1 Samuel 7:9 - ŊMALƐ KRƆŊKRƆŊ LƐ

⁹ Kɛkɛ ni Samuel ŋɔ too gwantɛŋbi ni atseko lɛ fufɔ, ni eshã lɛ emuu akɛ shãa afɔle ekɛhã Yehowa. Ni Samuel sɔle ekpa Yehowa fai ehã Israelbii lɛ, ni Yehowa here lɛ nɔ.

Ṅmãle̱ Kroṅkroṅ Le̱

⁹ Ni Samuel ṅõ gwanteṅbi ní yeo̱ fufo̱, ni eṅōle̱ ešã šã-afo̱le mū ehã Iehowa; ni Samuel blo̱ tšé̱ Iehowa hã Israel, ni Iehowa herele̱ no̱.

1 Samuel 7:9 ပူးပေါင်းရင်းမြစ်များ

Lalai 50:15

Tsɛ mi yɛ fimɔ gbi lɛ nɔ! Majie bo, ni ooowo mihiɛ nyam.”

Lalai 99:6

Mose kɛ Aaron fata osɔfoi lɛ ahe; ni Samuel hu shi mɛi ni ja Yehowa lɛ anɔ. Amɛbo amɛtsɛ Yehowa, ni ehere amɛ nɔ.

Yeremia 15:1

Kɛkɛ ni Yehowa kɛɛ mi akɛ, “Kɛji Mose kɛ Samuel tete po damɔ mihiɛ lɛ, minaŋ nɛkɛ gbɔmɛi nɛɛ ahe tsui. Shwiemɔ amɛ kɛje mihiɛ ni amɛya!

5 Mose 9:26

Mikpa Yehowa fai mikɛɛ akɛ, ‘Nuŋtsɔ Nyɔŋmɔ, kaakpãtã bo diɛŋtsɛ omɛi lɛ, ni ji gbɔmɛi ni oyakpɔ̃ yɛ Ijipt shikpɔŋ lɛ nɔ kɛ nineshiwalɛ kɛ ohewalɛ lɛ ahiɛ.

Yakobo 5:16

No hewɔ lɛ, nyɛjajea nyɛnɔtɔ̃mɔi lɛ nyɛtsɔ̃ɔtsɔ̃a nyɛhe, ni nyɛsɔlea nyɛhãa nyɛhe ni nyɛhe atã. Jalɔ sɔlemɔ ni mli wa lɛ nyɛɔ nii babaoo etsuɔ.

Kojolɔi 6:26

Maa afɔleshãa latɛ ohã Yehowa, oNyɔŋmɔ lɛ, yɛ tɛsaa ni yɔɔ biɛ nɛɛ yiteŋ. Too tɛi ni okɛbaama lɛ gbɛjianɔ bɔ ni sa akɛ ato lɛ; koni oŋɔ tsinanuu ni ji enyɔ lɛ, ni okɛshã shãa afɔle. Okɛ Ashera tso ni obaafo lɛ afee lai ni okɛshã.”

Kojolɔi 6:28

Shi be ni maŋbii lɛ te shi leebi maŋkpa lɛ, naa Baal afɔleshãa latɛ lɛ ni akumɔ ashwie shi; afo Ashera tso ni ma emasɛi lɛ, ni akɛ tsinanuu ni ji enyɔ lɛ eshã shãa afɔle yɛ afɔleshãa latɛ ni ama lɛ nɔ.

1 Samuel 10:8

No sɛɛ lɛ, otsɔ̃ mihiɛ kɛya Gilgal. Miiba jɛi ni mibashã shãa afɔlei kɛ shidaa afɔlei. Hii shi yɛ jɛi ni omɛ gbii kpawo kɛyashi mibaba mibanina bo, ni matsɔ̃ɔ bo nɔ ni ofee.”

1 Samuel 12:17

Ani jeee ŋmãakuu be mli ji ŋmɛnɛ? Ojogbaŋŋ! Mibasɔle matsɛ Yehowa koni ehã ŋwɛi ashimɔ, ni nu hu anɛ koni nyɛkɛna nyɛle akɛ nɔ fɔŋ ni nyɛfee nyɛshi Yehowa kɛ maŋtsɛ ni nyɛbi akɛ ahã nyɛ lɛ, eda naakpa.”

1 Samuel 16:2

Samuel to he ekɛɛ, “Te mafee tɛŋŋ matee tsumɔ nɛɛ hu? Kɛji Saul nu he lɛ eeegbe mi.” Yehowa kɛɛ Samuel akɛ, “Ŋɔɔ tsinabi ohiɛ odɛ̃ kɛya, ni oyakɛɛ akɛ, ‘Miba mibashã afɔle mahã Yehowa.’

1 Samuel 2:35

Matee osɔfo anɔkwafo ko shi mahã mi diɛŋtsɛ mihe, mɔ ni baafee miyiŋtoo kɛ mitsuinaanii, ni mahã ewo shwiei ni shishi etaŋ, mɛi ni baasɔ̃mɔ yɛ mɔ ni mifɔ lɛ mu lɛ hiɛ daa.

1 Samuel 7:17

ni ekuɔ esɛɛ kɛbaa Rama, ejaakɛ jɛi ewe yɔɔ; ni jɛi hu ekwɛɔ maŋbii lɛ ateŋ saji yɛ. Samuel ma afɔleshãa latɛ yɛ Rama ehã Yehowa.

1 Samuel 9:12

Amɛhere nɔ amɛkɛɛ, “Eyɛ. Naa, lɛ eyaa yɛ nyɛhiɛ nɔŋŋ nɛɛ. Nyɛhe afea oya. Amrɔ nɛɛ ebashɛ maŋ lɛ mli, ejaakɛ maŋbii lɛ miishã afɔle ŋmɛnɛ yɛ jamɔhe lɛ yɛ gɔŋ lɛ nɔ.