1 Samuel 5:8 - ŊMALƐ KRƆŊKRƆŊ LƐ

⁸ No hewɔ lɛ, amɛtsu ni ayakpee Filistibii lɛ alumɛi lɛ fɛɛ kɛba, ni amɛbi amɛ akɛ, “Te wɔfee Israel Nyɔŋmɔ lɛ Kpãŋmɔ Adeka lɛ tɛŋŋ?” Lumɛi lɛ kɛɛ amɛ akɛ, “Awo Israel Nyɔŋmɔ lɛ Kpãŋmɔ Adeka lɛ kɛba Gat.” No hewɔ lɛ, awo Israel Nyɔŋmɔ lɛ Kpãŋmɔ Adeka lɛ kɛtee Gat.

Ṅmãle̱ Kroṅkroṅ Le̱

⁸ Ni ame̱tšũ ni ayabua Filistibii le̱ alumei le̱ fẽ nā ke̱-ba ame̱ṅõ ni ame̱kē̱: Té wo̱o̱fe Israel Nyoṅmo̱ le̱ adeka le̱ he tēṅ? Ni ame̱here no̱ ake̱: Áwó Israel Nyoṅmo̱ le̱ adeka le̱ ke̱-ya Gat. Ni awó Israel Nyoṅmo̱ le̱ adeka le̱ ke̱-te Gat.

1 Samuel 5:8 ပူးပေါင်းရင်းမြစ်များ

1 Kronika 7:21

Tahat fɔ Zabad, ni Zabad fɔ Shutela. Efraim fɔ bihii enyɔ krokomɛi efata Shutela he. Amɛ ji Ezer kɛ Elead ni agbe amɛ be ni amɛtee amɛyaamɔmɔ Gatbii ni ji shikpɔŋ lɛ nɔ fɔmɔbii lɛ atsinai ekãa naa lɛ.

Amos 6:2

Nyɛhoa kɛyaa Kalne maŋ lɛ mli nyɛyakwɛa jɛi; ni nyɛjɛa jɛi nyɛyaa Hamat maŋ wulu lɛ mli; nyɛtsaa nɔ kɛkpelekea shi kɛyaa Filistibii amaŋ ni ji Gat lɛ mli hu. Ani amɛhi fe maŋtsɛyelihei nɛɛ lo; aloo amɛshikpɔŋ lɛ da fe nyɛshikpɔŋ lɛ,

Zakaria 12:3

Nakai be lɛ mli lɛ mahã Yerusalɛm atsɔ̃ tɛ ni tsii mahã maji ni bɔle lɛ lɛ. Maŋ fɛɛ maŋ ni aaaka tɛ nɛɛ nɔ womɔ lɛ aaapila. Ni shikpɔŋ lɛ nɔ majimaji krokomɛi fɛɛ aaafee ekome amɛte shi amɛwo Yerusalɛm.

Yoshua 13:3

ni ji kɛjɛ Shihor Faa lɛ naa, yɛ Ijipt bokãgbɛ lɛ, kɛtee kɛyashi Ekron husu lɛ naa, he ni abuɔ akɛ Kanaanbii ashikpɔŋ lɛ. Filistibii lɛ amaŋtsɛmɛi enumɔ ni ji Gaza maŋtsɛ kɛ Ashdod maŋtsɛ kɛ Ashkelon maŋtsɛ kɛ Gat maŋtsɛ kɛ Ekron maŋtsɛ yɛ jɛi, kɛ Avimbii ashikpɔŋ lɛ hu.

Yoshua 15:11

Husu lɛ tse mli, ni enyiɛ gɔŋ lɛ ni yɔɔ Ekron kooyigbɛ lɛ masɛi kɛtee Shikeron. No sɛɛ lɛ, etsɔ̃ Baala Gɔŋ lɛ nɔ kɛyaje Yamnia, ni enaa yamɔ Mediterenia Ŋshɔ lɛ.

1 Samuel 17:4

Kɛkɛ ni nuu tatsɛlɔ ko jɛ Filistibii lɛ ateŋ eje kpo koni ebatsɛ ta. Atsɛɔ gbɔmɔ nɛɛ Goliat ni ejɛ Gat. Ekwɔlɛ feɔ ninetalɔi ekpaa.

1 Samuel 17:52

Kɛkɛ ni Israel kɛ Yuda hii lɛ bɔ oshe, ni amɛtiu Filistibii lɛ kɛ foi. Amɛnyiɛ Filistibii lɛ asɛɛ kɛyashi Gat kɛ Ekron agboi lɛ anaa. Gbi lɛ Filistibii pilafoi jwere shi kɛjɛ Shaaraim aahu kɛyashi Gat kɛ Ekron fɛɛ.

1 Samuel 29:6

Akish tsɛ David, ni ekɛɛ lɛ akɛ, “Mina Yehowa akɛ anɔkwafo ji bo, ejaakɛ kɛjɛ gbi nɔ ni obaje miŋɔɔ aahu kɛbashi ŋmɛnɛ gbi nɛɛ, minako nɔ ko fɔŋ ko yɛ ohe. Kulɛ misumɔ akɛ oshi minɔ kɛya ta nɛɛ naa, shi maŋtsɛmɛi krokomɛi lɛ nyãaa ohe.

1 Samuel 5:11

No hewɔ lɛ, amɛtsu ni ayakpee Filistibii lɛ alumɛi lɛ fɛɛ kɛbakpe, ni amɛkɛɛ amɛ akɛ, “Nyɛhãa akɛ Israel Nyɔŋmɔ lɛ Kpãŋmɔ Adeka lɛ akua sɛɛ kɛyaa he ni ejɛ koni ekabagbe wɔ kɛ wɔbii.” Maŋ muu lɛ fɛɛ ejijaa ni yɛ gbeyei; ejaakɛ Nyɔŋmɔ kɛ amɛ miiye kɛ joomɔ ni naa wa yɛ jɛi.

1 Samuel 5:7

Be ni Ashdod hii lɛ na nɔ ni eba lɛ, amɛkɛɛ akɛ, “Akahã Israel Nyɔŋmɔ lɛ Kpãŋmɔ Adeka lɛ miihi wɔŋɔɔ dɔŋŋ, ejaakɛ Israel Nyɔŋmɔ lɛ kɛ wɔ kɛ wɔnyɔŋmɔ Dagon fɛɛ miiye kɛ joomɔ.”

1 Samuel 6:2

Kɛkɛ ni Filistibii lɛ kpee amɛsɔfoi kɛ mɛi ni feɔ nii ni amɛgbaa lɛ, ni amɛbi amɛ akɛ, “Te wɔfee Yehowa Kpãŋmɔ Adeka lɛ tɛŋŋ? Nyɛtsɔa wɔ nɔ ni sa akɛ wɔkɛfata adeka lɛ he ni wɔkɛku sɛɛ kɛya he ni ejɛ.”