1 Samuel 31:4 - ŊMALƐ KRƆŊKRƆŊ LƐ

⁴ Kɛkɛ ni Saul kɛɛ oblanyo ni hiɛɔ etawuunii lɛ akɛ, “Gbalamɔ oklante lɛ, ni okɛdu mi bɔ ni afee ni foolɔi nɛɛ akaba amɛbagbe mi, ni amɛfee mi niseniianii.” Shi oblanyo lɛ emiii nakai feemɔ ejaakɛ gbeyei emɔ lɛ naakpa. Enɛ hewɔ lɛ, Saul gbala lɛ diɛŋtsɛ eklante lɛ, ni eho egbee nɔ.

Ṅmãle̱ Kroṅkroṅ Le̱

⁴ Ke̱ke̱ ni Saul kē̱ etawūniihĩelo̱ le̱ ake̱: Gblamo̱ *oklante ní oke̱-dũmi, ko-ni ne̱ke̱ fõlo̱i ne̱ akaba ame̱badũmi, ní ame̱femĩ niseniianii. Ši etawūniihĩelo̱ le̱ ekplẽẽ; edšake̱ ēše gbeyei naakpa dientše̱. Nohewo̱ le̱ Saul ko̱ eklante ni eho egbē no̱. *Kodš. 9,54.

1 Samuel 31:4 ပူးပေါင်းရင်းမြစ်များ

2 Samuel 1:1

Saul gbele sɛɛ be ni David ku esɛɛ kɛjɛ ta ni efã kɛyaplene Amalekbii lɛ eba lɛ, ebahi shi gbii enyɔ yɛ Ziklag.

2 Samuel 1:14

Kɛkɛ ni David bi lɛ akɛ, “Mɛni hewɔ ni osheee gbeyei, shi onyɛ owo onine nɔ, ni okɛkpãtã mɔ ni Yehowa efɔ lɛ mu lɛ hiɛ nɛɛ?”

2 Samuel 1:20

Nyɛkayagbaa enɛ yɛ Gat; akatsi enɛ tã yɛ Ashkelon blohuiaŋ koni Filistibii lɛ abiyei lɛ akanya, ni foolɔi lɛ abiyei lɛ miitumɔ.

2 Samuel 1:6

Oblanyo lɛ hã David hetoo ni ekɛɛ, “Heniianaa ni miyaje Gilboa Gɔŋ lɛ nɔ, ni miyanina Saul ni ebu ekpɔlɔ lɛ nɔ, be mli ni henyɛlɔi lɛ ashwiilii lɛ kɛ okpɔŋɔnɔtalɔi lɛ miibɛŋkɛ lɛ waa lɛ.

2 Samuel 17:23

Be ni Ahitofel na akɛ ayeee ŋaa ni ewo lɛ nɔ lɛ, ewo eteji nɔ nii, kɛkɛ ni eshi kɛtee emaŋ; ni be ni eto enibii fɛɛ gbɛjianɔ lɛ, eyawo esɛ̃ kpãa, ni egbe ehe. Afu lɛ yɛ etsɛ gbonyo fuuhe lɛ mli.

2 Samuel 21:12

etee ni eyaŋɔ Saul wui lɛ kɛ Yonatan hu wui lɛ yɛ Yabesh Gileadbii lɛ adɛŋ kɛba. Ejaakɛ gbi ni Filistibii lɛ gbe Saul yɛ Gilboa lɛ, amɛkɛ Saul kɛ Yonatan gbohii lɛ ba, ni amɛkɛbatsotsro shi yɛ Bet-Shan blohu lɛ mli; ni Yabesh-Gileadbii lɛ baju gbohii lɛ kɛtee.

1 Maŋtsɛmɛi 16:18

Be ni Zimri na akɛ aŋɔ maŋ lɛ, eyabote maŋtsɛwe lɛ mɔɔ lɛ mli kɛkɛ ni ema maŋtsɛwe lɛ naa la, ni eshã shĩa lɛ eshwie enɔ, ni egbo.

1 Maŋtsɛmɛi 16:27

Omri he saji ni eshwɛ kɛ nibii krokomɛi fɛɛ ni efee, kɛ ekãa ni efee lɛ aŋma fɛɛ yɛ Israel Maŋtsɛmɛi Ayinɔ Saji Awolo lɛ mli.

1 Kronika 10:4

Kɛkɛ ni Saul kɛɛ oblanyo ni hiɛɔ etawuu nii lɛ akɛ, “Gbalamɔ oklante lɛ ni okɛdu mi bɔ ni afee ni foolɔi nɛɛ akaba amɛbagbe mi, ni amɛye mihe fɛo.” Shi oblanyo lɛ emiii nakai feemɔ, ejaakɛ gbeyei emɔ lɛ naakpa. Enɛ hewɔ lɛ, Saul gbala lɛ diɛŋtsɛ eklante lɛ ni eho egbee nɔ.

Kojolɔi 14:3

Shi etsɛ kɛ enyɛ kɛɛ lɛ akɛ, “Aso yoo ko yoo ko bɛ onyɛmimɛi lɛ abiyei lɛ ateŋ aloo wɔjakubii lɛ fɛɛ ateŋ hewɔ ni esa akɛ oyaŋɔ yoo yɛ Filistibii foolɔi lɛ ateŋ lɛ?” Shi Samson kɛɛ etsɛ akɛ, “Yaaŋɔ lɛ obahã mi, ejaakɛ lɛ misumɔɔ.”

Kojolɔi 9:54

Oya nɔŋŋ ni Abimelek tsɛ oblanyo ni hiɛ lɛ Abimelek lɛ etawuunii lɛ, ni efã oblanyo lɛ akɛ, “Gbalamɔ oklante ni ogbe mi, koni akakɛɛ yɛ mihe akɛ, ‘Yoo po gbe lɛ.’ ” No hewɔ lɛ, oblanyo lɛ tsu Abimelek nɔ, ni egbo.

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

1 Samuel 17:26

David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”

1 Samuel 17:36

Maŋtsɛ, jata kɛ oshishibrishi po migbe amɛ. Akɛni nɛkɛ Filistinyo foolɔ nɛɛ miibɔ Nyɔŋmɔ hiɛkãalɔ lɛ tai lɛ ahora hewɔ lɛ, eeena nɔ ni kooloi lɛ na yɛ midɛŋ lɛ eko.

1 Samuel 26:10

David kɛɛ Abishai ekoŋŋ akɛ, “Mina Yehowa akɛ Yehowa diɛŋtsɛ ni aaatswa Saul nɔ, aloo ebe baashɛ ni eeegbo, aloo eeetee ta ni eeeyanyɔ yɛ ta lɛ mli.

1 Samuel 31:5

Be ni oblanyo lɛ na akɛ Saul egbo lɛ, lɛ hu eho egbee eklante lɛ nɔ, ni ekɛ Saul fɛɛ gbo.