1 Samuel 8:20 - ŊMALƐ KRƆŊKRƆŊ LƐ

²⁰ koni wɔ hu wɔtamɔ majimaji fɛɛ akɛ wɔyɛ maŋtsɛ, ni lɛ ekwɛɔ wɔnɔ, koni asaŋ kɛ ta ba lɛ enyiɛ wɔhiɛ kɛ wu tai lɛ ehã wɔ.”

Ṅmãle̱ Kroṅkroṅ Le̱

²⁰ koni we̱ hũ wo̱tamo̱ dšeṅmãdši le̱ fẽ, ní wo̱maṅtše̱ le̱ akodšowo̱, ni efã ke̱-nyie wo̱hĩe, ni ewu wo̱tai le̱!

1 Samuel 8:20 ပူးပေါင်းရင်းမြစ်များ

Lalai 106:35

shi moŋ amɛfutu amɛ ni amɛkase amɛnifeemɔnii lɛ.

2 Mose 33:16

ejaakɛ mɛni aaatsɔ̃ɔ akɛ oyɛ mi kɛ omaŋ nɛɛ he miishɛɛ akɛ ja tee ni okɛ wɔ aaatee lɛ, bɔ ni afee ni ana akɛ soro wɔ, ni ji mi kɛ omaŋ lɛ, yɛ maji fɛɛ ni yɔɔ shikpɔŋ lɛ nɔ lɛ ateŋ.”

4 Mose 23:9

Tɛsai ayiteŋ mijɛ mina amɛ; ni gɔŋkpɔi anɔ mijɛ mikwɛ amɛ akɛ maŋ ni amɛkome too amɛyɔɔ. Amɛle akɛ ajɔɔ amɛ fe maji fɛɛ.

Yohane 15:19

Eji je lɛ mli nyɛjɛ kulɛ, je lɛ aaasumɔ nyɛ akɛ lɛ diɛŋtsɛ emɛi, shi akɛni nyɛjɛɛɛ je lɛ mli, shi moŋ mihala nyɛ kɛjɛ je lɛ mli hewɔ lɛ, je lɛ nyɛɔ nyɛ lɛ.

Romabii 12:12

Nyɛnyãa yɛ hiɛnɔkãmɔ mli; nyɛmiaa nyɛhiɛ yɛ amanehulu mli; nyɛhiɛa sɔlemɔ mli daa.

2 Korintobii 6:17

No hewɔ lɛ, Yehowa kɛɛ, “Nyɛjea amɛteŋ, ni nyɛtsea nyɛhe, ni nyɛkataa muji nɔ ko he, ni mahere nyɛ atuu.

5 Mose 7:6

“Nyɛfea nakai ejaakɛ Yehowa, nyɛNyɔŋmɔ lɛ, eŋɔ nyɛ ehã ehe akɛ emɛi krɔŋkrɔŋ. Eje gbɛ ni eŋɔ nyɛ yɛ majimaji lɛ fɛɛ ateŋ yɛ shikpɔŋ lɛ nɔ koni nyɛtsɔ̃ lɛ diɛŋtsɛ ewebii krɛdɛɛ.

Filipibii 3:20

Shi wɔ lɛ, wɔmaŋ lɛ ŋwɛi eyɔɔ, he ni wɔkwɛɔ yiwalaherelɔ ni ji Nuŋtsɔ Yesu Kristo lɛ gbɛ kɛjɛɔ lɛ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

1 Samuel 12:12

Shi be ni nyɛna akɛ Nahash, Amonbii lɛ amaŋtsɛ lɛ, efã nyɛyi nɔ ta lɛ, nyɛkɛɛ mi akɛ ‘Dabi, wɔkpɛ̃lɛɛɛ; ja wɔna maŋtsɛ ni eye wɔnɔ,’ tsɛbelɛ Yehowa, nyɛNyɔŋmɔ lɛ, ji nyɛmaŋtsɛ.

1 Samuel 12:2

No hewɔ lɛ, agbɛnɛ maŋtsɛ lɛ nyiɛ nyɛhiɛ nɛɛ. Mi lɛ amrɔ nɛɛ migbɔ ni miyi eyɛ, ni mibihii lɛ nyɛ kɛ amɛ yɔɔ. Mikwɛ nyɛnɔ kɛjɛ miblahiaŋ aahu kɛbashi ŋmɛnɛ.

1 Samuel 8:5

ni amɛbakɛɛ lɛ akɛ, “Amrɔ nɛɛ ogbɔ, ni obihii lɛ eyakɔɔɔ ojeŋba. No hewɔ lɛ, wo maŋtsɛ ohã wɔ koni lɛ ekwɛ wɔnɔ tamɔ eyɔɔ yɛ majimaji krokomɛi fɛɛ anɔ lɛ.”