1 Samuel 6:5 - ŊMALƐ KRƆŊKRƆŊ LƐ

⁵ No hewɔ lɛ, nyɛfea abua ni fũufuu nyɛ lɛ henɔ kɛ kwakwei ni bafite nyɛshikpɔŋ lɛ nɔ lɛ henɔ okadii, asaŋ nyɛwoa Israel Nyɔŋmɔ lɛ. Eko lɛ eeegbɔjɔ piŋmɔ lɛ mli ehã nyɛ kɛ nyɛjemawɔji lɛ kɛ nyɛshikpɔŋ lɛ hu.

Ṅmãle̱ Kroṅkroṅ Le̱

⁵ Nohewo̱ le̱ nyefea nyegbuṅtuii le̱ ano̱ ke̱ nyekwakwei ní fiteo̱ šikpoṅ le̱ hũ ano̱, ni nyeke̱ anumnyam aha Israel Nyoṅmo̱ le̱; ekole̱ eebagbo̱dšo̱ enine mli ye̱ nye ke̱ nyenyoṅmo̱i le̱ ke̱ nyešikpoṅ le̱ no̱.

1 Samuel 6:5 ပူးပေါင်းရင်းမြစ်များ

1 Kronika 16:28

Nyɛkafoa Yehowa, nyɛ akutsei fɛɛ; nyɛkafoa enunyam kɛ ehewalɛ.

1 Kronika 16:29

Nyɛŋɔa anunyam ni sa egbɛi lɛ nyɛhãa Yehowa; nyɛkɛ afɔle abaa; ni nyɛbaa ewe lɛ mli. Nyɛkotoa Yehowa kɛ nyɛjamɔ atadei.

Lalai 18:44

Maŋsɛɛbii ba amɛhe shi amɛhã mi; amrɔ nɔŋŋ ni amɛaanu mihe lɛ, amɛkotoɔ mi.

Lalai 32:4

Ejaakɛ shwane kɛ nyɔɔŋ fɛɛ lɛ, onine tsii yɛ minɔ. Mimli hewalɛ fɛɛ tã tamɔ bɔ ni latsaa be mli jeŋ dɔlɛ hãa nii amli nu ŋaa lɛ.

Lalai 39:10

Kaagwao mi dɔŋŋ; yii ni oyiɔ mi lɛ, ehã migbede.

Lalai 66:3

Nyɛkɛa Nyɔŋmɔ akɛ, “Onitsumɔi lɛ yɛ gbeyei pam! Ohewalɛ lɛ dalɛ naa sɔŋŋ hewɔ lɛ, ohenyɛlɔi kotoɔ bo kɛ gbeyeishemɔ.

2 Mose 12:12

“Ejaakɛ matsɔ̃ Ijipt shikpɔŋ lɛ nɔ kɛho nakai nyɔɔŋ lɛ mli, ni magbe Ijipt shikpɔŋ lɛ nɔ kromɔbi fɛɛ kromɔbi, gbɔmɔ ni jio, kooloo ni jio, koni mahã Ijipt nyɔŋmɔi lɛ fɛɛ ahe guɔ agbo, mi ji Yehowa.

2 Mose 8:17

Mose kɛ Aaron fee nakai. Aaron kpã enine mli, ni ekɛ etso lɛ tswa shikpɔŋ mlu lɛ, ni mlu lɛ tsɔ̃ tɔ̃ŋtɔ̃ŋ, ni eku eshwie gbɔmɔ kɛ kooloo fɛɛ nɔ. Shikpɔŋ mlu fɛɛ tsɔ tɔ̃ŋtɔ̃ŋ yɛ Ijipt.

2 Mose 8:24

Ni Yehowa fee nakai, ni ofɔii babaoo ba Farao we lɛ kɛ etsuji ashĩai lɛ kɛ Ijipt shikpɔŋ lɛ nɔ fɛɛ. Ni ofɔii lɛ hã shikpɔŋ lɛ hiɛ kpãtã.

2 Mose 8:5

Ni Yehowa kɛɛ Mose akɛ, “Kɛɛmɔ Aaron akɛ, ‘Kɔ otso lɛ ni okpã onine mli yɛ fai kɛ nujɔi ni agbala kɛ nu ni buabua shi lɛ anɔ, ni ohã kɔkɔdenei atumɔ kɛba Ijipt shikpɔŋ lɛ nɔ.’ ”

Yesaia 19:1

Ijipt toigbalamɔ he gbalɛ nɛ. Naa, Yehowa ta atatu ni hiɛ foi nɔ kɛmiiba Ijipt. Ijipt amãgãi lɛ atsui efã yɛ ehiɛ.

Yesaia 42:12

Nyɛhãa amɛwoa Yehowa hiɛ nyam, ni amɛ jie eyi yɛ ŋshɔnaa maji lɛ amli.

Yeremia 13:16

Nyɛwoa Yehowa, nyɛNyɔŋmɔ lɛ, hiɛ nyam, be ni ehãko duŋ awo nyɛ, be ni nyɛbɔ̃iko tɛrɛmɔ yɛ gɔji ni anɔ ewo duŋ lɛ anɔ; ni be mli ni okwɛɔ la gbɛ lɛ, ehãa duŋ moŋ woɔ, ni duŋ lɛ woɔ kabitii.

Yeremia 3:13

Kpɛlɛ̃mɔ otɔ̃mɔi lɛ anɔ kɛkɛ akɛ oyakpa shi yɛ heihei kɛnyiɛ maŋsɛɛ nyɔŋmɔi asɛɛ yɛ tso fɛɛ tso ni ebu kusuu shishi, ni asaŋ obooo mi toi. Mi, Yehowa, mikɛɛ.

Yoel 2:25

Nii ni baalabii kɛ otukpɛi kɛ gɔgɔmii lɛ eye, yɛ afii ni amɛba lɛ mli lɛ, mato nyɛ najiaŋ. Mi mihã baalabii ta babaoo lɛ ba batua nyɛ.

Yona 3:9

akɛ aleenɔ Yehowa hu aaatsake eyiŋ ni eto lɛ, ni eeeŋmɛɛ emli ni efu waa lɛ he, ni no aaahã wɔhiɛ akakpãtã lo!’ ”

Maleaki 2:2

Kɛji nyɛbooo wiemɔ nɛɛ toi ni nyɛkɛaato nyɛtsui mli, bɔ ni afee ni nyɛkɛ nyɛjeŋba awo migbɛi hiɛ nyam lɛ, no lɛ mibalomɔ nyɛ; mibalomɔ nibii ni ahãa nyɛ ni nyɛkɛkwɛɔ nyɛhe lɛ fɛɛ. Anɔkwale mli lɛ, milomɔ nibii nɛɛ momo ejaakɛ nyɛbuuu mikitã lɛ.

4 Mose 33:4

No mli lɛ Ijiptbii lɛ miifufuu amɛkromɔbii fɛɛ ni Yehowa egbe lɛ agbohii lɛ. Yehowa kɛ nɛkɛ gbele nɛɛ tsɔ̃ɔ akɛ eyɛ hewalɛ fe Ijiptbii awɔji lɛ.

Yohane 9:24

Kɛkɛ ni amɛtsɛ nuu ni sa ni eji shwilafo lɛ nɔ ni ji shii enyɔ, ni amɛkɛɛ lɛ akɛ, “Ŋɔɔ anunyam ohã Nyɔŋmɔ; shi wɔ lɛ wɔle akɛ gbɔmɔ nɛɛ eshafeelɔ ji lɛ.”

Yoshua 7:19

Kɛkɛ ni Yoshua kɛɛ Akan akɛ, “Mibi, wo Yehowa, Israel Nyɔŋmɔ lɛ, hiɛ nyam, ni asaŋ jiemɔ eyi. Jajemɔ otsɔ̃ɔ mi nɔ ni ofee; kaashiu mi sane nɔ.”

Kpojiemɔ 11:13

Ni nakai ŋmɛlɛtswaa lɛ nɔ nɔŋŋ lɛ shikpɔŋ hoso waa, ni maŋ lɛ mlijai nyɔŋma mli ekome wule, ni shikpɔŋ hosomɔ lɛ mli lɛ agbe gbɔmɛi akpei kpawo, ni mɛi ni shwɛ lɛ she gbeyei, ni amɛkɛ anunyam hã ŋwɛi Nyɔŋmɔ lɛ.

Kpojiemɔ 14:7

Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”

Kpojiemɔ 16:9

Ni la dɔlɛ ni naa wa lɛ shã gbɔmɛi, ni amɛwie musubɔɔ wiemɔi amɛshi Nyɔŋmɔ ni yɔɔ hewalɛ yɛ nɛkɛ haomɔi nɛɛ anɔ lɛ gbɛi lɛ, ni amɛtsakeee amɛtsui ni amɛwo ehiɛ nyam.

1 Samuel 5:11

No hewɔ lɛ, amɛtsu ni ayakpee Filistibii lɛ alumɛi lɛ fɛɛ kɛbakpe, ni amɛkɛɛ amɛ akɛ, “Nyɛhãa akɛ Israel Nyɔŋmɔ lɛ Kpãŋmɔ Adeka lɛ akua sɛɛ kɛyaa he ni ejɛ koni ekabagbe wɔ kɛ wɔbii.” Maŋ muu lɛ fɛɛ ejijaa ni yɛ gbeyei; ejaakɛ Nyɔŋmɔ kɛ amɛ miiye kɛ joomɔ ni naa wa yɛ jɛi.

1 Samuel 5:9

Be ni akɛ Kpãŋmɔ Adeka lɛ eyashɛ Gat sɛɛ lɛ, Yehowa kɛ abua piŋ maŋ lɛ mli mɛi bibii kɛ mɛi wuji fɛɛ, ni ekɛgbala Gatbii atoi, ni enɛ hã amɛ jijaa.

1 Samuel 6:8

No sɛɛ lɛ, awo Yehowa Kpãŋmɔ Adeka lɛ ama shwiili lɛ nɔ. Ato shika nibii ni akɛyaahã Yehowa akɛ sɔ̃yeli he afɔle lɛ awo adeka fioo mli, ni akɛma Kpãŋmɔ Adeka lɛ masɛi, ni nyɛjie lɛ gbɛ ni eya.