1 Samuel 7:6 - ŊMALƐ KRƆŊKRƆŊ LƐ

⁶ Israelbii lɛ bua amɛhe naa yɛ Mizpa. Amɛyɛ nu amɛshwie shi yɛ Yehowa hiɛ, ni amɛhi ŋmãa nakai gbi lɛ, ni amɛkɛɛ akɛ, “Wɔtɔ̃ Yehowa nɔ.” Ni Samuel hi Mizpa, ni ekojo Israelbii lɛ ateŋ saji yɛ jɛi.

Ṅmãle̱ Kroṅkroṅ Le̱

⁶ Ni ame̱babua ame̱he nā ye̱ Mizpa, ni ame̱ye̱ nu ni ame̱fo̱se ame̱ſie ši ye̱ Iehowa hĩe, ni ame̱ye buada ye̱ nakai gbĩ le̱ no̱, ni ame̱kē̱ ye̱ dše̱i ake̱: Wo̱fe Iehowa šiši eša! Ni Samuel kodšo Israelbii le̱ ye̱ Mizpa.

1 Samuel 7:6 ပူးပေါင်းရင်းမြစ်များ

1 Mose 31:49

Atsɛɔ lɛ akɛ Mizpa hu ejaakɛ Laban kɛɛ akɛ, “Yehowa hiŋmɛi ahi mi kɛ bo fɛɛ he, be mli ni wɔgbala mli nɛɛ.

2 Samuel 14:14

Gbele kã shi hã wɔ fɛɛ, ni ehãa wɔtsɔ̃ɔ tamɔ nu ni atsi ashwie shikpɔŋ, ni ehiii loomɔ dɔŋŋ. Shi mɔ ni toɔ gbɛjianɔ bɔ ni afee ni mɔ ni enyɔ kooŋ aba shĩa lɛ, Nyɔŋmɔ egbeee lɛ.

1 Maŋtsɛmɛi 8:47

ni amɛshwa amɛhe yɛ shikpɔŋ he ni amɛyɔɔ lɛ nɔ lɛ, ni amɛjaje amɛtɔ̃mɔi amɛtsɔ̃ɔ bo, ni amɛkpa bo fai lɛ, Nuŋtsɔ Nyɔŋmɔ, bo amɛsɔlemɔ lɛ toi.

1 Kronika 11:18

Kɛkɛ ni hii kãkãlɔi etɛ̃ nɛɛ gba sa kɛtsɔ̃ Filistibii tabilɔi lɛ ateŋ yɛ ekãa naa kɛho, ni amɛtee amɛyayɛ nubu lɛ ni yɔɔ Betlehem maŋ agbo lɛ masɛi lɛ mli nu, ni amɛkɛbahã David. Shi David emiii nu lɛ numɔ; shi moŋ efɔse eshwie shikpɔŋ akɛ nɔ ko ni ekɛmiishã afɔle eha Yehowa,

2 Kronika 20:3

Yehoshafat she gbeyei. No hewɔ lɛ, eto eyiŋ akɛ eeesɔle kɛbi Yehowa dɛŋ yelikɛbuamɔ. Enɛ hã efã akɛ ahi ŋmaa yɛ Yuda shikpɔŋ lɛ nɔ fɛɛ.

Nehemia 9:27

No hewɔ lɛ, oŋmɛɛ amɛhe ohã amɛhenyɛlɔi, ni amɛhenyɛlɔi lɛ hao amɛ. Amɛhaomɔ nɛɛ mli lɛ amɛfo amɛtsɛ bo, ni ohere amɛ nɔ kɛjɛ ŋwɛi. Omɔbɔnalɛ babaoo lɛ naa lɛ, ojie hiɛnyiɛlɔi ohã amɛ koni amɛhere amɛ yɛ amɛhenyɛlɔi lɛ adɛŋ.

Hiob 16:20

Minanemɛi miiye mihe fɛo; shi miifo miitsɔ̃ɔ Nyɔŋmɔ.

Hiob 3:24

Ŋkɔmɔyeli etsɔ̃ miniyenii, ni mifɔseɔ mligbigblimɔ mishwieɔ shi tamɔ nu.

Hiob 33:27

Ni eeela yɛ adesai ahiɛ, ni eeekɛɛ akɛ, ‘Mifee esha, ni mikɔ̃dɔ̃ nɔ ni ja; ni akɛ mihe fa mi;

Hiob 40:4

“Naa, mijeee mɔ ko; mɛɛ hetoo mahã? Mikɛ minine eto minaabu.

Hiob 42:6

No hewɔ lɛ, eedɔ mi, ni miishwa mihe yɛ sũ kɛ lamlu mli.”

Lalai 106:6

Wɔ kɛ wɔtsɛmɛi fɛɛ lɛ, wɔfee esha; wɔfee efɔŋ, ni wɔye yiwalɛ sane.

Lalai 119:136

Mihiŋmɛiŋ yaafonu hoɔ tamɔ faa, ejaakɛ ayeee omlai lɛ anɔ.

Lalai 42:3

Mihiɛ yaafonu etsɔ̃ miniyenii shwaneshwane kɛ nyɔɔŋnyɔɔŋ fɛɛ, be mli ni mɛi biɔ mi akɛ, “Nɛgbɛ oNyɔŋmɔ lɛ yɔɔ lɛ?”

Lalai 6:6

Etɔ mi kɛ kɛ̃ɛmɔ; mifɔɔ misaa tsɔtsɔɔtsɔ daa nyɔɔŋ kɛ yaafonu.

Lalai 62:8

Nyɛ maŋbii, nyɛkɛ nyɛhiɛ afɔ̃a Nyɔŋmɔ nɔ be fɛɛ be; nyɛfɔsea nyɛtsuiiaŋ saji fɛɛ nyɛshwiea ehiɛ; ejaakɛ Nyɔŋmɔ ji wɔbobaahe.

Yeremia 31:19

Be ni mikwa bo lɛ, mishwa mihe; ni be ni atsɔ̃ɔ mi nii sɛɛ lɛ, miyi mishuɔ he ma; mihiɛ gbo, ni mihiɛ shwie shi, ejaakɛ miblahiaŋ hiɛgbele lɛ kpɛ misɛɛ lolo.’

Yeremia 36:9

Yuda Maŋtsɛ Yehoiakim, Yosia bi lɛ, maŋtsɛyeli afi ni ji enumɔ lɛ mli nyɔŋ ni ji nɛɛhu lɛ nɔ lɛ, Yerusalɛmbii kɛ mɛi ni jɛɔ Yuda maji amli amɛbaa Yerusalɛm lɛ hi ŋmaa yɛ Yehowa hiɛ.

Yeremia 9:1

Mina ni kulɛ miyitso lɛ nubu ni; ni mihiŋmɛii hu nuhiŋmɛii ni koni mikɛfo mimaŋbii ni enyɔnyɔi lɛ shwane kɛ nyɔɔŋ fɛɛ.

Yāfó 2:11

Mihiŋmɛiŋ nu etã kɛ yaafo, ni misusuma miifo emli. Mitsui ekumɔ kɛ ŋkɔmɔ, ejaakɛ akpãtã mimaŋbii ahiɛ; ejaakɛ gbekɛbii kɛ abifabii etɔ biti yɛ maŋ lɛ blohui amli.

Yāfó 3:49

“Mihiŋmɛiŋ yaafonu baaho daa, ni efɔŋ

Yāfó 5:16

Wɔnunyam akekre eje wɔyitso egbee shi. Kpoo hã wɔ! Ejaakɛ wɔfee esha.

Ezekiel 20:4

Ani oookojo amɛ, Gbɔmɔ Adesa? Ani oookojo amɛ? Belɛ hã amɛle musubɔɔnii ni amɛtsɛmɛi lɛ fee lɛ, ni okɛɛ amɛ akɛ,

Hosea 5:1

“Nyɛ Osɔfoi, nyɛboa sane nɛɛ toi! Nyɛ Israelbii, nyɛkaa toi! Nyɛ maŋtsɛ we lɛ mli bii, nyɛfea toi, shi naa, abaakojo nyɛ fɛɛ, ejaakɛ nyɛfee nyɛhe tamɔ akpa ni atsɔ̃ yɛ Mizpa, kɛ yaa ni akɛlɛɛ shi yɛ Tabor Gɔŋ lɛ nɔ.

Yoel 2:12

“Shi amrɔ nɛɛ po Yehowa kɛɛ, nyɛshwaa nyɛhe anɔkwale mli, ni nyɛkpalea kɛbaa miŋɔɔ kɛ ŋmaahilɛ kɛ yaafo kɛ ŋkɔmɔyeli.”

3 Mose 16:29

“Enɛ afee akpɔ ahã nyɛ kɛmiiya naanɔ. Nyɔɔŋ ni ji kpawo lɛ nɔ gbi ni ji nyɔŋma lɛ nɔ lɛ, nyɛgbea nyɛhe hɔmɔ. Nyɛkatsua nitsumɔ ko, nyɛmaŋ lɛ mli bii jio, gbɔ ni ebato nyɛ jio.

3 Mose 26:40

“Shi kɛji amɛjaje amɛnifɔɔjianii lɛ kɛ amɛtsɛmɛi lɛ hu anifɔ̃ɔjianii ni amɛfee amɛshi mi, kɛ bɔ ni amɛbaaa amɛjeŋ bɔ ni mi mitaoɔ,

Luka 15:18

Mate shi matee mitsɛ ŋɔɔ ni mayakɛɛ lɛ akɛ, “Ataa, mifee Nyɔŋmɔ shishi esha ni mifee esha mishi bo,

Yoshua 18:26

kɛ Mizpe kɛ Kefira kɛ Moza.

Kojolɔi 10:10

Kɛkɛ ni amɛbolɔ amɛtsɛ Yehowa amɛkɛɛ: “Wɔfee esha wɔshi bo; ejaakɛ wɔkwa bo, wɔNyɔŋmɔ lɛ, ni wɔyasɔmɔ Baal nyɔŋmɔi lɛ.”

Kojolɔi 10:15

Shi Israelbii lɛ kɛɛ Yehowa akɛ, “Wɔfee esha; bo lɛ feemɔ wɔ nɔ fɛɛ nɔ ni sa ohiɛ; shi ofainɛ ni ojie wɔ ŋmɛnɛ kɛkɛ.”

Kojolɔi 2:4

Be ni Yehowa bɔfo lɛ wie nɛkɛ wiemɔi nɛɛ yɛ Israelbii lɛ fɛɛ atoiŋ lɛ, maŋ lɛ wo yara amɛfo.

Kojolɔi 20:23

Kɛkɛ ni amɛyiŋ kɛtee ni amɛyafo yɛ Yehowa hiɛ kɛyashi gbɛkɛ, ni amɛbi Yehowa nii akɛ, “Ani wɔtsi wɔbɛŋkɛ ekoŋŋ ni wɔkɛ wɔnyɛmimɛi, Benyaminbii lɛ, ayawu?” Yehowa kɛɛ akɛ, “Nyɛfãa ni nyɛkɛ amɛ ayawua.”

Kojolɔi 20:26

Kɛkɛ ni Israelbii lɛ fɛɛ ni ji ta muu lɛ fɛɛ yiŋ kɛtee Betel ni amɛyafo. Amɛho amɛtara shi yɛ jɛi yɛ Yehowa hiɛ, ni amɛhi ŋmãa nakai gbi lɛ kɛyashi gbɛkɛ. Amɛshãshãa shãa afɔlei kɛ shidaa afɔlei yɛ Yehowa hiɛ.

Kojolɔi 3:10

Yehowa Mumɔ lɛ bayi Otniel nɔ, ni etsɔ̃ Israelbii lɛ ahiɛnyiɛlɔ. Efã ta, ni Yehowa hã enine tsɔ̃ Mesopotamia maŋtsɛ Kushan Rishataim lɛ nɔ ni eye enɔ kunim.

1 Samuel 1:15

Shi Hana here nɔ ni ekɛɛ, “Dabida, minuŋtsɔ, mi ji yoo ko ni miwerɛ eho mihe naakpa. Minuko wain loo dãa ko ni wa; shi moŋ miifɔse mitsui mli awerɛho sane mashwie Yehowa hiɛ.

1 Samuel 10:17

Samuel kpee Israelbii lɛ kɛba Yehowa hiɛ yɛ Mizpa,

1 Samuel 12:10

Enɛ hã nyɛtsɛmɛi lɛ bolɔ amɛtsɛ Yehowa, ni amɛkɛɛ, ‘Wɔfee esha, ejaakɛ wɔkwa bo, Yehowa, ni wɔyasɔmɔ Baali kɛ Astarte moŋ. Shi agbɛnɛ heremɔ wɔ yɛ wɔhenyɛlɔi lɛ adɛŋ, ni wɔbaasɔmɔ bo.’

1 Samuel 7:15

Samuel kwɛ Israel nɔ ewala gbii abɔ fɛɛ.