1 Samuel 8:14 - ŊMALƐ KRƆŊKRƆŊ LƐ

¹⁴ Ebaashɔ̃shɔ̃ɔ nyɛŋmɔji kɛ nyɛwain abɔi kpakpai kɛ nyɛmutsei ni hi fe fɛɛ lɛ, ni ekɛbaahã etsuji.

Ṅmãle̱ Kroṅkroṅ Le̱

¹⁴ Ni eeṅõ nyeṅmõdši ke̱ nyeweintromi ke̱ nyemũtromi ní hĩ fè fẽ le̱ ehã etšũdši.

1 Samuel 8:14 ပူးပေါင်းရင်းမြစ်များ

1 Maŋtsɛmɛi 21:19

Kɛɛmɔ lɛ akɛ, ‘Ei Ahab, ogbe gbɔmɔ lɛ, koni oŋɔ enii lɛ okɛfee onɔ bɛɛ?’ Kɛɛmɔ lɛ ofata he akɛ, ‘Bɔ ni Yehowa kɛɛ nɛ: He ni gbei lɛmɔ Nabot lá yɛ lɛ, jɛi nɔŋŋ kɛ̃ gbei aaalɛmɔ bo hu olá yɛ.’ ”

1 Maŋtsɛmɛi 21:2

Gbi ko lɛ Ahab kɛɛ Nabot akɛ, “Ŋɔɔ owaintrom lɛ ohã mi koni mikɛfee ameo kɛ shitɔ kɛ amɛhenɔi lɛ abɔɔ, ejaakɛ ebɛŋkɛ miwe nɛɛ; mikɛ waintrom ni hi fe onɔ lɛ baato bo najiaŋ, aloo kɛji ooosumɔ lɛ, mawo bo nyɔmɔ kɛji oootsɔ̃ɔ mi ejara.”

1 Maŋtsɛmɛi 21:7

Kɛkɛ ni Yezebel kɛɛ Ahab akɛ, “Aso maŋtsɛ kɛ̃ oyeɔ yɛ Israel nɛɛ? Tee shi ni oye nii, ni ona tsui. Mi, mahã onine ashɛ Nabot, Yezreelnyo lɛ, waintrom lɛ nɔ.”

Ezekiel 46:18

Asaŋ lumɔ lɛ akashɔ̃ maŋbii lɛ agboshinii lɛ eko ni eshwie amɛ kɛjɛ amɛgbɛfaŋnɔ lɛ nɔ. Shi moŋ ekɛ nɔ ni ji lɛ diɛŋtsɛ egbɛfaŋnɔ lɛ mli eko ahã ebihii lɛ ni etsɔ̃ amɛnɔ, bɔ ni afee ni akashɔ̃ mimaŋbii lɛ eko gboshinii yɛ edɛŋ.”

1 Samuel 22:7

Kɛkɛ ni abakɛɛ lɛ akɛ ayana he ni David kɛ esɛɛbii lɛ yɔɔ lɛ. Kɛkɛ ni Saul kɛɛ etsuji ni damɔ ehe lɛ akɛ, “Nyɛmiibo toi, nyɛ Benyaminbii! Ani Yeshai bi lɛ baahã nyɛteŋ mɔ fɛɛ mɔ ŋmɔji kɛ waintromii hu; aloo eeewo nyɛ mɛi akpekpe akui kɛ mɛi ohaohai akui asafoiatsɛmɛi hu,

1 Samuel 8:13

Nyɛbiyei lɛ agbɛfaŋ lɛ, ebaafee mɛi komɛi tsofakɛŋma futulɔi, kɛ mɛi komɛi nihoolɔi kɛ mɛi komɛi hu aboloo shãlɔi.

1 Samuel 8:15

Kɛji nyɛkpa ŋmɔshi ŋmãa kɛ nyɛwain abɔi amli nii lɛ hu, ebaaŋɔ amɛmlijaa nyɔŋma mli ekome ni ekɛbaahã epiafoi kɛ etsuji.