyɛ, ni nyɛmɔ mli, ni nyɛdamɔ shi shiŋŋ yɛ mli hu lɛ,

Efesobii 3:6

No ji akɛ jeŋmajiaŋbii lɛ hu niyelɔi lɛ ekomɛi kɛ gbɔmɔtso lɛ henii lɛ ekomɛi kɛ mɛi ni awo amɛ shi yɛ Kristo Yesu mli lɛ hu ekomɛi ji amɛ kɛtsɔ̃ Sanekpakpa lɛ nɔ.

Filipibii 1:7

Eja akɛ mijwɛŋɔ enɛ yɛ nyɛ fɛɛ nyɛhe, ejaakɛ nyɛkã mitsui nɔ, nyɛ ni yɛ migboklɛi kɛ Sanekpakpa lɛ hefãmɔ kɛ enɔmimaa fɛɛ mli lɛ nyɛ kɛ mi fɛɛ lɛ dromɔ lɛ niyelɔi ji wɔ lɛ.

Filipibii 2:1

No hewɔ lɛ, kɛ Kristo mli hewalɛwoo ko yɛ, kɛ suɔmɔ miishɛjemɔ ko yɛ, kɛ mumɔŋ naanyobɔɔ ko yɛ, kɛ musuŋtsɔlɛ kɛ mɔbɔnalɛ ko yɛ lɛ,

Filipibii 3:10

ni male lɛ Kristo eshitee lɛ hewalɛ lɛ; ni mana emanehului lɛ eko, ni matamɔ lɛ yɛ egbele lɛ gbɛfaŋ;

Kolosebii 1:13

Ni ejie wɔ kɛjɛ duŋ hewalɛ lɛ mli kɛtee esuɔmɔ Bi lɛ maŋtsɛyeli lɛ mli lɛ;

1 Tesalonikabii 1:10

ni nyɛkwɛ eBi lɛ ni etee lɛ shi kɛjɛ gbohii ateŋ lɛ gbɛ kɛjɛ ŋwɛi, Yesu ni jie wɔ kɛjɛ mlifu ni baaba lɛ mli lɛ.

1 Timoteo 6:2

Shi tsuji ni yɔɔ nuŋtsɔmɛi heyelɔi lɛ akaŋɔ lɛ akɛ nuŋtsɔmɛi lɛ nyɛmimɛi ji amɛ hewɔ lɛ esaaa akɛ hiɛ sɔɔ amɛ, shi moŋ amɛsɔ̃mɔ amɛ jogbaŋŋ ejaakɛ mɛi ni naa sɔ̃ɔmɔ nɛɛ he sɛɛ lɛ nyɛmimɛi heyelɔi kɛ suɔmɔmɛi ji amɛ. Tsɔ̃ɔmɔ nii nɛɛ ni owo he ŋaa.

Hebribii 2:12

Ni ekɛɛ, “Matsĩ ogbɛi lɛ tã matsɔ̃ɔ minyɛmimɛi lɛ; asafo mli hu mala majie oyi yɛ.”

Hebribii 3:1

Enɛ hewɔ lɛ, anyɛmimɛi krɔŋkrɔŋi ni ena ŋwɛi tsɛmɔ lɛ eko, nyɛjwɛŋa wɔhemɔkɛyeli jajemɔ lɛ he bɔfo kɛ osɔfonukpa ni ji Kristo Yesu lɛ he,

Hebribii 3:14

Ejaakɛ wɔtsɔ̃mɔ Kristo nanemɛi niyelɔi, kɛji wɔhiɛ wɔhe ni wɔkɛfɔ̃ɔ enɔ kɛjɛ shishijee lɛ mli kpɛŋŋ kɛyashi naagbee lɛ.

1 Petro 5:1

No hewɔ lɛ, onukpai ni yɔɔ nyɛteŋ lɛ, mi ni mi ji onukpa lɛ eko kɛ Kristo amanehului lɛ ahe odasefonyo ni baana anunyam ni abaajie kpo lɛ hu eko lɛ; ŋaa ni miwoɔ amɛ nɛ.

2 Petro 1:16

Ejaakɛ jeee adesai ni afolɔ anɔ wɔdamɔ wɔjaje wɔNuŋtsɔ Yesu Kristo hewalɛ kɛ ebaa lɛ he sane wɔtsɔ̃ɔ nyɛ, shi moŋ wɔji odasefoi ni na enunyam kpeteŋkple lɛ kɛ wɔhiŋmɛii.

1 Yohane 1:1

Wala wiemɔ lɛ yɛ kɛjɛ shishijee. Wɔnu ni wɔna kɛ wɔhiŋmɛii, wɔkwɛ ni wɔniji etara he yɛ wala wiemɔ lɛ hewɔ.

1 Yohane 1:5

Ni enɛ ji sane lɛ ni wɔnu kɛjɛ ebi lɛ ŋɔɔ ni wɔsaa wɔjajeɔ wɔtsɔ̃ɔ nyɛ lɛ. No ji akɛ Nyɔŋmɔ lɛ, là ji lɛ, ni duŋ ko kwraa bɛ emli,

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.