1 Samuel 5:10 - ŊMALƐ KRƆŊKRƆŊ LƐ

¹⁰ No hewɔ lɛ, amɛhã awo Nyɔŋmɔ Kpãŋmɔ Adeka lɛ kɛtee Ekron. Shi be ni akɛ Nyɔŋmɔ Kpãŋmɔ Adeka lɛ yashɛ jɛi lɛ, Ekronbii lɛ bolɔ amɛkɛɛ, “Naa, akɛ Israel Nyɔŋmɔ lɛ Kpãŋmɔ Adeka lɛ eba wɔŋɔɔ koni ebagbe wɔ kɛ wɔbii.”

Ṅmãle̱ Kroṅkroṅ Le̱

¹⁰ Ni ame̱hã ake Nyoṅmo̱ adeka le̱ te Ekron. Ni eba mli ake̱, beni Nyoṅmo̱ adeka le̱ se̱ Ekron le̱, Ekronbii le̱ blo̱ ame̱kē̱: Ame̱ke̱ Israel Nyoṅmo̱ le̱ adeka le̱ eba wo̱ṅõ, koni ame̱ke̱-bagbewo̱ ke̱ wo̱maṅbii le̱.

1 Samuel 5:10 ပူးပေါင်းရင်းမြစ်များ

2 Samuel 7:9

ni he fɛɛ he ni oyaa lɛ mifata ohe, ni miplenee ohenyɛlɔi fɛɛ yɛ ohiɛ, ni mihã ona gbɛi kpeteŋkple tamɔ gbɔmɛi wuji ni yɔɔ shikpɔŋ lɛ nɔ lɛ.

2 Maŋtsɛmɛi 1:2

Israel Maŋtsɛ Ahazia, jɛ eŋwɛi asa ni yɔɔ Samaria lɛ samflɛ mli eyagbee shi, ni epila waa. No hewɔ lɛ, etsu bɔfoi koni amɛyabi Baal-Zebub, Filistibii anyɔŋmɔ ni yɔɔ Ekron lɛ nii akɛ, “Ani hela ni yeɔ mi nɛɛ, mana hewalɛ lo?”

1 Kronika 7:21

Tahat fɔ Zabad, ni Zabad fɔ Shutela. Efraim fɔ bihii enyɔ krokomɛi efata Shutela he. Amɛ ji Ezer kɛ Elead ni agbe amɛ be ni amɛtee amɛyaamɔmɔ Gatbii ni ji shikpɔŋ lɛ nɔ fɔmɔbii lɛ atsinai ekãa naa lɛ.

Amos 1:8

Mibaplene Ashdod maŋ lɛ mli bii kɛ lumɔ ni yeɔ Ashkelon nɔ lɛ hu; ni mibatsɔ̃ mihiɛ mawo Ekron hu, ni mibakpãtã Filistibii ni baashwɛ lɛ fɛɛ ahiɛ.”

Amos 6:2

Nyɛhoa kɛyaa Kalne maŋ lɛ mli nyɛyakwɛa jɛi; ni nyɛjɛa jɛi nyɛyaa Hamat maŋ wulu lɛ mli; nyɛtsaa nɔ kɛkpelekea shi kɛyaa Filistibii amaŋ ni ji Gat lɛ mli hu. Ani amɛhi fe maŋtsɛyelihei nɛɛ lo; aloo amɛshikpɔŋ lɛ da fe nyɛshikpɔŋ lɛ,

Yoshua 13:3

ni ji kɛjɛ Shihor Faa lɛ naa, yɛ Ijipt bokãgbɛ lɛ, kɛtee kɛyashi Ekron husu lɛ naa, he ni abuɔ akɛ Kanaanbii ashikpɔŋ lɛ. Filistibii lɛ amaŋtsɛmɛi enumɔ ni ji Gaza maŋtsɛ kɛ Ashdod maŋtsɛ kɛ Ashkelon maŋtsɛ kɛ Gat maŋtsɛ kɛ Ekron maŋtsɛ yɛ jɛi, kɛ Avimbii ashikpɔŋ lɛ hu.

Yoshua 15:11

Husu lɛ tse mli, ni enyiɛ gɔŋ lɛ ni yɔɔ Ekron kooyigbɛ lɛ masɛi kɛtee Shikeron. No sɛɛ lɛ, etsɔ̃ Baala Gɔŋ lɛ nɔ kɛyaje Yamnia, ni enaa yamɔ Mediterenia Ŋshɔ lɛ.

Yoshua 15:45

Maji krokomɛi hu ni jwere ŋa nɔ shikpɔŋ lɛ nɔ ji Ekron kɛ ehe maji kɛ ehe akrowai lɛ; ejwere shi kɛjɛ Ekron diɛŋtsɛ aahu kɛyanina Mediterenia Ŋshɔ lɛ, maji wuji kɛ maji bibii fɛɛ,

Kojolɔi 1:18

Asaŋ Yuda yaŋɔ Gaza kɛ ehe shikpɔji lɛ kɛ Ashkelon kɛ ehe shikpɔji lɛ kɛ Ekron kɛ ehe shikpɔji lɛ.

1 Samuel 17:52

Kɛkɛ ni Israel kɛ Yuda hii lɛ bɔ oshe, ni amɛtiu Filistibii lɛ kɛ foi. Amɛnyiɛ Filistibii lɛ asɛɛ kɛyashi Gat kɛ Ekron agboi lɛ anaa. Gbi lɛ Filistibii pilafoi jwere shi kɛjɛ Shaaraim aahu kɛyashi Gat kɛ Ekron fɛɛ.

1 Samuel 5:11

No hewɔ lɛ, amɛtsu ni ayakpee Filistibii lɛ alumɛi lɛ fɛɛ kɛbakpe, ni amɛkɛɛ amɛ akɛ, “Nyɛhãa akɛ Israel Nyɔŋmɔ lɛ Kpãŋmɔ Adeka lɛ akua sɛɛ kɛyaa he ni ejɛ koni ekabagbe wɔ kɛ wɔbii.” Maŋ muu lɛ fɛɛ ejijaa ni yɛ gbeyei; ejaakɛ Nyɔŋmɔ kɛ amɛ miiye kɛ joomɔ ni naa wa yɛ jɛi.

1 Samuel 5:9

Be ni akɛ Kpãŋmɔ Adeka lɛ eyashɛ Gat sɛɛ lɛ, Yehowa kɛ abua piŋ maŋ lɛ mli mɛi bibii kɛ mɛi wuji fɛɛ, ni ekɛgbala Gatbii atoi, ni enɛ hã amɛ jijaa.

1 Samuel 6:1

Yehowa Kpãŋmɔ Adeka lɛ ye nyɔji kpawo yɛ Filistibii lɛ aŋɔɔ.