1 Samuel 6:16 - ŊMALƐ KRƆŊKRƆŊ LƐ

¹⁶ Filistibii amaŋtsɛmɛi enumɔ lɛ na nɔ ni afee lɛ, ni amɛku amɛsɛɛ amɛtee Ekron nakai gbi lɛ nɔŋŋ.

Ṅmãle̱ Kroṅkroṅ Le̱

¹⁶ Ni beni Filistibii le̱ alumei enumo̱ le̱ na le̱, ame̱kũ ame̱se̱ ame̱ba Ekron nakai gbĩ le̱ noṅṅ.

1 Samuel 6:16 ပူးပေါင်းရင်းမြစ်များ

Yoshua 13:3

ni ji kɛjɛ Shihor Faa lɛ naa, yɛ Ijipt bokãgbɛ lɛ, kɛtee kɛyashi Ekron husu lɛ naa, he ni abuɔ akɛ Kanaanbii ashikpɔŋ lɛ. Filistibii lɛ amaŋtsɛmɛi enumɔ ni ji Gaza maŋtsɛ kɛ Ashdod maŋtsɛ kɛ Ashkelon maŋtsɛ kɛ Gat maŋtsɛ kɛ Ekron maŋtsɛ yɛ jɛi, kɛ Avimbii ashikpɔŋ lɛ hu.

Kojolɔi 16:5

Filistibii alumɛi lɛ ba Delila ŋɔɔ, ni amɛkɛɛ lɛ akɛ, “Lakamɔ lɛ ni ona nɔ mli ni ehewalɛ kpele lɛ yɔɔ kɛ gbɛ nɔ ni wɔɔtsɔ̃ ni wɔɔnyɛ lɛ wɔmɔ koni wɔfĩ lɛ ni wɔjɔɔ ehe. Kɛkɛ lɛ wɔteŋ mɔ fɛɛ mɔ aaahã bo jwiɛtɛi kukuji akpe kɛ oha.”

Kojolɔi 3:3

Jeŋmaji ni ashi lɛ ji Filistibii alumɛi enumɔ lɛ kɛ Kanaanbii lɛ fɛɛ kɛ Sidonbii kɛ Hivbii ni yɔɔ Lebanon gɔŋ lɛ nɔ lɛ, kɛjɛ Baal-Hermon gɔŋ lɛ he kɛyashi he ni gɔji ateŋ gbɛ ni akɛyaa Hamat lɛ kã lɛ tɔ̃ɔ.

1 Samuel 5:10

No hewɔ lɛ, amɛhã awo Nyɔŋmɔ Kpãŋmɔ Adeka lɛ kɛtee Ekron. Shi be ni akɛ Nyɔŋmɔ Kpãŋmɔ Adeka lɛ yashɛ jɛi lɛ, Ekronbii lɛ bolɔ amɛkɛɛ, “Naa, akɛ Israel Nyɔŋmɔ lɛ Kpãŋmɔ Adeka lɛ eba wɔŋɔɔ koni ebagbe wɔ kɛ wɔbii.”

1 Samuel 6:12

Tsinai lɛ yi tɛmpɔŋ lɛ nɔ, ni amɛwo amɛyi amɛma Bet-Shemesh tɔ̃ɔ. Be ni amɛyaa nɛɛ fɛɛ lɛ belɛ tsinai lɛ miibolɔ. Amɛgbaaa ninejurɔ lɛ, amɛgbaaa abɛku hu. Filistibii alumɛi lɛ nyiɛ Kpãŋmɔ Adeka lɛ kɛ tsinai lɛ kɛ shwiili lɛ sɛɛ aahu kɛyashɛ Bet-Shemesh husu lɛ nɔ.

1 Samuel 6:4

Maŋbii lɛ bi akɛ, “Mɛni ji sɔ̃yeli afɔle ni wɔkɛyahã lɛ?” Osɔfoi lɛ jie naa akɛ, “Abua ni fũufuu nyɛ lɛ henɔ nibii enumɔ ni akɛ shika fee, kɛ kwakwei hu enumɔ ni akɛ shika fee yɛ Filistibii amaŋtsɛmɛi lɛ ayikulɛ naa, ejaakɛ hela kometoo lɛ nɔŋŋ ye nyɛ kɛ nyɛmaŋtsɛmɛi lɛ fɛɛ lɛ.