1 Samuel 31:6 - ŊMALƐ KRƆŊKRƆŊ LƐ

⁶ Bɔ ni Saul kɛ ebihii etɛ̃ lɛ kɛ oblanyo ni hiɛɔ Saul tawuunii lɛ kɛ Saul he gbɔmɛi fɛɛ gboi shi kome yɛ nakai gbi lɛ nɔ nɛ.

Ṅmãle̱ Kroṅkroṅ Le̱

⁶ Bo̱ni Saul ke̱ ebihĩĩ etẽ le̱ ke̱ etawūniihĩelo̱ le̱ ke̱ ewebii le̱ fẽ gboi šikome ye̱ nakai gbĩ le̱ no̱ ne̱.

1 Samuel 31:6 ပူးပေါင်းရင်းမြစ်များ

2 Samuel 1:1

Saul gbele sɛɛ be ni David ku esɛɛ kɛjɛ ta ni efã kɛyaplene Amalekbii lɛ eba lɛ, ebahi shi gbii enyɔ yɛ Ziklag.

2 Samuel 1:12

ni amɛye ŋkɔmɔ, ni amɛwo yara, ni amɛfo, ni amɛhi ŋmaa kɛyashi gbɛkɛ yɛ Saul kɛ ebi Yonatan kɛ Yehowa maŋbii ni enyɔnyɔɔ yɛ ta lɛ mli lɛ ahewɔ.

1 Kronika 10:6

Belɛ Saul kɛ ebihii etɛ̃ lɛ fɛɛ gboi shi kome, kɛkɛ ni emaŋtsɛyeli lɛ sɛɛ fo.

Kojolɔi 9:54

Oya nɔŋŋ ni Abimelek tsɛ oblanyo ni hiɛ lɛ Abimelek lɛ etawuunii lɛ, ni efã oblanyo lɛ akɛ, “Gbalamɔ oklante ni ogbe mi, koni akakɛɛ yɛ mihe akɛ, ‘Yoo po gbe lɛ.’ ” No hewɔ lɛ, oblanyo lɛ tsu Abimelek nɔ, ni egbo.

1 Samuel 11:15

No hewɔ lɛ, maŋ lɛ fɛɛ loo mli kɛtee Gilgal, ni amɛyawo Saul maŋtsɛ yɛ Yehowa hiɛ yɛ jɛi. Amɛshãshãa shidaa afɔlei yɛ jɛi yɛ Yehowa hiɛ, ni Saul kɛ Israelbii lɛ fɛɛ nya jogbaŋŋ diɛŋtsɛ.

1 Samuel 12:17

Ani jeee ŋmãakuu be mli ji ŋmɛnɛ? Ojogbaŋŋ! Mibasɔle matsɛ Yehowa koni ehã ŋwɛi ashimɔ, ni nu hu anɛ koni nyɛkɛna nyɛle akɛ nɔ fɔŋ ni nyɛfee nyɛshi Yehowa kɛ maŋtsɛ ni nyɛbi akɛ ahã nyɛ lɛ, eda naakpa.”

1 Samuel 12:25

Shi naa, kɛji nyɛkã he nyɛfee nifɔɔjianii lɛ, no lɛ aaabɛɛ nyɛ kɛ nyɛmaŋtsɛ lɛ fɛɛ ashwie.”

1 Samuel 26:10

David kɛɛ Abishai ekoŋŋ akɛ, “Mina Yehowa akɛ Yehowa diɛŋtsɛ ni aaatswa Saul nɔ, aloo ebe baashɛ ni eeegbo, aloo eeetee ta ni eeeyanyɔ yɛ ta lɛ mli.

1 Samuel 28:19

Fɛɛ ayakã, Yehowa baahã Filistibii lɛ aye bo kɛ Israel fɛɛ nɔ kunim. Wɔ ni ji wɔ lɛ, bo kɛ obihii baaba abashɛ gbohiiaje he ni miyɔɔ nɛɛ, ni Filistibii lɛ baaye Israel ta lɛ hu nɔ kunim.”

1 Samuel 31:5

Be ni oblanyo lɛ na akɛ Saul egbo lɛ, lɛ hu eho egbee eklante lɛ nɔ, ni ekɛ Saul fɛɛ gbo.

1 Samuel 31:7

Be ni Israelbii ni yɔɔ Yezreel Jɔɔ lɛ sɛɛ kɛ mɛi hu ni yɔɔ Yordan bokãgbɛ lɛ na akɛ, Israelbii lɛ ejo foi yɛ Filistibii lɛ ahiɛ, ni asaŋ Saul kɛ ebihii etɛ̃ lɛ egboi lɛ, amɛjojoo foi amɛshishii amɛmaji amɛshwie shi, ni Filistibii lɛ baŋɔ maji lɛ ni amɛhi mli.