1 Samuel 7:10 - ŊMALƐ KRƆŊKRƆŊ LƐ

¹⁰ Be ni Samuel shãa afɔle lɛ, Filistibii lɛ tsi bɛŋkɛ koni amɛbatua Israelbii lɛ. Shi Yehowa hã ŋwɛi shimɔ gbeyeigbeyei wo Filistibii lɛ nakai gbi lɛ, ni ehã amɛhiɛ bɔ, ni amɛnyɛɛɛ Israelbii lɛ ahiɛ amɛdamɔ.

Ṅmãle̱ Kroṅkroṅ Le̱

¹⁰ Ni beni Samuel šãa šã-afo̱le le̱, Filistibii le̱ tši be̱ṅke̱ ni ame̱ke̱ Israelbii le̱ abawu. Ši Iehowa hã nyoṅmo̱ šimo̱ wā wo Filistibii le̱ ye̱ nakai gbĩ le̱ no̱, ni eſieame̱, ni agbeame̱ ye̱ Israel hĩe.

1 Samuel 7:10 ပူးပေါင်းရင်းမြစ်များ

Lalai 18:15

Oo Yehowa, oyiŋaa naa kɛ ogugɔŋ mumɔ gbɛɛmɔ naa hã ŋshɔ mli ŋkajai lɛ je kpo, ni je lɛ shishitoo lɛ bakamɔ shi faŋŋ.

Lalai 29:3

Anuɔ Yehowa gbee yɛ ŋshɔ nɔ. Anunyam Nyɔŋmɔ lɛ miishi; Yehowa yɛ ŋshɔi wuji anɔ tete.

Lalai 29:4

Yehowa gbee lɛ yɛ hewalɛ. Yehowa gbee eyi obɔ̃ kɛ agbojee.

Lalai 78:66

Eshwie ehenyɛlɔi lɛ, ewo amɛ naanɔ hiɛgbele.

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

5 Mose 28:7

“Yehowa aaahã oplene ohenyɛlɔi ni aaabatua bo. Amɛaanyiɛ gbɛ kome nɔ kɛaabatua bo, shi amɛaatsɔ̃ gbɛi kpawo nɔ amɛaajo foi kɛaaje ohiɛ.

Yoshua 10:10

Yehowa hã Amorbii lɛ jijaa yɛ Israelbii lɛ ahiɛ, ni Israelbii lɛ gbe amɛ babaoo diɛŋtsɛ yɛ Gibeon. Asaŋ amɛnyiɛ Amorbii lɛ asɛɛ kɛtsɔ̃ Bet Horon Gɔŋ lɛ nɔ, ni amɛgbe amɛ kɛyashi Azeka kɛ Makeda tɔ̃ɔ.

Kojolɔi 4:15

Yehowa hã Sisera kɛ eta lɛ gbɛ shwã yɛ Barak klante naa. Kɛkɛ ni Sisera yi shi yɛ eshwiili lɛ mli, ni ejo foi yɛ enane naa.

Kojolɔi 5:20

Ŋulamii jɛ ŋwɛi wu, Amɛjɛ amɛgbɛhei lɛ amɛkɛ Sisera wu.

Kojolɔi 5:8

Amɛhala nyɔŋmɔi hei, kɛkɛ ni ta shɛ agboi lɛ anaa, Anãaa tsɛŋ loo akplɔ ko yɛ hii akpei nyɔŋmai ejwɛ dɛŋ yɛ Israel.

1 Samuel 12:17

Ani jeee ŋmãakuu be mli ji ŋmɛnɛ? Ojogbaŋŋ! Mibasɔle matsɛ Yehowa koni ehã ŋwɛi ashimɔ, ni nu hu anɛ koni nyɛkɛna nyɛle akɛ nɔ fɔŋ ni nyɛfee nyɛshi Yehowa kɛ maŋtsɛ ni nyɛbi akɛ ahã nyɛ lɛ, eda naakpa.”

1 Samuel 14:15

Kɛkɛ ni Filistibii ni yɔɔ nsra lɛ mli kɛ mɛi ni yɔɔ ŋa lɛ nɔ kɛ maji fɛɛ amli fɛɛ jijaa, ŋmiŋmi mɔmɔ asraafoi ni yɔ nsra lɛ mli lɛ kɛ mɛi ni tee amɛyaaye ofɔ̃ lɛ. Shikpɔŋ hu hoso, ni ehã jijaamɔ lɛ mli wo wu.

1 Samuel 2:10

Yehowa henyɛlɔi lɛ, aaakumɔ amɛ dukuduku ashwie shi; eeehã ŋwɛi ashimɔ awo amɛ; Yehowa ji je lɛ fɛɛ hiɛnyiɛlɔ; ebaahã emaŋtsɛ lɛ ana hewalɛ, ni emɔ ni efɔ lɛ mu lɛ eeehã eye kunim.”

1 Samuel 7:11

Israelbii lɛ fã kɛjɛ Mizpa ni amɛnyiɛ Filistibii lɛ asɛɛ ni amɛtswia amɛ nii aahu kɛyashɛ Bet-Kar jɔɔŋgbɛ.