1 Samuel 4:4 - ŊMALƐ KRƆŊKRƆŊ LƐ

⁴ No hewɔ lɛ, atsu atee Shilo, ni ayawo Yehowa Kpãŋmɔ Adeka lɛ kɛ enɔ kerubim lɛ, ni ji Yehowa sɛ̃i lɛ, kɛba. Hofni kɛ Finehas, ni ji Eli bihii enyɔ lɛ, fata he ni akɛ Nyɔŋmɔ Kpãŋmɔ Adeka lɛ ba lɛ.

Ṅmãle̱ Kroṅkroṅ Le̱

⁴ Ke̱ke̱ ni maṅ le̱ tšũ ate Šilo, ni ayawó Iehowa Zebaot ni táa *kerubim le̱ ano̱ le̱ kpăùmo̱ adeka le̱ ke̱-ba. Ni Hofni ke̱ Pinehas, Eli bihĩĩ enyo̱ le̱, dši mei ni ke̱ Nyoṅmo̱ kpãṅmo̱ adeka le̱ yo̱ dše̱i. *2 Sam. 6,2.

1 Samuel 4:4 ပူးပေါင်းရင်းမြစ်များ

2 Samuel 15:24

Osɔfo Abiatar ba; ni Osɔfo Zadok hu shɛ shi ni Levibii lɛ fɛɛ fata he ni amɛtere Kpãŋmɔ Adeka lɛ; ni ato Kpãŋmɔ Adeka lɛ ama shi kɛyashi maŋbii lɛ fɛɛ je maŋ lɛ mli ho amɛgbe naa.

2 Samuel 6:2

Kɛkɛ ni David kɛ gbɔmɛi nɛɛ yiŋ kɛtee Baala maŋ lɛ mli yɛ Yuda shikpɔŋ lɛ nɔ, koni amɛyawo Nyɔŋmɔ Kpãŋmɔ Adeka lɛ. Akɛ Yehowa Ofe ni elumɔyeli sɛi lɛ ma kerubim lɛ anɔ lɛ gbɛi ewo adeka lɛ.

2 Maŋtsɛmɛi 19:15

Ni Hezekia yasɔle ekpa Yehowa fai akɛ, “Ao, Yehowa Israel Nyɔŋmɔ, bo mɔ ni oyeɔ lumɔ yɛ kerubim lɛ anɔ, bo okome too ji Nyɔŋmɔ yɛ shikpɔŋ lɛ nɔ maŋtsɛmɛi lɛ fɛɛ nɔ. Bo obɔ ŋwɛi kɛ shikpɔŋ.

Lalai 80:1

Oo Israel Kpalalɔ, bo toi! Bo ni okpala Yosef tamɔ tooku, Bo ni ota kerubim anɔ, baajie ohe shi faŋŋ otsɔ̃ɔ.

Lalai 80:2

Yɛ Efraim kɛ Benyamin kɛ Manase hiɛ. Teemɔ ohewalɛ lɛ shi ni oba obahere wɔ!

Lalai 99:1

Yehowa miiye maŋtsɛ; maji lɛ ahe akpokpo! Eta maŋtsɛ sɛi nɔ yɛ kerubim anɔ. Shikpɔŋ lɛ ahoso!

Yesaia 37:16

“Ao Yehowa, Taiatsɛ, Israel Nyɔŋmɔ ni omaŋtsɛ sɛi lɛ ma kerubim anɔ, bo ji Nyɔŋmɔ hã maŋtsɛyelii fɛɛ, bo okoome pɛ obɔ ŋwɛi kɛ shikpɔŋ.

Maleaki 1:9

No hewɔ lɛ, osɔfoi, agbɛnɛ nyɛkpaa Naa Nyɔŋmɔ fai koni eduro wɔ. Ani nɛkɛ nikeenii ni jɛ nyɛdɛŋ nɛɛ baahã ekwɛ nyɛteŋ mɔ ko hiɛ?

4 Mose 4:15

Kɛji Aaron kɛ ebihii lɛ eha Kpee Buu lɛ kɛ Buu lɛ mli nibii lɛ hu fɛɛ ahe amɛgbe naa, ni maŋ lɛ baafã nyiɛmɔ lɛ, no mli dani Kohatbii lɛ abahole nibii lɛ, shi moŋ amɛkɛ amɛnine akata nibii lɛ eko he koni amɛkagboi. Enɛɛmɛi ji Kpee Buu lɛ he nibii ni Kohatbii lɛ baatere lɛ.

4 Mose 4:5

“Kɛji maŋ lɛ baafã nyiɛmɔ lɛ, Aaron kɛ ebihii lɛ aya Kpee Buu lɛ mli, ni amɛyajie muhɔɔ ni tsiɔ Kpãŋmɔ Adeka lɛ hiɛ lɛ koni amɛkɛ muhɔɔ nɛɛ aha Kpãŋmɔ Adeka lɛ he.

4 Mose 7:89

Be ni Mose bote Kpee Buu lɛ mli koni ekɛ Yehowa ayawie lɛ, enu Yehowa gbee ni ekɛ lɛ, Mose lɛ, miiwie kɛjɛ Kpãŋmɔ Adeka lɛ naanɔ lɛ nɔ gbɛ yɛ kerubim enyɔ lɛ ateŋ.

1 Samuel 1:24

Be ni Hana tse gbekɛ lɛ fufɔ lɛ sɛɛ lɛ, ekɛ gbekɛ lɛ tee Yehowa we lɛ yɛ Shilo, ni ehiɛ edɛŋ tsinanuu ni eye afii etɛ̃ kɛ ŋmaa mamu kiloi nyɔŋma kɛ wain tɔ kome. Nakai be mli tete lɛ Samuel edako.

1 Samuel 14:3

ni Ahia ji mɔ ni wo efod lɛ. Osɔfo Eli, mɔ ni ye Yehowa osɔfo yɛ Shilo lɛ, bi Finehas bi Ikabod nyɛmi Ahitub bi ji Ahia nɛɛ. Shi maŋ lɛ leee kwrakwra akɛ Yonatan eje amɛteŋ etee he ko.

1 Samuel 2:22

Eli egbɔ naakpa; ni ababɔɔ lɛ nibii fɛɛ ni ebihii lɛ feɔ Israelbii lɛ, kɛ bɔ ni amɛkɛ yei ni batsuɔ nii yɛ Kpee Buu lɛ shinaa lɛ shi lɛ wɔɔ.