1 Samuel 6:14 - ŊMALƐ KRƆŊKRƆŊ LƐ

¹⁴ Shwiili lɛ babote Yoshua ni jɛ Bet-Shemesh lɛ ŋmɔshi, ni ebawa yɛ tɛ wulu ko ni yɔɔ jɛi lɛ masɛi. Ŋmɔ lɛ shi bii lɛ gbala shwiili lɛ tsei lɛ amli ni amɛkɛ tsinai lɛ shã shãafɔle amɛhã Yehowa.

Ṅmãle̱ Kroṅkroṅ Le̱

¹⁴ Ni ſīlii le̱ ba Iošua, Bet-Šemešnyo le̱, ṅmõši, ni ebawa dše̱i, ye̱ heni te̱ kpeteṅkple ko yo̱ le̱; ni ame̱gbla ſīli le̱ tšei le̱, ni ame̱ṅõ tšinai le̱ ame̱šã šã-afo̱le ame̱hã Iehowa.

1 Samuel 6:14 ပူးပေါင်းရင်းမြစ်များ

2 Samuel 24:18

Nakai gbi lɛ gbɛkɛ lɛ Gad ba David ŋɔɔ, ni ebakɛɛ lɛ akɛ, “Yaa ni oyama afɔleshãa latɛ ohã Yehowa yɛ Arauna, Yebusnyo lɛ ŋmãagbeemɔhe lɛ.”

2 Samuel 24:22

Arauna to he ehã David akɛ, “Minuŋtsɔ Maŋtsɛ, ŋɔɔ shikpɔŋ lɛ koni okɛshã afɔle fɛɛ afɔle ni sa yɛ ohiɛ ohã Yehowa. Naa tsinai koni akɛshã afɔle lɛ, kɛ tsinai akɔŋtsei koni akɛfee lai.

2 Samuel 24:25

Kɛkɛ ni Maŋtsɛ David ma afɔleshãa latɛ yɛ nɔ ehã Yehowa, ni eshã shãa afɔlei kɛ shidaa afɔlei. No hewɔ lɛ, Yehowa bo fai ni akpa lɛ ahã Israelbii lɛ toi, kɛkɛ ni gbele hela lɛ sɛɛ fo yɛ Israel.

1 Maŋtsɛmɛi 19:21

Kɛkɛ ni Elisha ku esɛɛ, ni eyamɔmɔ tsinai nta ni ekɛhuɔ lɛ, ni egbe amɛ, ni ekɛ tsinai lɛ akuɛŋtsei lɛ fee lai, ni ekɛhoo amɛloo lɛ. Ekɛ loo lɛ hã maŋbii ni ekɛ amɛ tsuɔ nii lɛ, ni amɛye. Kɛkɛ ni Elisha tee, ni eyanyiɛ Elia sɛɛ akɛ etsulɔ.

2 Mose 20:24

Nyɛshɔ̃a su afɔleshãa latɛ nyɛhãa mi, ni no nɔ nyɛshãa afɔlei yɛ, shãa afɔlei kɛ shidaa afɔlei kɛ gwantɛŋi kɛ tsinai lɛ yɛ. He fɛɛ he ni mato mahã nyɛ akɛ aja mi yɛ lɛ, maba nyɛŋɔɔ yɛ jɛi ni majɔɔ nyɛ.

Kojolɔi 21:4

Enɔ jetsɛremɔ lɛ, maŋ lɛ te shi maŋkɛ mra, ni amɛma afɔleshãa latɛ yɛ jɛi. Amɛshã shãa afɔlei kɛ hejɔlɛ afɔlei.

Kojolɔi 6:26

Maa afɔleshãa latɛ ohã Yehowa, oNyɔŋmɔ lɛ, yɛ tɛsaa ni yɔɔ biɛ nɛɛ yiteŋ. Too tɛi ni okɛbaama lɛ gbɛjianɔ bɔ ni sa akɛ ato lɛ; koni oŋɔ tsinanuu ni ji enyɔ lɛ, ni okɛshã shãa afɔle. Okɛ Ashera tso ni obaafo lɛ afee lai ni okɛshã.”

1 Samuel 11:5

Nakai be mli nɔŋŋ lɛ Saul miikpala tsinai kɛjɛ ŋa nɔ kɛmiiba shĩa, ni ebi mɔ ko akɛ, “Mɛni eba ni awo yara nɛkɛ nɛɛ?” Ni abɔ lɛ amaniɛ ni Yabesh bɔfoi lɛ kɛba lɛ.

1 Samuel 20:29

Ekɛɛ mi akɛ, ‘Ofainɛ, ŋmɛɛ mi gbɛ ni maya maba, ejaakɛ wɔweku lɛ miishã afɔle yɛ maŋ lɛ mli, ni minyɛminuu lɛ eshɛ mi akɛ miba. No hewɔ lɛ, kɛji oosumɔ misane lɛɛlɛŋ lɛ hã maya ni mayasara minyɛmimɛi lɛ maba.’ Enɛ hewɔ ni ebako maŋtsɛ okplɔŋmɛɛ lɛ shishi nɛɛ.”

1 Samuel 6:13

Bet-Shemeshbii miiku ŋmãa nɛkɛ be mli yɛ gɔji ateŋ jɔɔ lɛ mli. Be ni amɛyaawo amɛhiɛ nɔ lɛ, naa Kpãŋmɔ Adeka lɛ; amɛnya jogbaŋŋ diɛŋtsɛ.

1 Samuel 6:18

Nakai nɔŋŋ akɛ shika kwakwei lɛ hu yahã yɛ Filistibii lɛ amaji fɛɛ ni yɔɔ maŋtsɛmɛi enumɔ lɛ ashishi lɛ ayikulɛ naa. Maji ni atswa gbogbo awo amɛhe kɛ akrowai fɛɛ shi nɔ. Tɛ kpeteŋkple lɛ ni akɛ Yehowa Kpãŋmɔ Adeka lɛ ma nɔ yɛ Yoshua, Bet-Shemeshnyo lɛ ŋmɔ lɛ mli lɛ yɛ jɛi eeye sane nɛɛ he odase kɛbashi ŋmɛnɛ.