1 Samuel 31:2 - ŊMALƐ KRƆŊKRƆŊ LƐ

² Filistibii lɛ nyiɛ Saul kɛ ebihii lɛ asɛɛ waa. Amɛnine shɛ Saul bihii Yonatan kɛ Abinadab kɛ Malkishua nɔ, ni amɛgbe amɛ.

Ṅmãle̱ Kroṅkroṅ Le̱

² Ši Filistibii le̱ nyie Saul ke̱ ebihĩĩ le̱ ase̱ wā, ni Filistibii le̱ gbe Ionatan ke̱ Abinadab ke̱ Malkišua, Saul bihĩĩ le̱.

1 Samuel 31:2 ပူးပေါင်းရင်းမြစ်များ

2 Samuel 1:6

Oblanyo lɛ hã David hetoo ni ekɛɛ, “Heniianaa ni miyaje Gilboa Gɔŋ lɛ nɔ, ni miyanina Saul ni ebu ekpɔlɔ lɛ nɔ, be mli ni henyɛlɔi lɛ ashwiilii lɛ kɛ okpɔŋɔnɔtalɔi lɛ miibɛŋkɛ lɛ waa lɛ.

2 Maŋtsɛmɛi 25:7

Zedekia hiŋmɛii jwere nɔ nɛkɛ nɔŋŋ, ni agbe ebihii lɛ yɛ ehiɛ; ni Nebukadnezar hã ajwara Zedekia hiŋmɛii, ni awo lɛ gboklɛi ni aŋɔ lɛ kɛtee Babilon.

1 Kronika 10:2

shi Filistibii lɛ tiu Israelbii lɛ kɛ Saul kɛ ebihii lɛ. Amɛnine shɛ Saul bihii Yonatan kɛ Abinadab kɛ Malkishua nɔ, ni amɛgbe amɛ.

1 Kronika 8:33

Ner fɔ Kish, ni Kish fɔ Saul, ni Saul fɔ Yonatan kɛ Malkishua kɛ Abinadab kɛ Esh-Baal.

1 Kronika 9:39

Ner fɔ Kish, ni Kish fɔ Saul, ni Saul fɔ Yonatan kɛ Malkishua kɛ Abinadab kɛ Esh-Baal.

2 Mose 20:5

“Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

1 Samuel 13:16

Saul kɛ ebi Yonatan kɛ tabilɔi ni fata amɛhe lɛ wa yɛ Geba, yɛ Benyamin shikpɔŋ lɛ nɔ. No mli lɛ Filistibii lɛ ewo shi yɛ Mikmash.

1 Samuel 13:2

Saul hala hii tabilɔi akpei etɛ̃ yɛ Israelbii lɛ ateŋ. Ekɛ hii tabilɔi nɛɛ ateŋ mɛi akpei enyɔ hi Mikmash yɛ Betel yɛ gɔji ashikpɔŋ lɛ nɔ, ni amɛteŋ akpe hu kɛ Yonatan hi Gibea yɛ Benyamin shikpɔŋ lɛ nɔ. Israel hii ni shwɛ lɛ Saul wo amɛ gbɛ ni mɔ fɛɛ mɔ tee eshĩa.

1 Samuel 14:22

Nakai nɔŋŋ hu Israelbii ni jojoo foi amɛyateetee yɛ Efraim gɔji lɛ anɔ lɛ hu fee. Be ni amɛnu akɛ Filistibii lɛ miijo foi yɛ ta lɛ naa lɛ, amɛ hu amɛbafata he ni anyiɛ Filistibii lɛ asɛɛ waa.

1 Samuel 14:49

Saul musuŋ bihii lɛ ji Yonatan kɛ Ishvi kɛ Malkishua; ni ebiyei enyɔ lɛ hu agbɛii ji Merab, onukpa lɛ, kɛ Mikal ni ji gbekɛ lɛ.

1 Samuel 23:17

Yonatan kɛɛ David akɛ, “Kaashe gbeyei, ejaakɛ mitsɛ Saul nine shɛŋ onɔ. Ele enɛ faŋŋ akɛ bo obaaye Israel nɔ maŋtsɛ, ni mi matsɔ̃ osɛɛmɔ.”

1 Samuel 28:19

Fɛɛ ayakã, Yehowa baahã Filistibii lɛ aye bo kɛ Israel fɛɛ nɔ kunim. Wɔ ni ji wɔ lɛ, bo kɛ obihii baaba abashɛ gbohiiaje he ni miyɔɔ nɛɛ, ni Filistibii lɛ baaye Israel ta lɛ hu nɔ kunim.”