1 Samuel 6:3 - ŊMALƐ KRƆŊKRƆŊ LƐ

³ Osɔfoi lɛ to he akɛ, “Kɛji nyɛmiikpale Israel Nyɔŋmɔ lɛ Kpãŋmɔ Adeka lɛ kɛya lɛ, nyɛkahãa akɛ adeka lɛ miiyaa efolo. Ja nyɛkɛ afɔle fata he kɛtee nyɛyahã Israel Nyɔŋmɔ lɛ akɛ nyɛye sɔ̃; no dani nyɛhe aaatã, ni asaŋ nyɛaale nɔ hewɔ ni ekpako nyɛ piŋmɔ lɛ.”

Ṅmãle̱ Kroṅkroṅ Le̱

³ Ni ame̱kē̱: Ke̱dši nyemīhă ake̱ Israel Nyoṅmo̱ le̱ adeka le̱ aya le̱, nyekahã ake̱-mīya eflo, ši moṅ dša nyeke̱ sõ-afo̱le fata he ke̱-te; no dăni nyehe aatã ni nyeale nõ hewo̱ ni enine edšeko nyeno̱ le̱.

1 Samuel 6:3 ပူးပေါင်းရင်းမြစ်များ

Hiob 10:2

Mibakɛɛ Nyɔŋmɔ akɛ, ‘Kaabu mi fɔ!’ Tsɔɔmɔ mi nɔ hewɔ ni okɛ mi ena nɛɛ.

2 Mose 23:15

Nyɛyea Akpiti Gbijurɔ lɛ. Bɔ ni miwo nyɛ ehe kitã lɛ, nyɛyea aboloo ni akɛ mã akpiti shã. Nyɛyea lɛ gbii kpawo yɛ be ni ato lɛ, ni ji Abib nyɔɔŋ lɛ nɔ, ejaakɛ no nɔ nyɛshi Ijipt shikpɔŋ lɛ nɔ. No be lɛ mli lɛ mɔ ko akaba mi jamɔ ni ehiɛɛɛ edɛŋ afɔle.

2 Mose 34:20

Shi teji kromɔbi lɛ akɛ toobi akpɔ̃ lɛ, shi kɛji asumɔŋ ni akpɔ̃ lɛ lɛ no lɛ aku ekuɛŋ. Okpɔ̃ bihii ateŋ kromɔbii fɛɛ. “Mɔ ko mɔ ko akapue kɛ edɛ̃ folo yɛ mihiɛ.

2 Mose 8:15

Shi be ni Farao na akɛ ena mumɔhe fioo lɛ, ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

3 Mose 5:6

ni ekɛ esɔ̃ afɔle abahã Yehowa yɛ esha ni efee lɛ hewɔ. Ekɛ gwantɛŋ loo too abotia yoo aba, koni osɔfo lɛ akpãtã ahã lɛ yɛ esha ni efee lɛ hewɔ.

3 Mose 6:6

Esɔ̃ afɔle ni ekɛbaahã osɔfo lɛ ni akɛhã Yehowa lɛ nɛ: etoi lɛ ateŋ too ojwɛni ni kpa ko bɛ ehe; ejara afee bɔ ni bo oootsɔ̃ɔ.

5 Mose 16:16

“Afi fɛɛ afi mli lɛ nyɛteŋ hii fɛɛ abapuea yɛ Yehowa, nyɛNyɔŋmɔ lɛ, hiɛ shii etɛ̃, yɛ he ni Yehowa eŋɔ akɛ jɛi aja lɛ yɛ lɛ. Bei nɛɛ ji Ma Akpiti Gbijurɔ be lɛ kɛ Nikpamɔ Gbijurɔ be lɛ kɛ Asesei Agbijurɔ be lɛ. Mɔ ko mɔ ko akabapue yɛ Yehowa, nyɛNyɔŋmɔ lɛ, hiɛ kɛ edɛ̃ folo;

1 Samuel 5:11

No hewɔ lɛ, amɛtsu ni ayakpee Filistibii lɛ alumɛi lɛ fɛɛ kɛbakpe, ni amɛkɛɛ amɛ akɛ, “Nyɛhãa akɛ Israel Nyɔŋmɔ lɛ Kpãŋmɔ Adeka lɛ akua sɛɛ kɛyaa he ni ejɛ koni ekabagbe wɔ kɛ wɔbii.” Maŋ muu lɛ fɛɛ ejijaa ni yɛ gbeyei; ejaakɛ Nyɔŋmɔ kɛ amɛ miiye kɛ joomɔ ni naa wa yɛ jɛi.

1 Samuel 5:7

Be ni Ashdod hii lɛ na nɔ ni eba lɛ, amɛkɛɛ akɛ, “Akahã Israel Nyɔŋmɔ lɛ Kpãŋmɔ Adeka lɛ miihi wɔŋɔɔ dɔŋŋ, ejaakɛ Israel Nyɔŋmɔ lɛ kɛ wɔ kɛ wɔnyɔŋmɔ Dagon fɛɛ miiye kɛ joomɔ.”

1 Samuel 5:9

Be ni akɛ Kpãŋmɔ Adeka lɛ eyashɛ Gat sɛɛ lɛ, Yehowa kɛ abua piŋ maŋ lɛ mli mɛi bibii kɛ mɛi wuji fɛɛ, ni ekɛgbala Gatbii atoi, ni enɛ hã amɛ jijaa.

1 Samuel 6:8

No sɛɛ lɛ, awo Yehowa Kpãŋmɔ Adeka lɛ ama shwiili lɛ nɔ. Ato shika nibii ni akɛyaahã Yehowa akɛ sɔ̃yeli he afɔle lɛ awo adeka fioo mli, ni akɛma Kpãŋmɔ Adeka lɛ masɛi, ni nyɛjie lɛ gbɛ ni eya.

1 Samuel 6:9

Nyɛkwɛa eyisɛɛ. Kɛji adeka lɛ wo ehiɛ ema lɛ diɛŋtsɛ eshikpɔŋ lɛ nɔ gbɛ kɛtee Bet-Shemesh lɛ, no tsɔ̃ɔ akɛ Israel Nyɔŋmɔ lɛ ji mɔ ni ye wɔ awui kpeteŋkple nɛɛ lɛ; shi kɛji shwiili lɛ eyaaa jɛi lɛ belɛ wɔna wɔle akɛ jeee Yehowa piŋ wɔ lɛ, shi osharã ko kɛkɛ ni basharã wɔ.”