1 Samuel 9:16 - ŊMALƐ KRƆŊKRƆŊ LƐ

¹⁶ “Wɔ benɛ mli lɛ mibatsu nuu ko ni jɛ Benyamin akutso lɛ mli oŋɔɔ koni ofɔ lɛ mu, ni owo lɛ mimaŋ Israel maŋtsɛ. Lɛ ebaahere mimaŋbii lɛ yɛ Filistibii lɛ adɛŋ. Mina amɛnɔnaa lɛ, ni minu tsɛmɔ ni amɛtsɛɔ koni ahere amɛ lɛ.”

Ṅmãle̱ Kroṅkroṅ Le̱

¹⁶ Wó̱ aafe bene̱ yino̱ le̱ mibatšũ nū ko ní dše̱ Benyamin šikpoṅ le̱ no̱ ke̱-ba oṅõ, ni ofo̱le̱ mū owo mimaṅ Israel le̱ no̱ lumo̱, koni ehere mimaṅ le̱ yiwala ke̱-dše̱ Filistibii le̱ adeṅ; edšake̱ mikwe̱ mimaṅ le̱, ši ame̱blo̱mo̱ le̱ eše̱ miṅõ.

1 Samuel 9:16 ပူးပေါင်းရင်းမြစ်များ

2 Samuel 3:18

Be lɛ eshɛ nɛɛ; nyɛtsua he nii ejaakɛ Yehowa ewo shi yɛ David he akɛ, ‘Mitsulɔ David nine nɔ matsɔ̃ mahere mimaŋ Israel yiwala yɛ Filistibii kɛ amɛhenyɛlɔi fɛɛ adɛŋ.’ ”

2 Maŋtsɛmɛi 20:5

“Kũu osɛɛ ni oyakɛɛ Hezekia, mimaŋ lɛ nɔ lumɔ lɛ, akɛ, ‘Bɔ ni Yehowa, otsɛ David Nyɔŋmɔ lɛ, kɛɛ nɛ, minu ofaikpamɔ lɛ, ni mina ohiɛ yaafonu lɛ; naa, mibatsa bo; ni biɛ gbii etɛ̃ lɛ, ooonyiɛ onane nɔ kɛaaya Yehowa we lɛ.

Lalai 102:1

Oo, Yehowa, bo misɔlemɔ toi; hã mibolɔmɔ lɛ ashɛ oŋɔɔ.

Lalai 106:44

Shi kɛ̃lɛ, be ni enu amɛbolɔmɔ lɛ, enu amɛhaomɔ lɛ he ehã amɛ.

Lalai 25:18

Kwɛmɔ minɔnaai lɛ, kɛ mihaomɔi lɛ; ni okɛ mihe eshai lɛ fɛɛ afa mi.

Abe̱i 16:9

Gbɔmɔ adesa toɔ egbɛi ahe ŋaa; shi Yehowa ji mɔ ni kudɔɔ enanefãamɔi.

Yeremia 32:8

Kɛkɛ ni Hanamel, mitsɛkwɛ binuu lɛ ba miŋɔɔ yɛ Bulɔi Akpo lɛ nɔ, bɔ pɛ ni Yehowa ekɛɛ lɛ, nakai nɔŋŋ ebakɛɛ mi akɛ, ‘Miihɔ̃ɔ mishikpɔŋ ni yɔɔ Anatot yɛ Benyaminbii ashikpɔŋ lɛ nɔ lɛ. Hemɔ, ejaakɛ bo oyɔɔ hegbɛ akɛ oyeɔ gboshinii; ni no hewɔ lɛ, bo oyɔɔ hegbɛ akɛ okpɔ̃ɔ, hewɔ lɛ hemɔ ohã ohe.’ Kɛkɛ ni mina akɛ Yehowa kɛ mi ewie lɛɛlɛŋ.

1 Samuel 10:1

Kɛkɛ ni Samuel jie mu kɛ tɔ ko, ni efɔse mu lɛ eshwie Saul yiteŋ. Kɛkɛ ni eshwɔ Saul naa ni ekɛɛ lɛ akɛ, “Naa, Yehowa efɔ bo mu koni oye ewebii lɛ anɔ akɛ amɛlumɔ, koni ohere amɛ yɛ amɛhenyɛlɔi ni ebɔle amɛ lɛ adɛŋ. Ni okadi ni atoɔ bo yɛ he akɛ Yehowa efɔ bo mu koni oye emɛi lɛ anɔ lumɔ nɛ.

1 Samuel 14:20

Saul kɛ tabilɔi fɛɛ ni fata ehe lɛ mia ni agbɛnɛ amɛfã kɛtee ta lɛ naa. Amɛyanina ni Filistinyo klante kã enyɛmi Filistinyo nɔŋŋ nɔ, ni nɔ fɛɛ nɔ hiɛ etsɔ̃ ebu shi efee basaa.

1 Samuel 14:23

No hewɔ lɛ, Yehowa here Israel nakai gbi lɛ. Atswa ta lɛ aahu kɛho Bet-aven maŋ lɛ he.

1 Samuel 15:1

Samuel kɛɛ Saul akɛ, “Mi ji mɔ ni Yehowa tsu koni mibafɔ bo mu kɛwo bo emaŋ Israel maŋtsɛ lɛ. No hewɔ lɛ, agbɛnɛ bo nɔ ni Yehowa kɛɔ toi.”

1 Samuel 16:1

Yehowa kɛɛ Samuel akɛ, “Mɛɛ beyinɔ nɔŋŋ ni oooye Saul he ŋkɔmɔ kɛyashi, be mli ni ona ole akɛ mikwa lɛ Israel maŋtsɛyeli? Wo okoŋ lɛ mli mu obɔ̃; mibatsu bo Yeshai, Betlehemnyo lɛ, ŋɔɔ ejaakɛ miŋɔ maŋtsɛ yɛ ebihii lɛ ateŋ mihã mihe.”

1 Samuel 16:3

Kpeemɔ Yeshai kɛba afɔleshãahe lɛ, ni mibatsɔ̃ɔ bo nɔ ni ofee koni ofɔ mɔ ni mibatsɔ̃ɔ bo lɛ mu ohã mi.”