1 Samuel 5:4 - ŊMALƐ KRƆŊKRƆŊ LƐ

⁴ Shi enɔ jetsɛremɔ leebi maaŋkpa be ni Ashdodbii lɛ te shi ekoŋŋ lɛ, naa, Dagon ekpa egbee shi ekoŋŋ, ni ehiɛ bu shikpɔŋ yɛ Yehowa Kpãŋmɔ Adeka lɛ hiɛ. Eyitso kɛ eniji enyɔ lɛ fɛɛ hu etserɛ yɛ ehe, ni amɛjwere kpoku lɛ nɔ. Dagon amãgã kuku lɛ kɛkɛ eshwɛ.

Ṅmãle̱ Kroṅkroṅ Le̱

⁴ Ni dšetše̱reno̱ lebi mā̃ṅkpa, beni ame̱te ši ekoṅ le̱, na, Dagon ekpa egbe ši ekoṅ, ni ehĩe bu ši ye̱ Iehowa adeka le̱ hĩe, ni Dagon yitšo ke̱ enidši enyo̱ le̱ fẽ dſere kpoku le̱ no̱; Dagon kuku le̱ ke̱ke̱ eſe̱.

1 Samuel 5:4 ပူးပေါင်းရင်းမြစ်များ

Yesaia 27:9

No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Yesaia 40:20

Mɔ ni bɛ jwiɛtɛi loo shika lɛ, eŋɔɔ tso ni wa, ni etaoɔ ŋaalɔ ni he esa, ni egbɔɔ amãgã ni nyɛɛɛ ehe etsi.

Yeremia 10:11

“Bɔ ni nyɛkɛɛ amɛ nɛ, ‘Nyɔŋmɔi lɛ ni jeee amɛ amɛbɔ ŋwɛi kɛ shikpɔŋ lɛ, amɛ fɛɛ amɛhiɛ baakpãtã yɛ shikpɔŋ lɛ nɔ kɛ atatuiaŋ fɛɛ.’ ”

Yeremia 10:14

Gbɔmɔ fɛɛ gbɔmɔ lɛ kwashia ni leee nii ni; shikaŋaalɔ fɛɛ shikaŋaalɔ hiɛ shwieɔ shi yɛ emãgã hewɔ, ejaakɛ emãgãi ni eshwie lɛ apasa ni; ni wala mumɔ bɛ amɛmli.

Yeremia 10:15

Yakayaka nibii ni; mɔ akɛlakaa, be ni abaagbala amɛtoi lɛ, amɛhiɛ baakpãtã.

Yeremia 50:2

“Shiɛmɔ koni okɛɛ jeŋ majimaji lɛ, shii aflaŋaa, ni oshiɛ; okashiu nɔ ko nɔ; kɛɛmɔ akɛ Aye Babilon nɔ kunim. Awo lɛ hiɛgbele Mardruk werɛ eho ehe. Ashwie Babilon amãgãi lɛ ahiɛ shi, amɛnaa diɛŋtsɛ ekpɛ amɛhe.

Daniel 11:8

Ebaaloo Siriabii anyɔŋmɔi lɛ kɛ dade amãgãi lɛ kɛ jwiɛtɛi kɛ shika nibii ni jara wa lɛ fɛɛ kɛya Ijipt. Ijipt maŋtsɛ nɛɛ baahi shi afii komɛi ni efãaa ta ewooo Siria maŋtsɛ lɛ.

Mika 1:7

Aaajwara emãgãi lɛ fɛɛ wɔtsɔwɔtsɔ, ni nii ni akɛbawoɔ Sɔlemɔ we lɛ ajwamãŋi anyɔmɔ lɛ, aaashã fɛɛ. Makumɔ ewɔji lɛ fɛɛ mabua shi ni etsɔ̃ tamɔ gɔŋ. Ajwamãŋi anyɔmɔwo mli Samaria bua nii nɛɛ anaa kɛjɛ, ni agbɛnɛ Samaria henyɛlɔi aaaloo fɛɛ kɛaatee amɛjamɔhei yɛ hei krokomɛi.”

1 Samuel 6:5

No hewɔ lɛ, nyɛfea abua ni fũufuu nyɛ lɛ henɔ kɛ kwakwei ni bafite nyɛshikpɔŋ lɛ nɔ lɛ henɔ okadii, asaŋ nyɛwoa Israel Nyɔŋmɔ lɛ. Eko lɛ eeegbɔjɔ piŋmɔ lɛ mli ehã nyɛ kɛ nyɛjemawɔji lɛ kɛ nyɛshikpɔŋ lɛ hu.