1 Samuel 5:3 - ŊMALƐ KRƆŊKRƆŊ LƐ

³ Enɔ jetsɛremɔ leebi maŋkpa be ni Ashdodbii te shi lɛ, naa, Dagon amãgã lɛ ni ekpa egbee shi, ni ehiɛ bu shikpɔŋ yɛ Yehowa Kpãŋmɔ Adeka lɛ hiɛ. No hewɔ lɛ, Ashdodbii lɛ wo Dagon amãgã lɛ nɔ, ni amɛkɛ lɛ ma emaahe lɛ ekoŋŋ.

Ṅmãle̱ Kroṅkroṅ Le̱

³ Ni dšetše̱reno̱ lebi mā̃ṅkpa, beni Ašdodbii le̱ te ši le̱, na, Dagon ekpa egbē ši, ni ehĩe bu šikpoṅ ye̱ Iehowa adeka le̱ hĩe. Ni ame̱wó Dagon no̱, ni ame̱ke̱le̱ mã emā̃he le̱ ekoṅ.

1 Samuel 5:3 ပူးပေါင်းရင်းမြစ်များ

1 Maŋtsɛmɛi 18:26

No hewɔ lɛ, Baal gbalɔi lɛ mɔ tsinanuu ni akɛhã amɛ lɛ, ni amɛsaa, ni amɛsɔle kɛ blɔmɔ amɛtsɛ Baal kɛjɛ leebileebi aahu kɛyashi shwane fintiŋŋ amɛkɛɛ, “Baal, heremɔ wɔ nɔ!” Amɛtumɔ kɛbɔle afɔleshãa latɛ lɛ ni amɛmã lɛ, shi anuuu gbee ko lɛ, nɔheremɔ ko hu jɛɛɛ he ko baaa.

Lalai 115:7

Amɛyɛ niji, shi amɛmɔ̃ɔɔ nɔ mli; amɛyɛ naji hu, shi amɛnyiɛɛɛ; ni amɛtswaaa amɛsɛŋ tete.

Lalai 97:7

Amãgã jalɔi fɛɛ, mɛi ni shwãa fɔ̃ɔ yakayaka amãgãi anɔ lɛ, ahiɛ aaagboi. Nyɛ nyɔŋmɔi fɛɛ tswɛm, nyɛkotoa Yehowa.

2 Mose 12:12

“Ejaakɛ matsɔ̃ Ijipt shikpɔŋ lɛ nɔ kɛho nakai nyɔɔŋ lɛ mli, ni magbe Ijipt shikpɔŋ lɛ nɔ kromɔbi fɛɛ kromɔbi, gbɔmɔ ni jio, kooloo ni jio, koni mahã Ijipt nyɔŋmɔi lɛ fɛɛ ahe guɔ agbo, mi ji Yehowa.

Yesaia 19:1

Ijipt toigbalamɔ he gbalɛ nɛ. Naa, Yehowa ta atatu ni hiɛ foi nɔ kɛmiiba Ijipt. Ijipt amãgãi lɛ atsui efã yɛ ehiɛ.

Yesaia 40:20

Mɔ ni bɛ jwiɛtɛi loo shika lɛ, eŋɔɔ tso ni wa, ni etaoɔ ŋaalɔ ni he esa, ni egbɔɔ amãgã ni nyɛɛɛ ehe etsi.

Yesaia 41:7

Kapintafonyo woɔ shikaŋaalɔ ekãa, ni mɔ ni kɛ hamle jajeɔ nii ahiɛ lɛ hu feɔ mɔ ni tswiaa nii yɛ sɔ̃ŋmɛtɛ nɔ nakai nɔŋŋ. Ekɛɔ yɛ nii ni asɔ̃ɔ lɛ he akɛ ‘Ehi!’ Ni amɛkalaa mli plɛkoo koni ekakpɔ!

Yesaia 46:7

Amɛwoɔ lɛ amɛtswaa amɛkɔŋ, ni amɛtereɔ lɛ kɛyaa; amɛkɛ lɛ yamaa shi yɛ he ko, ni jɛi emaa; enyɛɛɛ ehe etsi kɛjɛ emaahe lɛ. Kɛji abolɔ atsɛ lɛ lɛ, ehereee mɔ nɔ; ni ehereee mɔ yiwala kɛjɛɛɛ ehaomɔ mli.

Yeremia 10:8

Buului kɛ kwashiai sɔŋŋ ji amɛ; yakanii amɛkaseɔ lɛ, ejaakɛ tso amãgã dɛŋnii amɛkaseɔ lɛ.

Zefania 2:11

Amɛbaashe Yehowa gbeyei naakpa. Yehowa baashwie shikpɔŋ lɛ nɔ jemawɔji fɛɛ ahiɛ shi; ni kɛkɛ lɛ maji fɛɛ baaja Yehowa yɛ amɛteŋ mɔ fɛɛ mɔ diɛŋtsɛ shikpɔŋ nɔ.

Marko 3:11

Ni be fɛɛ be ni mumɔi fɔ̃ji lɛ aaana lɛ lɛ, amɛhoɔ amɛgbeɔ shi yɛ ehiɛ ni amɛbolɔɔ akɛ, “Bo ji Nyɔŋmɔ Bi lɛ.”

1 Samuel 6:1

Yehowa Kpãŋmɔ Adeka lɛ ye nyɔji kpawo yɛ Filistibii lɛ aŋɔɔ.

1 Samuel 6:5

No hewɔ lɛ, nyɛfea abua ni fũufuu nyɛ lɛ henɔ kɛ kwakwei ni bafite nyɛshikpɔŋ lɛ nɔ lɛ henɔ okadii, asaŋ nyɛwoa Israel Nyɔŋmɔ lɛ. Eko lɛ eeegbɔjɔ piŋmɔ lɛ mli ehã nyɛ kɛ nyɛjemawɔji lɛ kɛ nyɛshikpɔŋ lɛ hu.