1 Samuel 9:3 - ŊMALƐ KRƆŊKRƆŊ LƐ

³ Saul tsɛ Kish tejii laaje. Kɛkɛ ni Kish kɛɛ ebi Saul akɛ, “Ŋɔɔ tsuji lɛ ateŋ mɔ kome ofata ohe koni oya oyatao tejii lɛ.”

Ṅmãle̱ Kroṅkroṅ Le̱

³ Ni Kiš, Saul tše̱ le̱, tedšiyei lādše; ni Kiš kē̱ ebi Saul ake̱: Ṅõ oblahĩĩ le̱ ateṅ mokome ofata ohe agbe̱ne̱, ni ote ši ni oyatao tedšiyei le̱!

1 Samuel 9:3 ပူးပေါင်းရင်းမြစ်များ

Kojolɔi 10:4

Eyɛ bihii nyɔŋmai etɛ̃; amɛteŋ mɔ fɛɛ mɔ yɛ eteji ni etaa nɔ. Amɛyɛ maji nyɔŋmai etɛ̃ yɛ Gilead shikpɔŋ lɛ nɔ. Atsɛɔ maji nɛɛ Yair akrowai kɛbashi ŋmɛnɛ.

Kojolɔi 5:10

“Nyɛgbaa, nyɛ mɛi ni nyɛtara tejii yɛji anɔ, nyɛ mɛi ni nyɛtara kuŋtui fɛɛfɛji anɔ, kɛ nyɛ mɛi ni nyɛnyiɛ gbɛ lɛ nɔ.

1 Samuel 10:14

Saul tsɛkwɛ ko bi Saul kɛ eblanyo tsulɔ lɛ akɛ, “Nɛgbɛ nyɛjɛ?” Saul jie naa akɛ, “Wɔtee tejii ataomɔ, ni be ni wɔyanaaa amɛ lɛ wɔtee Samuel ŋɔɔ.”

1 Samuel 10:2

Kɛji okɛ mi gbala mli ŋmɛnɛ ni ooya lɛ, okɛ hii enyɔ komɛi baakpe yɛ Rahel saŋ lɛ he yɛ Zelza, yɛ Benyamin shikpɔŋ lɛ nɔ. Gbɔmɛi nɛɛ baakɛɛ bo akɛ, ‘Tejii lɛ ni otee amɛtaomɔ lɛ ana amɛ. No hewɔ lɛ, otsɛ efɔ̃ɔ tejii lɛ ahe jwɛŋmɔ, ni etsui miiye yɛ ohewɔ.’ Eekɛɛ akɛ, ‘Te mafee tɛŋŋ yɛ mibi lɛ hewɔ hu?’

1 Samuel 9:2

Kish nɛɛ yɛ binuu, oblanyo nɛɛ he yɛ fɛo yɛ Israelbii lɛ ateŋ; ni kɛjɛ ekɔŋ kɛtee ŋwɛi lɛ oblanyo lɛ kwɔ fe mɔ fɛɛ mɔ yɛ Israel.

1 Samuel 9:20

Kɛ ka nyɛtejii lɛ ni laaje ŋmɛnɛ ji gbii etɛ̃ lɛ ahewɔ lɛ, kaaye otsui, ejaakɛ ana amɛ. Namɔ ole ni Israel shweɔ amrɔ nɛɛ fe bo kɛ otsɛ we lɛ fɛɛ?”

1 Samuel 9:4

Saul kɛ tsulɔ lɛ yakpa Efraim gɔji lɛ anɔ kɛyaje Shalisha shikpɔŋ lɛ nɔ ni amɛmiitao kooloi lɛ, shi amɛnaaa amɛ. Amɛyakpa Shaalim shikpɔŋ lɛ nɔ, shi amɛnaaa amɛ; kɛkɛ ni amɛtee Benyamin shikpɔŋ lɛ hu nɔ; shi amɛnaaa tejii lɛ.