1 Samuel 5:11 - ŊMALƐ KRƆŊKRƆŊ LƐ

¹¹ No hewɔ lɛ, amɛtsu ni ayakpee Filistibii lɛ alumɛi lɛ fɛɛ kɛbakpe, ni amɛkɛɛ amɛ akɛ, “Nyɛhãa akɛ Israel Nyɔŋmɔ lɛ Kpãŋmɔ Adeka lɛ akua sɛɛ kɛyaa he ni ejɛ koni ekabagbe wɔ kɛ wɔbii.” Maŋ muu lɛ fɛɛ ejijaa ni yɛ gbeyei; ejaakɛ Nyɔŋmɔ kɛ amɛ miiye kɛ joomɔ ni naa wa yɛ jɛi.

Ṅmãle̱ Kroṅkroṅ Le̱

¹¹ Nohewo̱ le̱ ame̱tšũ ayabua Filistibii le̱ alumei le̱ fē nā ke̱-kpe, ni ame̱-kē̱: Nyehãa ake̱ Israel Nyoṅmo̱ le̱ adeka le̱ ayaä, ní ake̱-kū se̱ ke̱-ya heni edše̱, koni ekabagbewo̱ ke̱ wo̱maṅbii le̱! Edšake̱ maṅ mū le̱ fẽ edšidšā ni ye̱ gbeyei; Nyoṅmo̱ nine etsī naakpa ye̱ dše̱i.

1 Samuel 5:11 ပူးပေါင်းရင်းမြစ်များ

2 Mose 10:7

Kɛkɛ ni Farao tsuji lɛ kɛɛ lɛ akɛ, “Mɛɛ beyinɔ nɔŋŋ ni nuu nɛɛ aaahao wɔ kɛyashi? Hã Israelbii lɛ aya ni amɛyasɔ̃mɔ Yehowa, amɛNyɔŋmɔ lɛ. Ani oleko lolo akɛ Ijipt hiɛ miikpãtã?”

1 Samuel 5:10

No hewɔ lɛ, amɛhã awo Nyɔŋmɔ Kpãŋmɔ Adeka lɛ kɛtee Ekron. Shi be ni akɛ Nyɔŋmɔ Kpãŋmɔ Adeka lɛ yashɛ jɛi lɛ, Ekronbii lɛ bolɔ amɛkɛɛ, “Naa, akɛ Israel Nyɔŋmɔ lɛ Kpãŋmɔ Adeka lɛ eba wɔŋɔɔ koni ebagbe wɔ kɛ wɔbii.”

1 Samuel 5:6

Yehowa piŋ Ashdodbii lɛ waa diɛŋtsɛ. Ehã abua fuufuu amɛ, ni gbeyei mɔmɔ amɛ yɛ Ashdod maŋ lɛ mli diɛŋtsɛ, kɛ ekpokpai anɔ fɛɛ.

1 Samuel 6:5

No hewɔ lɛ, nyɛfea abua ni fũufuu nyɛ lɛ henɔ kɛ kwakwei ni bafite nyɛshikpɔŋ lɛ nɔ lɛ henɔ okadii, asaŋ nyɛwoa Israel Nyɔŋmɔ lɛ. Eko lɛ eeegbɔjɔ piŋmɔ lɛ mli ehã nyɛ kɛ nyɛjemawɔji lɛ kɛ nyɛshikpɔŋ lɛ hu.