1 Samuel 4:3 - ŊMALƐ KRƆŊKRƆŊ LƐ

³ Be ni Israel tabilɔi lɛ ku amɛsɛɛ kɛjɛ ta lɛ naa kɛba amɛshitoohe lɛ, Israel maŋ onukpai lɛ kɛɛ akɛ, “Mɛɛ hewɔ ni Yehowa ŋmɛ gbɛ ni Filistibii lɛ anine tsɔ̃ wɔnɔ ŋmɛnɛ nɛkɛ? Nyɛhãa ni wɔyaŋɔa Yehowa Kpãŋmɔ Adeka lɛ yɛ Shilo kɛbaa biɛ koni ebahi wɔteŋ, koni ehere wɔyiwala yɛ wɔhenyɛlɔi lɛ adɛŋ.”

Ṅmãle̱ Kroṅkroṅ Le̱

³ Ni beni maṅ le̱ ba nsra le̱ṅ le̱, Israel onukpai le̱ kē̱: Mẽbewo̱ Iehowa hã Filistibii le̱ gbewo̱ ṅme̱ne̱ ne̱ke̱? Nyehãa *wo̱yaṅõa Iehowa kpāṅmo̱ adeka le̱ ke̱-dše̱a Šilo ke̱-baä wo̱ṅõ, ní eba wo̱teṅ, ní ehere wo̱yiwala ke̱-dše̱ wo̱henye̱lo̱i le̱ adeṅ! *14,18.

1 Samuel 4:3 ပူးပေါင်းရင်းမြစ်များ

2 Samuel 15:25

Kɛkɛ ni Maŋtsɛ David kɛɛ Zadok akɛ, “Kuu osɛɛ okɛ Kpãŋmɔ Adeka lɛ aya maŋ lɛ mli. Kɛji Yehowa miisumɔ lɛ no lɛ wɔsɛɛ ko kɛ̃, eeehã maku misɛɛ koni maba mabana Kpãŋmɔ Adeka lɛ kɛ etoohe lɛ mli fɛɛ ekoŋŋ;

1 Kronika 17:1

Maŋtsɛ David tsu atsɛ gbalɔ Natan ahã lɛ yɛ emaŋtsɛ mɔɔ lɛ mli, ni ekɛɛ Natan akɛ, “Bɛ oona, mi lɛ mina tsenedrutso tsu mli mikã be mli ni Yehowa Kpãŋmɔ Adeka lɛ moŋ yɛ buu mli.”

Lalai 74:1

Oo, Naa Nyɔŋmɔ, mɛɛba oshɛrɛ wɔ oshwie kwraa nɛkɛ? Mɛɛba omlifu lɛ jɛleɔ woɔ olɛɛhe lɛ toi nɛɛ?

Lalai 74:11

Mɛɛba osu onine? Mɛɛba osu ohewalɛ ninejurɔ lɛ owo omlishi?

Yesaia 50:1

Bɔ ni Yehowa kɛɛ nɛ, “Nɛgbɛ nyɛnyɛ shwiemɔ wolo ni mikɛshwie lɛ lɛ yɔɔ? Minyɔjiatsɛmɛi lɛ ateŋ namɔ mihɔɔ nyɛ miha? Dabida! Nyɛnishaianii lɛ ahewɔ ni ahɔɔ nyɛ, ni nyɛtɔ̃mɔi lɛ ahewɔ ashwie nyɛnyɛ.

Yesaia 58:3

Amɛkɛɔ akɛ, “Mɛɛba wɔhiɔ ŋmaa, ni bo, Yehowa, onaaa lɛ? Mɛɛba wɔhumiɔ shi, ni onaaa lɛ?” Shi Yehowa kɛɛ, “Naa, nyɛŋmãahilɛ gbi lɛ nɔ lɛ, nyɛ diɛŋtsɛ nyɛnɔ mli nyɛfoɔ, ni nyɛwaa nyɛnitsulɔi fɛɛ ayi.

Yesaia 59:1

Naa, Yehowa nine efoko kuku bɔ ni no hewɔ lɛ, enyɛɛɛ yiwala ehere; asaŋ etoii hu tsimɔko bɔ ni enuuu nii.

Yesaia 59:2

Shi moŋ nyɛnishaianii lɛ ji nii ni egbala nyɛ kɛ Nyɔŋmɔ teŋ lɛ. Nyɛhe eshai lɛ ji nii ni etsĩ nyɛhiɛ, hewɔ ni ebooo nyɛ toi lɛ.

Yeremia 3:16

Mi, Yehowa, miikɛɛ akɛ nakai be mli, be ni nyɛfɔfɔi, ni nyɛyi efa pii yɛ shikpɔŋ lɛ nɔ lɛ, awieŋ Yehowa Kpãŋmɔ Adeka lɛ he dɔŋŋ; ajwɛŋ ehe lɛ, akaiŋ lɛ ni ataoŋ lɛ, ni akpɛŋ ekroko dɔŋŋ.

Yeremia 7:4

Nyɛkɛ nyɛhiɛ akafɔ̃a nɛkɛ lakamɔ wiemɔi nɛɛ anɔ akɛ, ‘Yehowa Sɔlemɔ we nɛ! Yehowa Sɔlemɔ we nɛ! Yehowa Sɔlemɔ we nɛ!’

4 Mose 10:33

No hewɔ lɛ, Israelbii lɛ fã nyiɛmɔ kɛjɛ Sinai, ni ji Yehowa Gɔŋ lɛ he; ni amɛnyiɛ gbii etɛ̃; ni Yehowa Kpãŋmɔ Adeka lɛ nyiɛ amɛhiɛ gbii etɛ̃ lɛ koni etsɔ̃ɔ amɛ amɛshitoohe.

4 Mose 10:35

Kɛji eshɛ be ni Kpãŋmɔ Adeka lɛ baafã nyiɛmɔ lɛ, Mose kɛɔ akɛ, “Wo ohe nɔ, Yehowa, koni ohenyɛlɔi lɛ agbɛ ashwã, koni mɛi ni teɔ shi woɔ bo lɛ ajo foi yɛ ohiɛ.”

4 Mose 31:6

Mose wo tabilɔi nɛɛ gbɛ kɛtee ta lɛ; amɛkɛ Osɔfo Eleazar bi Finehas tee; ehiɛ nibii krɔŋkrɔŋi lɛ kɛ tɛtɛrɛmantɛrɛi ni akɛbɔɔ oshe lɛ.

5 Mose 29:24

Kɛkɛ lɛ majimaji fɛɛ aaabi akɛ, ‘Mɛni ba ni Yehowa fee shikpɔŋ nɛɛ nɛkɛ nɛɛ? Mɛni kɛ mlifu ni naa wa nɛkɛ ba?’

5 Mose 31:26

“Nyɛŋɔa nɛkɛ Mla Wolo nɛɛ ni nyɛkɛŋmɛa Yehowa, nyɛNyɔŋmɔ lɛ, Kpãŋmɔ Adeka lɛ masɛi koni eye nyɛhe odase yɛ jɛi.

2 Timoteo 3:5

mɛi ni hiɛ Nyɔŋmɔjamɔ kpo nɔ gbɛ su lɛ mli, shi amɛkwa emli hewalɛ lɛ. Tsi ohe kɛjɛ nɛkɛ gbɔmɛi ahe.

Hebribii 9:4

Jɛi shika tsofakɛŋma shãa nɔ lɛ kɛ Kpãŋmɔ Adeka ni akɛ shika eha he fɛɛ lɛ yɔɔ; no mli shika kpulu kɛ emli mana lɛ kɛ Aaron tso ni gba afofro lɛ kɛ kpãŋmɔ tɛi tɛtɛrɛbii lɛ yɔɔ.

Yoshua 4:7

nyɛjie naa nyɛhã amɛ akɛ, ‘Yordan Faa lɛŋ nu lɛ sɛɛ fo yɛ Kpãŋmɔ Adeka lɛ hiɛ be ni akɛfo Yordan lɛ.’ No hewɔ lɛ, tɛi nɛɛ baatsɔ̃ kaimɔ nɔ ahã Israelbii kɛya naanɔ.”

Yoshua 6:6

Yoshua, Nun bi lɛ, tsɛ osɔfoi lɛ, ni ekɛɛ amɛ akɛ, “Nyɛwoa Kpãŋmɔ Adeka lɛ, ni nyɛhãa osɔfoi kpawo ahiɛa ojwɛni akloŋto bɛji kɛnyiɛa Yehowa Kpãŋmɔ Adeka lɛ hiɛ.”

Yoshua 7:7

ni Yoshua kɛɛ akɛ, “Ao! Nuŋtsɔ Nyɔŋmɔ, mɛni hewɔ ni okɛ gbɔmɛi nɛɛ fo Yordan lɛ kɛba? Koni okɛ wɔ abawo Amorbii lɛ adɛŋ koni amɛkpãtã wɔhiɛ? Wɔle nɛkɛ kulɛ wɔkpɛ̃lɛ ni wɔhi Yordan lɛ sɛɛ kɛkɛ.

Yoshua 7:8

Ao! Nuŋtsɔ, te makɛɛ tɛŋŋ be ni Israel enaa sɛɛsɛɛ yɛ ehenyɛlɔi ahiɛ nɛɛ?

1 Petro 3:21

Ni agbɛnɛ baptisimɔ ni nakai nu lɛ ji ehe okadi lɛ hereɔ nyɛ hu nyɛyiwala. Ejeee hewolo nɔ mujijiemɔ, shi moŋ eji kpãŋmɔ ni ajɛɔ henilee kpakpa mli akɛ Nyɔŋmɔ kpãŋɔ, kɛtsɔ̃ Yesu Kristo shitee lɛ nɔ,

Yuda 1:5

Shi miitao akɛ makai nyɛ, nyɛ ni nyɛle enɛ fɛɛ momo lɛ, akɛ Nuŋtsɔ lɛ here maŋ lɛ kɛjɛ Ijipt, shi no sɛɛ lɛ ekpãtã mɛi ni heee yeee lɛ ahiɛ.

1 Samuel 1:24

Be ni Hana tse gbekɛ lɛ fufɔ lɛ sɛɛ lɛ, ekɛ gbekɛ lɛ tee Yehowa we lɛ yɛ Shilo, ni ehiɛ edɛŋ tsinanuu ni eye afii etɛ̃ kɛ ŋmaa mamu kiloi nyɔŋma kɛ wain tɔ kome. Nakai be mli tete lɛ Samuel edako.

1 Samuel 14:18

Ni Saul kɛɛ Ahia, osɔfo lɛ, akɛ, “Yaawo Nyɔŋmɔ Kpãŋmɔ Adeka lɛ kɛba biɛ.” Nɛkɛ beiaŋ lɛ he fɛɛ he ni Israelbii lɛ yaa lɛ amɛ kɛ Kpãŋmɔ Adeka lɛ yaa.

1 Samuel 4:2

Filistibii lɛ gba wo Israelbii lɛ, ni be ni akɛ ta lɛ lɛɛ shi lɛ, Filistibii lɛ anine tsɔ̃ Israelbii lɛ anɔ, ni Israel tabilɔi aaafee akpei ejwɛ nyɔ yɛ ta lɛ mli yɛ ŋa lɛ nɔ.